ქალაქები, სადაც პირადი ცხოვრება და სამუშაო გრაფიკი ყველაზე კარგად არის დაბალანსებული - 2019 წლის მონაცემები

ქალაქები, სადაც პირადი ცხოვრება და სამუშაო გრაფიკი ყველაზე კარგად არის დაბალანსებული - 2019 წლის მონაცემები

access_time2019-08-19 23:00:37

თანამედროვე სამყაროში პირადი ცხოვრებისა და მუშაობის გრაფიკის დაბალანსება უფრო და უფრო რთულდება. რაც უფრო მეტია საქმე, უფრო ნაკლები დრო გვრჩება ოჯახისა და საკუთარი ცხოვრებისთვის.



როგორც გამოცემა The CEO Magazine წერს, აღმოჩნდა, რომ არა ბევრი, არამედ ჭკვიანურად მუშაობა უკეთესია და გამოიკვეთა ქალაქები, სადაც ეს ტენდენცია ყველაზე უკეთ შეინიშნება.



მსოფლიოს მასშტაბით 40 ქალაქის მდგომარეობა გაანალიზდა, დამუშავდა სამუშაოს ინტენსიურობის მაჩვენებელი, ინსტიტუციური მხარდაჭერა, საკანონმდებლო ბაზა, სიცოცხლისუნარიანობის საკითხი, რათა განსაზღვრულიყო, დასაქმებულებს რომელი ქალაქი სთავაზობს ცხოვრებასა და სამსახურს შორის საუკეთესო ბალანსს.



ჩატარებული კვლევის თანახმად, გამოიკვეთა 5 ქალაქი, სადაც ცხოვრებასა და მუშაობას შორის ბალანსი ყველაზე უკეთ არის დაცული:


ჰელსინკი, ფინეთი
მიუნხენი, გერმანია
ოსლო, ნორვეგია
ჰამბურგი, გერმანია
სტოკჰოლმი, შვედეთი



იმ 5 ქალაქის ჩამონათვალი კი, სადაც ეს ბალანსი დარღვეულია, ასე გამოიყურება:

ჰიუსტონი, აშშ
ატლანტა, აშშ
ბუენოს აირესი, არგენტინა
ტოკიო, იაპონია
კუალა -ლუმპური, მალაიზია



მუშაობასა და ცხოვრებასთან დაკავშირებული ფაქტორები


The CEO Magazine-ს ინფორმაციით, ესპანეთში, საფრანგეთში, გერმანიაში, ბრაზილიასა და ფინეთში დასაქმებულების დასვენების დღეების რაოდენობა საკმაოდ ბევრია.



თავის მხრივ, იაპონიაში, აშშ-ში, მალაიზიაში, ავტრალიასა და სინგაპურში ის ადამიანები, რომლებიც ბევრს მუშაობენ, ცოტას ისვენებენ.




ადგილები, სადაც ადამიანები მუშაობას ყველაზე მეტ დროს უთმობენ, არის სინგაპური, კუალა-ლუმპური, ტოკიო, ჰონგ-კონგი და ბუენოს აირესი. სინგაპურში საშუალოდ, სამუშაო კვირა 44,6 საათს ითვლის, თუმცა დასაქმებულთა 23% კვირაში 48 საათზე მეტს მუშაობს.



საწინააღმდეგო უნდა ითქვას ოსლოში, ბუდაპეშტში, სტოკჰოლმში, მილანსა და ბარსელონაში დასაქმებულთა სამუშაო საათებზე. ამ ქალაქებში მხოლოდ დასაქმებულთა 4% მუშაობს კვირაში 48 საათზე უფრო მეტს.



საზოგადოება და ინსტიტუციები


იმისათვის, რომ მსოფლიოს სხვადასხვა ქალაქში გენდერული თანასწორობის საკითხი უკეთ გაერკვიათ, მკვლევარებმა ქალებსა და კაცებს შორის ეკონომიკური შესაძლებლობები, ფინანსური თანამონაწილეობის საკითხი, საგანმანათლებლო მიღწევები, ჯანმრთელობა და პოლიტიკური ძალაუფლება შეისწავლეს.



