რუსეთის პრეზიდენტის ვლადიმერ პუტინის ყოფილმა სიძემ - კირილ შამალოვმა პეტროქიმიკატების $380 მლნ-ის ღირებულების აქციათა პაკეტი 99.9997%-იანი ფასდეკლებით - $100-ად შეიძინა. ინფორმაცია Guardian ავრცელებს.

ბრიტანული გამოცემის ცნობით ჰიპერფასდაკლება შამალოვმა კატერინა ტიხანოვაზე დაქორწინებიდან რამდენიმე თვის შემდეგ მიიღო. რუსმა ოპოზიზიონერმა ალექსი ნავალნმა მომხდარი მარტივ ამბად შეაფასა და მას „საქორწინო საჩუქარი“ უწოდა.

მედიისსთვის ხელმისაწვდომი აღმოჩნდა რუსეთის პრეზიდენტის გარემოცვის მიმოწერის ნაწილი, საიდანაც ირკვევა, რომ პეტროქიმიკატების აქციები წყვილის ერთადერთი შენაძენი არ ყოფილა. მათ რუსეთსა და საფრანგეთში უძრავი ქონებისა და ანტიკვარული ავეჯის შეძენაზე რამდენიმე მლნ აშშ დოლარი დახარჯეს, გარდა ამისა, $67 ათასი გადაიხადეს ერთ ხალიჩაში, $7600 კი იაპონურ წიგნებში.

რუსეთის მოქმედი პრეზიდენტი კორუფციულ სკანდალში ადრეც გახვეულა. სხვადასხვა წყაროს ინფორმაციით Forbes-ის სიის მიღმა ყოფნის მიუხედავად პუტინი პლანეტის ერთ-ერთი უმდიდრესი ადამიანია. კრემლის კრიტიკოსმა და Hermitage Capital Management-იას თანადამფუძნებელმა ბილ ბროდერმა 2017 წელს ვლადიმერ პუტინის ქონება $200 მლრდ-დ შეაფასა.

გიორგი ელიზბარაშვილი