ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს

ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს

access_time2020-10-19 17:30:07

ავიაკომპანია „აირ ჯორჯიამ“ შესაძლოა, დაბალბიუჯეტიანი ფრენები დაიწყოს. როგორც ,,ჰაბ ჯორჯიას“ დამფუძნებელმა გიორგი კოდუამ განაცხადა, პირველი AIRBUS A320 ტიპის თვითმფრინავი თბილისის აეროპორტში ხვალ შემოვა, მეორე კი დაახლოებით, 1 თვეში.

 

გიორგი კოდუას თქმით, ამ ეტაპზე მთავრობასთან მოლაპარაკებები ისევ გრძელდება და დადებითი პასუხის შემთხვევაში, ეს იქნება პირველი ქართული დაბალბიუჯეტანი ავიაკომპანია, რომელიც კონკურენციას Wizz Air-ს გაუწევს. თუმცა, იმ შემთხვევაში, თუ სახელმწიფო „აირ ჯორჯიას“ Wizz Air-ის მსგავს პირობებში არ ჩააყენებს, კომპანია ფრენებს თბილისიდან ჩვეულებრივი ფასებით გააგრძელებს.

 

,,აირ ჯორჯიას ცნობით, თვითმფრინავები 180 მგზავრზეა გათვლილი. ამასთან, ავიაკომპანია აღნიშნული თვითმფრინავებით რეისებს ევროპისა და შუა აზიის მიმართულებით განახორციელებს.

 

„ამ ეტაპზე ორ AIRBUS -ზეა ხელი მოწერილი, მაგრამ ჯერ პირველი შემოდის. მეორე თვითმფრინავს შემოვიყვანთ 1 თვეში. შემდეგ მესამე შემოვა დეკემბერში და მეოთხე მარტში. ჯამში 4 თვიმფრინავზეა პროექტი.

 

ჩვენ აღნიშნული გეგმა დავაანონსეთ კიდეც, რომ ეს იქნებოდა პირველი დაბალბიუჯეტიანი ქართული კომპანია. თვითმფრინავების შემოყვანა სწორედ ამის გაგრძელებაა. თბილისში უბრალოდ შემოდის იმიტომ, რომ გარკვეული პროცედურებია ჩასატარებელი. დღეს ეს თვითმფრინავი იმყოფება N რეგისტრაციაზე, ანუ ამერიკის დროშის ქვეშ და როდესაც შემოფრინდება, უნდა ჩატარდეს შესაბამისი პროცედურები, რომ დარეგისტრირდეს საქართველოს დროშაზე.


 

როგორც იცით, ჩვენ მოლაპარაკებას ვაწარმოებთ მთავრობასთან და თუ ქუთაისის აეროპორტში მოგვცა ისეთი პირობა, როგორც Wizz Air -ს აქვს, მაშინ ჩვენ უკვე თვითმფრინავს რეგისტრაციის შემდეგ, გადავიყვანთ ქუთაისში და ფრენებს იქიდან დავიწყებთ“,- განაცხადა გიორგი კოდუამ.

 

როგორც ,,ჰაბ ჯორჯიას“დამფუძნებელი განმარტავს, კომპანიას სრულიად მზად არის ჯანსაღი კონკურენციისთვის. როგორც გიორგი კოდუა ამბობს, მთავრობის მხრიდან ნებართვის შემთხვევაში, მომხმარებლები გაცილებით მეტ დაბალბიუჯეტიან ადგილს მიიღებენ, ვიდრე მათ Wizz Air-ი სთავაზობს.

