ქართულ ბაზარზე ქარხნულად წარმოებული ტყლაპი გამოჩნდა

ქართულ ბაზარზე ქარხნულად წარმოებული ტყლაპი გამოჩნდა

person access_time2016-03-05 12:15:53

 საქართველოში ქართული ტრადიციული ნუგბარის, ტყლაპის ქარხნული წარმოება დაიწყო. ქარხნული წესით დამუშავებული შეფუთული ტყლაპი ბაზარზე რამდენიმე კვირაა, რაც გამოჩნდა. ტყლაპს კომპანია Fruit Factory აწარმოებს.


რა პრობლემებს წააწყდა მწარმოებელი პროცესში და რატომ გადაწყვიტა ტყლაპის წარმოება. „კომერსანტის“ კითხვებს Fruit Factory-ს ხელმძღვანელი ტიმოთე გვაზავაპასუხობს:


-  როდის დაარსდა თქვენი კომპანია, რა პროდუქციას აწარმოებთ ამ ეტაპისთვის და რატომ გადაწყვიტეთ ტყლაპის ქარხნულად წარმოება?


-  კომპანია დაფუძნდა შარშან, თუმცა, წარმოება ერთი თვეა,რაც დავიწყეთ, რადგან სხვადასხვა პრობლემა გვქონდა.

 

ამ ეტაპზე ვაწარმოებთ 4 სახის ტყლაპს. ვაშლის, ტყემლის, ფეიხოას და ტყემლის. ფეიხოას მარაგები გავაკეთეთ, ტყემალს ვიღებთ აბსოლუტურად ნატურალურს, ყოველგვარი დანამატების გარეშე. ვაშლს პერიოდულად ვიღებთ მოსახლეობისგან, გვიმზადებენ პიურეს და შემდეგ ჩვენ ვაშრობთ.

 

ბიზნეს პროექტის იდეა მომხმარებლისთვის ნატურალური პროდუქტის შეთავაზებაა. პროდუქტის, რომლის ყიდვა არ შეგეშინდება, რომელიც არ არის მტვერში ნადები, ანტისანიტარულ პირობებში დამზადებული, არ არის შეღებილი და არ შეიცავს გაურკვეველ ნივთიერებებს.

 

-  როგორც აღნიშნეთ თქვენი კომპანია გასულ წელს დაარსდა, თუმცა,  წარმოება ახლახან დაიწყეთ.  რა იყო ამის მიზეზი?


-    პრობლემა იყო ის, რომ ტექნოლოგიის მცოდნე ადამიანი ვერ ვნახეთ. ტყლაპის შრობა საქართველოში ძირითადად ხორციელდება ბუნებრივი მეთოდით, მზეზე. ჩვენ არ გვინდოდა, რომ შრობა მზეზე მომხდარიყო, გვინდოდა, რომ ყოფილიყო დახურული, „იძულებითი“ შრობა კომპიუტერიზებულ საშრობში და ამიტომ პირველ ეტაპზე გავაკეთეთ კუსტარული საშრობი, რომელმაც არ გაამართლა. შემდეგ გარკვეული დრო დასჭირდა ახალი ტექნოლოგიის დანერგვას, ამ ტექნოლოგიის მცოდნე ადამიანის მოძიებას. ამ ყველაფერმა ძალიან დიდი დრო წაიღო. ასევე იყო ბანკების პრობლემაც, რადგანაც ჩვენი თანხებით გავაკეთეთ წარმოება, მერე სესხი დავამატეთ ბანკიდან და დაახლოებით ერთი თვის წინ დავიწყეთ წარმოება.


-  სახელმწიფო დაფინანსების პროგრამებით ხომ არ გისარგებლიათ? მაგალითად როგორიცაა „აწარმოე საქართველოში?



- ამ მიმართულებით არ წავსულვართ, მაგრამ მომავალში ვგეგმავთ. პირველ ეტაპზე არ ველოდით, რომ თანხების მოცულობა იქნებოდა ძალიან დიდი, თუმცა, მაინც გავედით საკმაოდ დიდ თანხებზე. დღემდე ჩადებულია დაახლოებით 150 ათას ლარამდე. დასაქმებული გვყავს 12 ადამიანი.

 

-  ქსელურ მარკეტებში თუ არის წარმოდგენილი თქვენი პროდუქცია?


- ქსელური მარკეტებიდან ახლა შევალთ „ფრესკოში“, მოლაპარაკება უკვე დავასრულეთ. სხვა ქსელურ მარკეტებთან გვქონდა მოლაპარაკება, თუმცა, ამ ეტაპზე ვერ შევდივართ, რადგანაც პირობებზე ვერ შევთანხმდით. „ფრესკოსგან“ ძალიან კარგი დამოკიდებულება იყო, იმის გათვალისწინებით, რომ ვართ ქართული, ადგილობრივი წარმოება. სიმართლე რომ გითხრათ, სხვებთანაც გვეგონა, რომ ეს გათვალისწინებული იქნებოდა, მაგრამ მათ არ გაითვალისწინეს. სხვა მარკეტებში დავინახეთ მათი წმინდად კომერციული მიდგომა, მაღალი მარჟები. თუ წარმოება გაქვს 15%-იანი მოგების მარჟით, რომელიც ისედაც ძალიან დაბალია, მათ აქვთ 30%-იანი და ამის გადახედვა არ უნდათ. ისეთ თანხას გვთავაზობდნენ, რომ პრაქტიკულად ჩამოვიდოდოთ თვითღირებულებამდე, მაშინ რეინვესტიციისთვის აღარ გვრჩებოდა ფული და აზრი ეკარგებოდა მთლიანად ამ ყველაფერს.