გაანალიზების შედეგად ოსლო გენდერული თანასწორობის მიმართულებით, პირველ ადგილზეა. მას მოსდევს სტოკჰოლმი, ჰელსინკი, პარიზი და მიუნხენი.



ასევე, კვლევის შედეგად, გამოიკვეთა, რომ სიდნეის ყველაზე მაღალი ხარისხის ჯანდაცვის სისტემა აქვს, მაშინ, როცა ოსლო მენტალური ჯანმრთელობის პროგრამების მიმართულებით მსოფლიოში უმაღლეს საფეხურზე დგას. ამავდროულად, საფრანგეთის დედაქალაქ პარიზში სოციალური ხარჯები ერთ-ერთი ყველაზე მაღალია - მთავრობა სოციალური მიზნებისთვის მთლიანი შიდა პროდუქტის 32%-ს ხარჯავს.



ასევე, მკვლევარებმა მიზნად დაისახეს, განესაზღვრათ ადგილები, სადაც ლგბტ+ თემის მხარდაჭერა, თანასწორობის საკითხი, ანტიდისკრიმინაციული მიდგომა და ყველაზე უსაფრთხო და მეგობრული გარემოა. ასეთი შვედეთის დედაქალაქი სტოკჰოლმი აღმოჩნდა. მას ტორონტო, ლონდონი და ბარსელონა მოსდევს. ლგბტ+ თემის მიმართ ანტიდისკრიმინაციული დამოკიდებულება იგრძნობა კუალა-ლუმპურში, სინგაპურში, სან-პაულუსა და ტოკიოშიც.



ქალაქის სიცოცხლისუნარიანობა


ქალაქის სიცოცხლისუნარიანობა მოქალაქეების ბედნიერებისა და უსაფრთხოების ინდექსით, კეთილდღეობითა და დასვენების ადგილებით განისაზღვრა. საბოლოო ჯამში, შეფასდა, ქალაქის მცხოვრებლებს სამუშაო საათების შემდეგ დასასვენებელი გარემო მოსწონთ თუ არა.



სინგაპურმა უსაფრთხოებითა და საჯარო დასასვენებელი სივრცეების სიმრავლით ყველაზე მაღალი შეფასება მიიღო; აღმოჩნდა, რომ ჰელსინკში ყველაზე ბედნიერი მოქალაქეები ცხოვრობენ; სან-პაულუ კი ყველაზე ნაკლებად სტრესული ქალაქია.



კვლევის თანახმად, გამოიკვეთა, რომ ციურიხში (შვეიცარია) კეთილდღეობის ყველაზე მაღალი ინდექსია, ლონდონში კი ყველაზე მეტი კულტურული აქტივობა ტარდება.



BPN.GE






თეგები:
The CEO Magazine



აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი 0%-ითაა ათვისებული

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი 0%-ითაა ათვისებული
access_time2019-09-16 18:00:58
სახელმწიფო აუდიტის სამსახურის ინფორმაციით, ბიუჯეტით გათვალისწინებული ჯამში 400 მილიონ ლარზე მეტი ღირებულების, 27 კაპიტალური პროექტის წლიური ბიუჯეტი, 6 თვის მონაცემებით, 0%-ითაა ათვისებული. ბიუჯეტით გათვალისწინებული კაპიტალური პროექტებისა და მათზე გამოყოფილი სახსრების ათვისების მდგომარეობის შესახებ ინფორმაციას სახელმწიფო აუდიტის სამსახრუსი ბიუჯეტის მონიტორი აქვენებს, რომლის თანახმად, 6 თვის მონაცემებით, 26 პროექტში ათვისებულია წლიური ბიუჯეტის 1%-დან 30%-მდე...