 

“პირადად ჩემთვის გაუგებარია, რატომ უნდა იყოს Wizz Air -ი პრივილეგირებულ მდგომარეობაში. ეს შენიშვნა მთავარობამაც ძალიან სწორად გაიგო და თქვეს, რომ ამას განვიხილავთო. მე არაფერს განსაკუთრებულს და ექსკლუზიურს არ ვითხოვ, ჩვენ ვამბობთ, რომ იყოს ჯანსაღი კონკურენცია და არ მოხდეს მონოპოლიზაცია. არასწორია, როდესაც უცხოური კომპანია უფრო დაბალ ფასად დაფრინავს, მათ შეღავათს აძლევს სახელმწიფო და ჩვენ - არა. თუ ეს მოხდა, აპრიორი განწირული ვიქნებით გაკოტრებისთვის. ამიტომ, თუ იგივე პირობებში არ ჩაგვაყენებენ, ჩვენ არ ვაპირებთ Wizz Air -ზე უარესი პირობით ვიფრინოთ ქუთაისიდან. ამ შემთხვევაში თბილისიდან განვახორციელებთ ფრენებს ჩვეულებრივ. სწორედ ეს არის იმის მიზეზიც, რომ რეისების მიმართულება არ არის დაკონკრეტებული. დაახლოებით, 2 თვეში დალაგდება ყველაფერი. გეგმაში მაქვს, რომ ეს იყოს ევროპის მიმართულება, აზია, შუა აღმოსავლეთი, მაგრამ კონკრეტული ქვეყნები დამოკიდებული იქნება მთავრობის გადაწყვეტილებაზე.

 

მე გპირდებით, რომ მთავრობამ თუ იგივე პირობებში ჩაგვაყენა, როგორშიც Wizz Air -ია, მაშინ ჩვენ უფრო უკეთეს ფასებს დავდებთ. Wizzair-ს რომ აქვს, 30-50-100 ევრო ბილეთების ღირებულება და ფასებით თამაშობს, ჩვენ გვექნება ანალოგიურად 30-50 ევროდ, მაგრამ ჩვენ უფრო მეტ დაბალბიუჯეტიან ადგილებს ჩავუშვებთ და შევინარჩუნებთ დაბალ ფასებს. თუნდაც იმიტომ, რომ კონკურენცია გავუწიოთ Wizz Air -ს, ეს უბრალოდ ბიზნესინტერესია. მივესალმები, რომ იფრინოს Wizz Air-მაც, ისიც უფრო ყურადღებით იქნება, რომ ფასები არ აწიოს. თუ აწევს, დაკარგავს მგზავრს და ა.შ. როდესაც ჯასაღი კონკურენცია იქნება, ისევ საზოგადოება იხეირებს. ჩვენ მზად ვართ კონკურენტუნარიანი ფასებისთვის.

 

გარდა ამისა, აქამდე ქართულ კომპანას არ უფრენია დაბალბიუჯეტიანის სტატუსით და ეს პირველად მოხდება“,-განაცხადა გიორგი კოდუამ.


წყარო: bpn





Glovo მიტანის სერვისის შემდეგი თაობის, Q-Commerce-ის დაწყებას აანონსებს

Glovo მიტანის სერვისის შემდეგი თაობის, Q-Commerce-ის დაწყებას აანონსებს
access_time2020-12-01 09:55:23
•             ყველა საცალო და სასურსათო პროდუქტის მიწოდება ოცდაათ წუთზე ნაკლებ დროში განხორციელდება თბილისი, 2020 წლის 26 ნოემბერი: ბარსელონაში დაარსებული ტექნოლოგიური კომპანია Glovo, ახალი ბიზნეს განყოფილების, Q-Commerce-ის დაწყებას აანონსებს. ესაა მესამე თაობის კომერცია, რაც გულისხმობს ოცდაათ წუთში ან უფრო ნაკლებ დროში ყველაფრის მიწოდებას ქალაქებში.   Glovo საცალო და...

„რა სახით უნდა მიიღოს ვიტამინები თქვენმა პატარამ ვირუსულ პერიოდში?

