ახალგაზრდა ქართველი მწარმოებელი ტუსია ღარიბაშვილი ქალაქური მიწათმოქმედების განვითარებას 2019 წელს შეუდგა, შექმნა კომპანია სახელწოდებით, Space Farms. მალევე წამოწყებამ შედეგი გამოიღო. ზამთარში კი, პანდემიის პერიოდში, Space Farm-ის დამფუძნებელმა სერიოზულად დაიწყო ფიქრი წარმოების გაფართოებაზე. საუბარია საქართველოში პირველ ვერტიკალურ სათბურზე, რომელიც თბილისის ცენტრში მდებარეობს და მომხმარებელს 6 სახეობის ეკონლოგიურად სუფთა ბოსტნეულს და მწვანილებს აწვდის . ბოსტნეულის მოყვანისას მიწას ცვლის სუბსტრატები და წყალი, ხოლო მზის ენერგიას - Led განათება.
პირველი ვერტიკალური ფერმა თბილისში სასტუმრო „სტამბაში“ 155 კვადრატულ მეტრზეა განთავსებული და 6 შვიდიარუსიან თაროს იკავებს. ამ ფართობზე თვეში 500-700 კილოგრამამდე ისეთი ბოსტნეულის მოყვანაა შესაძლებელი, როგორებიცაა სალათის ფურცლები, იტალიური ბაზილიკი, ქართული ბაზილიკი, ტარხუნა და სხვადასხვა მცენარეები.
პროექტების Urban Greend და Space Farms-ის ხელმძღვანელი ტუსია ღარიბაშვილი ამბობს, რომ იდეის ერთერთი ძირითადი მიზანი ახალგაზრდა აგრონომების მოზიდვა იყო, ასევე მათ სურდათ დაეინტერესებინათ აგროინჟინერები კონცეფციის შესამუშავებლად და ამ იდეის რეალიზაციისთვის. მისი თქმით, აგროტექნოლოგიის დანერგვით, კომპანიამ შეძლო ახალგაზრდების მოზიდვა მიწათმოქმედების კონცეფციის შესაუშავებლად, რაც სამომავლოდ კადრების მარაგს ქმნის. Space Farms-ში რამდენიმე სტუდენტია დასაქმებული, რომელიც აგრონომიის დარგში იღებენ პრაქტკულ ცოდნას.
როგორც ტუსია ღარიბაშვილმა ტელეკომპანია პირველის ეთერში განაცხადა, Space Farms-მა შეძლო პანდემიით გამოწვეულ რეალობასთან ადაპტირება. თუ ადრე „აჭარა ჯგუფის“ ქსელებში კომპანიის პროდუქციის მხოლოდ მიწოდება ხდებოდა, უკვე მათ მომხმარებლებისთვის სახლში მიტანის სერვისიც შეიმუშავეს.
ბოსტნეული სათბურიდან სპეცილურ კონტეინერებში მიეწოდება მომხმარებელს, წყლის მეშვებით ბოსტნეული ინარჩუნებს ფორმას და სიჯანსაღეს. ერთ ვერტიკლურ ფერმას შეუძლია 450 კლიენტის მომსახურება თვეში და ამის გაკეთება წელიწადის ნებისმიერ დროს შეუძლია.
შემდეგ ეტაპად კომპანია Space Farms-ი განიხილავს თბილისში რამდენიმე ფერმის გახსნას. შეიძლება ითქვას, რომ ქალაქური მიწათმოქმედების პროექტი საქართველოში შედგა. ტუსია ღარიბაშვილი ასევე ცნობილია თავისი იდეით, სწორედ მან მსოფლიოს ქართული ვაზის მარსზე მოშენება შესთავაზა.
Eeastfruit.com
მარიამ მორგოშია