ქართულ სოფლებს  ყველაზე მეტად ინტელექტუალური მხარდაჭერა სჭირდება

ქართულ სოფლებს ყველაზე მეტად ინტელექტუალური მხარდაჭერა სჭირდება

access_time2021-10-14 11:00:33

სასურსათო თვითუზრუნველყოფა, ხარისხი და ტექნოლოგიური განვითარება მთავარი პრობლემებია, რაც აგროსექტორის გამოწვევებს შორისაა. ამ ჩამორჩენის მიზეზად სპეციალისტები ინოვაციების სიმცირეს მიიჩნევენ. აჭარის რეგიონში მცხოვრები ექსპერტი, პროფესორი პაატა აროშიძე სოფლის მეურნეობის საჭიროებებს კარგად იცნობს. ამბობს, რომ  ინტერელექტუალური მხარდაჭერა არსებულ  პრობლემას მნიშვნელოვნად მოაგვარებს. შესაბამისად, აგროექსპერტის მთავარი რეკომენდაციაა,  ევროკავშირის ფინანსური დახმარების მნიშვნელოვანი ნაწილი სწორედ ინოვაციების დანერგვას და ტექნოლოგიურ წინსვლას მოხმარდეს.

 

„სოფლებისთვის, ამ შემთხვევაში, აჭარისთვის, მნიშვნელოვანია ინტელექტუალური დახმარება, ყველაზე მეტ დაბრკოლებას ცოდნის დეფიციტი გვიქმნის. ევროკავშირის პროგრამები  აგროსექტორის განვითარებისთვის ყოველთვის მნიშვნელოვანი იყო, თუმცა ამ ეტაპზე სასურველი იქნება, თუკი  დარგის განვითარების ხელშემწყობ ღონისძიებებს მოხმარდება.

ფერმერებს სისტემატურად უნდა უტარდებოდეთ ტრენინგები, რაც  მათ საქმიანობაზე  დადებითად აისახება.  ამიტომ თუ რეალურად დაინტერესდებიან, სარგებელს მიიღებენ.  ევროკავშირის  საქმიანობა ამ მიმართულებით კარგია, თუმცა ეს პროცესი დღეს არ დაწყებულა, საკმაოდ დიდი ხანია მიმდინარეობს. ჩვენ არაერთი შემთხვევა გვაქვს, როცა პროექტის დაფინანსება დასრულდა და მისი არსებობაც მალე შეწყდა, რადგან შესაბამისი განათლება არ იყო, ამიტომ ვამბობ ასე დაჟინებით, რომ სწავლებაში ჩადებული თანხა  უფრო მეტ შედეგს გამოიღებს“, - ამბობს აროშიძე.



მისი თქმით, პირველ რიგში ყურადღება უნდა მიექცეს ამა თუ იმ სოფლის საჭიროებებს და ადგილობრივ თვითმმართველობებთან კომუნიკაცია გაძლიერდეს.

 


აგროექსპერტის შეფასებით, მსოფლიოს წამყვანმა ქვეყნებმა, როგორიცაა ისრაელი, ჰოლანდია, გერმანია და აშშ, დიდ წარმატებას მიაღწიეს სწორედ ტექნოლოგიური განვითარებით, რაც საქართველოსთვის ჯერ კიდევ გამოწვევად რჩება.




„სოფლის მეურნეობაში ინოვაციები ახალი თემა არ არის, მაგრამ მთავარია საქართველოს ეკონომიკა მთლიანად ინოვაციური ხაზით წავიდეს, მათ შორის სოფლის მეურნეობა. 30 წლის წინანდელ მდგომარეობასთან შედარებით ტექნოლოგიურად ფაქტობრივად არაფერი შეცვლილა. დარგი ისევ ძველი ტექნოლოგიებით ვითარდება. ზუსტად ისე ხდება მიწის დამუშავება, მოსავლის მიღება და შემდეგში გადამუშავება, როგორც ვთქვათ, 40 წლის წინ ხდებოდა. ამ დროს აგრარული სფერო გაცილებით წინ წავიდა ინოვაციების თვალსაზრისით მსოფლიოს უამრავ ქვეყანაში. გერმანია რომ ავიღოთ, აშშ, ჰოლანდია და კანადა, მათ ამ გამოწვევას კარგად გაართვეს თავი სწორედ ინოვაციური პროექტების მხარდაჭერით. ამას თუ მივაღწევთ, არსებული პრობლემის დაძლევა არ გაგვიჭირდება. მსოფლიოს წამყვანი ქვეყნები ძალიან დიდ ფულს ხარჯავენ  სწორედ ტექნოლოგიური უზრუნველყოფის მიმართულებით, ნებისმიერი ევროპული ქვეყანა ამ მხრივ ძალიან წინ წავიდა. ისრაელი ამ თვალსაზრისით, 50 წლის წინაც შორს იყო და, მით უმეტეს ახლა, მაღალ დონეზე დგას. დარგი მეცნიერულად ვითარდება, საქართველოში კი მოსავლიანობას მიწის ხარისხის მიხედვით ვზომავთ, რაც არასწორი მიდგომაა. რეალურად თუ განვითარდება დარგი, სახელმწიფოს დიდი სარგებელს მოუტანს, თორემ ფული იხარჯება, 2 მილიარდზე მეტია სუბსიდირების ხარჯი და შედეგი რეალურად არ არის. ამის მიზია ის, რომ დღესაც ტრადიციული გაგებით ვითარდება დარგი, რასაც ჩვენი მამა-პაპანი აკეთებდნენ“, - აცხადებს პაატა აროშიძე. 



შეგახსენებთ, რომ ევროკავშირის მიერ დაფინანსებული, რეგიონების ინტეგრირებული განვითარების საპილოტე პროგრამის ფარგლებში 40 მილიონი ლარის გამოყოფა იგეგმება, - ამის შესახებ მთავრობის 12 ოქტომბრის სხდომის შემდეგ რეგიონული განვითარებისა და ინფრასტრუქტურის მინისტრმა ირაკლი ქარსელაძემ განაცხადა.



მისი თქმით, 2021-22 წლებში 20 მილიონი ლარის მიმართვა მოხდება სოფლის განვითარების სააგენტოში.



პროგრამა ითვალისწინებს როგორც ახალი საწარმოების შექმნას, ასევე არსებული საწარმოების განვითარებას, მოდერნიზაციას, გაფართოებას.



ირაკლი ქარსელაძის ინფორმაციით,  დაფინანსების ფარგლებში შესაძლებელი იქნება მანქანა-დანადგარების, ინვენტარის შეძენა, შესაბამისი სამშენებლო სამუშაოების დაფინანსება და განხორციელება და ა.შ. 


მარი ჩიტაია





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up