ქართველი დიზაინერი დემნა გვასალია Vetements -დან მიდის

ქართველი დიზაინერი დემნა გვასალია Vetements -დან მიდის
access_time2019-09-16 14:30:27
„ვგრძნობ, რომ ჩემი მისია შევასრულე“ - ამბობს დიზაინერი, რომელმაც 5 წლის წინ გავლენიანი ბრენდი „Vetements“ დაარსა“. ასე იწყებს სტატიას ერთ-ერთი გავლენიანი მედია გამოცემა მოდის სფეროში. „WWD“ წერს, რომ ქართველმა დიზაინერი, რომელიც ქუჩის მოდის მთავარი შემოქმედი იყო „Vetements“ -დან მიდის.   ბრენდი, რომელმაც ქუჩის სტილის თამაშის წესები შეცვალა დემნამ ძმასთან ერთად 2014 წელს დაარსა. გურამ გვასალია,...

Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს

  Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს
access_time2019-09-16 15:40:55
რას წარმოადგენს კომპანია, რომელმაც ანაკლიის პორტის პროექტის განხორციელებაში შესაძლოა „კონტი ჯგუფი“ ჩაანაცვლოს? როგორც საზოგადოებრივი მოძრაობა “ლელოს“ დამფუძნებელმა მამუკა ხაზარაძემ  TV “მთავარის“ ეთერში აღნიშნა, რამდენიმე დღის წინ ანაკლიის განვითრების კონსორციუმმა საქართველოს ხელისუფლებას წარუდგინა ანაკლიის ერთ-ერთი პოტენციური ინვესტორი —  ბრიტანული საინვეტსიციო კომპანია  Meridian capital...

თამბაქოს კონტროლის ალიანსი: „პარლამენტში აღარც მალავენ, რომ თამბაქოს ბიზნესს ლობირებენ“

თამბაქოს კონტროლის ალიანსი: „პარლამენტში აღარც მალავენ, რომ თამბაქოს ბიზნესს ლობირებენ“
access_time2019-09-16 13:30:32
თამბაქოს კონტროლის შესახებ კანონში ცვლილებები შედის. რეგულაციები ახალი ნაწარმის ბაზარზე განთავსების წესებს შეეხება. თამბაქოს მწარმოებლები და იმპორტიორები ვალდებულები გახდებიან თამბაქოს ნებისმიერი ნაწარმის ბაზარზე შეტანის შემთხვევაში შესაბამის უწყებებს შეატყობინონ. ამასთან დაკავშირებით დღეს განცხადება გაავრცელა თამბაქოს კონტროლის ალიანსმა, რომელიც ჯანდაცვის კომიტეტში არსებულ ამ კანონპროექტს აკრიტიკებს და მას თამბაქოს...

ინფრასტრუქტურის სამინისტრო ხაზარაძის განცხადებას პასუხობს : ვადასტურებთ, რომ მინისტრი ნამდვილად შეხვდა კომპანია meridian capital limited-ის წარმომადგენლებს

ინფრასტრუქტურის სამინისტრო ხაზარაძის განცხადებას პასუხობს :  ვადასტურებთ, რომ მინისტრი ნამდვილად შეხვდა  კომპანია  meridian capital limited-ის წარმომადგენლებს
access_time2019-09-16 12:30:02
საზოგადოებრივი მოძრაობა “ლელოს“ დამფუძნებელმა მამუკა ხაზარაძემ  TV “მთავარის“ გადაცემაში „მთავარ აქცენტები“ საქართველოს ხელისუფლების მხრიდან ანაკლიის პორტის მშენებლობის პროცესში ინვესტორებისთვის  ხელისშემშლელ ფაქტებზე ისაუბრა. ხაზარაძემ  ღიად დაასახელა  ვიცე–პრემიერი მაია ცქიტიშვილი და განაცხადა: “ ინვესტორი, რომელიც აქ იყო, გუშინ გაფრინდა.  ეს არის ინგლისური კომპანია. ფონდის წარმომადგენლები, გუშინწინ შეხვდნენ ვიცე–პრემიერ...


მსგავსი სიახლეები

up