„რა სახით უნდა მიიღოს ვიტამინები  თქვენმა პატარამ ვირუსულ პერიოდში?
access_time2020-12-01 10:50:13
ბრიტანელმა ექსპერტებმა გამოსცეს რეკომენდაციები, რომელშიც აღინიშნა, რომ აუცილებელია იმ პროდუქტების მიღება,რომელშიც D ვიტამინი და ომეგა 3 ჭარბობს, რათა გაძლიერდეს იმუნური სისტემა,განსაკუთრებით, ვირუსული ინფექციის დროს. ექსპერტების ოფიციალურ მიმართვაში ნათქვამია, რომ დაბალანსებულმა,ჯანსაღმა კვების რაციონმა შეიძლება გააუმჯობესოს ორგანიზმის ამტანობა პატარებში,გაზარდოს იმუნური წინააღმდეგობა ვირუსის მიმართ და ხელი შეუწყოს საჭმლის მომნელებელ სისტემას ინფექციის წინააღმდეგ...

„ჩემი ჩანგლიდან გადადის ვირუსი და თმის საშრობიდან არა? - ძალიან არაჯანსაღია ეს ყველაფერი“ - შეფ კონსტანტინე თედელური

„ჩემი ჩანგლიდან გადადის ვირუსი და თმის საშრობიდან არა? - ძალიან არაჯანსაღია ეს ყველაფერი“ - შეფ კონსტანტინე თედელური
access_time2020-12-01 11:00:48
„ეს ყველაფერი ძალიან არაჯასაღად გამოიყურება. ჩემი სარესტორნო სივრცე ისედაც ერთადგილიანი იყო, სხვები კი მაქსიმალურად დაშორებული მაგიდებით.  დაცული იყო ყველა რეგულაცია ისევე, როგორც უმეტეს დაწესებულებაში, მაგრამ მაინც მოვყევი ამ პროცესებში,“ – ამის შესახებ „კომერსანტთან“ რესტორატორმა, შეფ კონსტანტინე თედელურმა ისაუბრა. შეფ კონსტანტინეს ერთმაგიდიანი ბუტიკური რესტორანი - „შეფ კონსტანტინე თედელური“, ასევე Graph Sandwich IV და კრწანისის რეზიდენციის...

არანაირად არ ველოდით აუზების დახურვას, როცა მთელი მსოფლიო აღიარებს, რომ კორონავირუსი წყლით არ გადადის - ვაკის საცურაო აუზი

არანაირად არ ველოდით აუზების დახურვას, როცა მთელი მსოფლიო აღიარებს, რომ კორონავირუსი წყლით არ გადადის - ვაკის საცურაო აუზი
access_time2020-12-01 12:00:15
„არც ველოდით აუზების დახურვას, რადგან მთელი მსოფლიო აღიარებს, რომ წყლით კორონავირუსი არ გადადის. ეს ყველაფერი არ ყოფილა ჩვენთან გავლილი და კარგი იქნებოდა, გვცოდნოდა,“ - საცურაო აუზების კიდევ ორი თვით დახურვის შესაძლო შედეგებსა და მიზანშეწონილობაზე „კომერსანტს“ ვაკის საცურაო აუზის საზოგადოებასთან ურთიერთობის სამსახურში ესაუბრნენ. როგორც უკვე ცნობილია, კორონავირუსის გავრცელების პრევენციის მიზნით, 28 ნოემბრიდან მაღაზიები, რესტორნები, ფიტნესცენტრები და...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-30 21:00:27
დღის Top 10 საინტერესო ამბავი     1. „არ შეიძლება ადამიანებს ცხოვრება აუკრძალო, ეს კატასტროფა და სრული სიგიჟეა, კომუნიზმია“     საქართველოში უკვე მორედ, საქართველოს მთავრობამ კარანტინი გამოცხადა, ოფიციალურად ხელისუფლებამ წერტილოვანი შეზღუდვები აამოქმედა თუმცა, მათი გადაწყვეტილებით ქვეყანა რეალურად ისევ...


მსგავსი სიახლეები

up