„პანდემიის შემდეგ, საქართველოს საცალო ბაზარზე ოქროს ფასი 25 ლარით არის გაზრდილი. თუმცა, ფასის ცვლილებამ ოქროს ყიდვის მსურველებზე გავლენა ვერ მოახდინა და მათი რაოდენობა არ შემცირებულა.“— ამის შესახებ, კომერსანტს „ოქროს კიდობანის“ ძვირფასი ლითონების ექსპერტმა ირინა მოსიაშვილმა განუცხადა. 

იმის გათვალისწინებით, რომ საერთაშორისო ბაზარზე ოქროს ფასმა იმატა და აზიაში რეკორდული მაჩვენებელი დაფიქსირდა, კომერსანტი დაინტერესდა ქართულ ბაზარზე რა ფასად შეუძლიათ ოქროს ყიდვით დაინტერესებულებს ძვირფასი ლითონის შეძენა ბირჟებზე. გაიზარდა თუ შემცირდა ოქროს რეალიზაცია და რა პროგნოზები აქვთ ოქროს სპეციალისტებს ამ ბაზრის განვითარებაზე.

ირინა მოსიაშვილი განმარტავს, რომ  მომხმარებლებს ოქროს მიმართ ინტერესი არ დაუკარგავთ და მისი შეძენის მსურველების რაოდენობა სტანდარტულია.

 მაგალითად, პანდემიამდე 20 მარტის მონაცემებით, ერთი გრამი დაუმუშავებელი 585 სინჯიანი ოქროს ფასი 80 ლარი იყო. დღევანდელი მონაცემებით კი ეს მაჩვენებელი 105 ლარს შეადგენს. რაც შეეხება ჩასაბარებელი ოქროს ღირებულებას - 20 მარტის მონაცემებით 78 ლარი იყო, ხოლო ახლა 102 ლარი ღირს.“ - განმარტავს ირინა მოსიაშვილი.

დღევანდელი მონაცემების მიხედვით ერთი გრამი დაუმუშავებელი ოქროს ფასი ქართულ ოქროს ბირჟებზე სინჯების მიხედვით ასეთია -

 585 სინჯის ოქროს ფასი  — 80 ლარიდან 105 ლარამდე გაიზარდა

750 სინჯის ოქროს ფასმა  – 109 ლარიდან 134 ლარამდე იმატა

რაც შეეხება ჩასაბარებელი ოქროს ღირებულებას (ანუ ბირჟაზე მისვლისა და ოქროს გაყიდვის შემთხვევაში) 

585 სინჯის ოქრო – 102 ლარად ბარდება, 750 სინჯისა კი – 130 ლარი.

ანი ცარციძე