ქართული ბანკების მოგება შემცირდა

ქართული ბანკების მოგება შემცირდა

access_time2019-08-28 14:00:01

2019 წლის პირველ შვიდ თვეში, ქართული კომერციული ბანკების უმეტესობაში მოგების მაჩვენებელი შემცირდა. ჯამურად, ფინანსური სექტორის მიერ მიღებულმა წმინდა მოგებამ იანვარ-თებერვლის განმავლობაში 443,4 მილიონი ლარი შეადგინა, რაც 21 მილიონი ლარით, ანუ 5%-ით ნაკლებია 2018 წლის ანალოგიურ პერიოდში არსებულ მაჩვენებელთან შედარებით.


რატომ შემცირდა ბანკების მოგება


საქართველოს ეროვნული ბანკის ვებ-გვერდზე გამოქვეყნებული კონსოლიდირებული სტატისტიკის მიხედვით, ბანკებში მოგების შემცირება შემოსავლების შემცირებით არ არის გამოწვეული, არამედ მისი მიზეზი ბანკების მიერ გაწეული ხარჯების მაღალი ზრდის ტემპია.


2019 პირველ 6 თვეში ქართული ბანკების მთლიანი შემოსავლები 7.5%-ით გაიზარდა და მან 2,485,807,000 ლარი შეადგინა. მათ შორის ზრდა დაფიქსირდა როგორც - ფიზიკური, ასევე იურიდული პირების მიმართულებით.



ფიზიკური პირების სესხებიდან ბანკებმა 1,115,930,000 ლარის საპროცენტო შემოსავალი მიიღეს (2.9%-ით მეტი 2018 წელთან შედარებით). ხოლო, იურიდიული პირებიდან მიღებულმა საპროცენტო შემოსავალმა კი 644,106,000 ლარი შეადგენდა, რაც წინა წელთან შედარებით 17%-ით მეტია.


ამასთანავე, ზრდა ფიქსირდება ჯარიმების და საურავების აკრეფით მიღებულ შემოსავლებში. სულ ბანკებმა 55,188,000 ლარის ჯარიმები აკრიფეს (ზრდა 18%). ვალუტის კონვერტაციის ოპერაციებით კი ბანკებმა 206,658,000 ლარი დააგენერირეს, რაც 2018 წელთან შედარებით 69%-ით მეტია.


თუმცა, ქართულ ბანკებს შემოსავლებზე უფრო მაღალი ტემპით ხარჯები გაეზარდათ. მათ შორის მოქალაქეთა მიერ განთავსებულ დეპოზიტებზე 484,382,000 ლარის საპროცენტო სარგებელი დაარიცხეს, რაც 2018 წლის ანალოგიურ პერიოდთან შედარებით 12.5%-ით მეტია.


ადმინისტრაციული, საოფისე და საექსპლოატაციო, ასევე სხვა სახის არასაპროცენტო ხარჯებისთვის ბანკებმა 744,169,000 ლარი გაიღეს, რაც 2018 წელთან შედარებით 11%-ით მეტია.


აქტივების დანაკარგით გამოწვეული შესაძლო ზარალის სახით, ქართულმა ბანკებმა 302,336,000 ლარი აღრიცხეს რაც წინა წელთან შედარებით 30%-ით მეტია. მთლიანობაში მოგებამ დაბეგვრამდე - 498 მილიონი ლარი, წმინდა მოგებამ კი, 443 მილიონი ლარი შეადგინა. მოგების გადასახადის სახით გადახდილი თანხა - 44.9 მილიონს, ხოლო გაუთვალისწინებელი ხარჯები კი, 9.9 მილიონ ლარს შეადგენდა.

BMG


თეგები:
ბანკები



ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up