„ქართულ ოცნებაში“  დემპინგის აკრძალვასთან დაკავშირებით კონსენსუსი ისევ არ არის

„ქართულ ოცნებაში“ დემპინგის აკრძალვასთან დაკავშირებით კონსენსუსი ისევ არ არის

access_time2018-08-31 09:30:00

უმრავლესობის წევრი კახა ოქრიაშვილი არ ეთანხმება მოსაზრებას, რომ შეიძლება ქვეყანაში ანტიდემპინგური კანონმდებლობის მიღებამ საერთაშორისო რეიტინგებში  უკან დაგვწიოს.  ამის მაგალითად დეპუტატს ესტონეთი მოჰყავს, რომელსაც საქართველოზე კარგი რეიტინგი აქვს ამ ნაწილში და სადაც იდეალურად მოქმედებს ანტიდემპინგური კანონმდმებლობა.



„როგორც ესტონეთის  მაგალითი ავიღეთ მოგების  დაბეგვრასთან დაკავშირებით, ანალოგიური მაგალითი უნდა ავიღოთ ანტიდემპინგური კანონდმებლობის. შეგვიძლია გადმოვიღოთ  ფინეთის, სკანდინავიის ქვეყნების მოდელებიც.ამ ქვეყნებს საერთაშორსო ასპარეზზე ჩვენზე კარგი რეიტინგები აქვთ“-აცხადებს ოქრიაშვილი.



მისივე განცხადებით, საკანონმდებლო ორგანო ელოდება კანონპროექტის შესვლას და უკვე ამის შემდეგ  მისი განხილვა  დაიწყება.



 ფინანსთა მინისტრმა  ივანე მაჭავარიანმა რამდენიმე დღის წინ  ერთ-ერთ მედიასაშუალებასთან საუბარში განაცხადა,რ ომ  საქართველოს მიერ დემპინგის აკრძალვა სავარაუდოდ, საერთაშორისო რეიტინგებში ქვეყნის პოზიციას გააუარესებს. მაგალითად, Heritage Foundation-ის ბიზნესის თავისუფლების ინდექსში საქართველოს მსოფლიოს მასშტაბით 16-ე ადგილი უჭირავს. საქართველოს ყველაზე მაღალი ქულა სწორედ ვაჭრობის თავისუფლების კრიტერიუმში აქვს, რადგანაც ქვეყანაში არ არსებობს ვაჭრობის შემზღუდველი ნორმები. ბიზნესის თავისუფლების ინდექსის მეთოდლოგიის მიხედვით, ქვეყნების შეფასების ერთერთი კრიტერიუმია ანტიდემპინგური ნორმების არსებობა. ახალი რეგულაციის მიღების შემთხვევაში, მაღალი ალბათობით საქართველო ინდექსში ჩამოქვეითდება, რაც საერთაშორისო ინვესტორთა განწყობაზე ნეგატიურად აისახება.




აქვე მაჭავარიანმა განმარტა, რომ  ანტიდემპინგი ეს  არის იარაღი, რომელიც  საქართველოს არსენალში უნდა იყოს.



ანტიდემპინგი საგარეო ვაჭრობის შემზღუდველ ნორმებს მოიცავს, რომლებიც უცხოურ კომპანიებს ბარიერს უწესებს, რათა მათ ის პროდუქცია, რომელიც ქვეყნის შიგნითაც იწარმოება, სავარაუდო თვითღირებულებაზე ნაკლებ ფასად არ გაყიდონ.



შეგახსენებთ, რომ მთავრობამ ანტიდემპინგურ კანონპროექტზე მუშაობა 2015 წელს დაასრულა. დაანონსებული იყო, რომ მისი ამოქმედება ამავე წლის ბოლოს უნდა დაწყებულიყო, თუმცა, დღემდე მისი მიღება არ მომხდარა. ქართულ ოცნებაში დემპინგის აკრძალვასთან დაკავშირებით წარსულში კონსენსუსი არ იყო. დემპინგის აკრძალვის აქტიური მხარდამჭერი იყო ვიცეპრემიერი დიმიტრი ქუმსიშვილი. მის დროს ეკონომიკის სამინისტრომ კანონმდებლობის მონახაზი შეიმუშავა, თუმცა მისი ინიცირება არ მოუხდენია.



ავტორი: სოფო ქსოვრელი

 





დღის Top-10 საინტერესო ამბავი

დღის Top-10 საინტერესო ამბავი
access_time2020-07-08 21:30:06
დღის Top-10 საინტერესო ამბავი 1.აშშ-ს ეს დამოკიდებულება ცოტა გადაჭარბებულია -ბიზნესი ამერიკის კონგრესის განცხადებაზე კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“ ხელმძღვანელი ირაკლი იაშვილი „კომერსანტთან“...

ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება
access_time2020-07-08 20:00:35
ევროპამ კორონავირუსის პანდემია დაძლია, კარანტინი მოხსნა და საზღვრების გახსნისთვის ემზადება.მიზანია ნორმალური ცხოვრების აღდგენა და გაჩერებული ეკონომიკის ამოქმედება. ჩამოშლის სტადია შეჩერებულია, ეკონომიკური აქტიურობა აღდგენას იწყებს, თუმცა ეკონომისტები ფულის თვლას იწყებენ იმაზე, თუ ასწლეულის უმსხვილესი კრიზისიდან გამოსვლისთვის  რა თანხები იქნება საჭირო. ოპტიმისტები  რამდენიმე მიზეზის გამო უმცირესობაში...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...


მსგავსი სიახლეები

up