-  თქვენ ჯერ შიდა ბაზარზე მუშაობთ, თუ შედის თქვენს გეგმებში ექსპორტზე გასვლა?


- რა თქმა უნდა. გვაქვს სურვილი, გვაქვს მოლაპარაკებები. ბალტიისპირეთიდან იყო რამდენიმე შემოთავაზება, იყო რუსეთიდანაც, პოლონეთიდანაც. ახლა ვმუშაობთ, გვაინტერესებს, რა პირობები იქნება მათი მხრიდან შემოთავაზებული, რადგან ვიცით, რომ ევროკავშირის ქვეყნებს შეიძლება განსხვავებული პირობები და მოთხოვნები ჰქონდეთ.


-  თქვენს გარდა თუ არის დღეს ბაზარზე ქარხნულად წარმოებული ტყლაპი წარმოდგენილი?


- ქარხნულად დამზადებული ტყლაპი წარმოდგენილი არ არის. ერთი მწარმოებელი ოპერირებს, მაგრამ ისინიც ყიდიან მზეზე გამომშრალ პროდუქციას. ზამთარში რომ იწარმოებოდეს ახალი პროდუქცია, ასეთი დღეს ქართულ ბაზარზე არ არსებობს. სწორედ ეს იყო ჩვენი მიზანი, რომ ზამთარშიც გამოგვეშვა ტყლაპი და არამხოლოდ ზაფხულში.


-  მიუხედავად იმისა, რომ მოკლე დროა გასული ბაზარზე თქვენი შემოსვლიდან,  რამდენად ფიქსირდება მოთხოვნა თქვენს პროდუქციაზე?


-  მოთხოვნა ასე თუ ისე ფიქსირდება, რადგანაც ტყლაპი, რომელიც დღეს ბაზარზეა წარმოდგენილი, ყველა არის კუსტარულად, გაურკვეველ პირობებში დამზადებული. მომხმარებლის მოთხოვნაა, იცოდეს, რომ პროდუქცია არის შემოწმებული, სუფთად გაკეთებული. პირველ ეტაპზე ვართ და უკვე ჩანს, რომ დაიწყო გაყიდვები. გასაგებია, რომ პურივით მოთხოვნადი ვერ იქნება ჩვენი პროდუქცია, მაგრამ გამოხმაურებებიდან ჩანს, რომ დაინტერესება დიდია.  ბევრი ასეთი შეფუთვით არ ელოდება ტყლაპს, ამიტომაც ვმუშაობთ იმაზე, რომ უფრო იოლად მივახვედროთ მომხმარებელი, თუ რა პროდუქტია.  დღეს მომხმარებელს უჭირს აღქმა რა დევს შეფუთვაში - კანფეტი თუ ტყლაპი.


- ამ ერთი წლის განმავლობაში, რაც ბიზნესი წამოიწყეთ, რა პრობლემებს გამოყოფდით, რომელსაც პირადად წააწყდით?


-  ყველაზე მეტად პრობლემური იყო კადრების არარსებობა ქვეყანაში. დეფიციტია იმ ადამიანების, რომლებიც ჩვენ შემთხვევაში იცნობენ ტყლაპის წარმოების, შრობის პროცესს. დაფინანსების პრობლემაც იყო, თუმცა, ნაწილობრივ. სხვა მხრივ, სხვა შეფერხება ადმინისტრაციული მიმართულებით არ ყოფილა.


-  ამჟამად რა ოდენობის პროდუქციის წარმოების შესაძლებლობა გაქვთ და რამდენს აწარმოებთ?


-  თვეში 40-50 ათასის წარმოების საშუალება გვაქვს. თუმცა, ამ ეტაპზე ვაწარმოებთ 10-15 ათასს და ვფიქრობთ, რომ ერთ-ორ თვეში ავალთ სრულ წარმოებაზეც.


-  ახსენეთ, რომ აპირებთ სამთავრობო დაფინანსების პროგრამით სარგებლობას, კონკრეტულად როგორია სამომავლო გეგმები?


-   გვინდა, რომ გავზარდოთ წარმადობა. ავიღოთ ISO სერთიფიკატი და ევროპის ქვეყნებთან გვქონდეს გამარტივებული ურთიერთობა. გვინდა, რომ გამოვუშვათ სხვა სახეობის ხილის ტყლაპიც, ასევე გვინდა, რომ ხილის მარაგები გავაკეთოთ, ამას სჭირდება გარკვეული დანადგარები, რომლის შეძენის საშუალებაც ახლა არ გვაქვს. ასევე გვინდა გამოვუშვათ სხვადასხვა სახეობის ჩირი.

 




ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up