პროკურატურამ მოქალაქეებს უკანონოდ ჩამორთმეული 7 მიწის ნაკვეთი და 2 მანქანა დაუბრუნა

პროკურატურამ მოქალაქეებს უკანონოდ ჩამორთმეული 7 მიწის ნაკვეთი და 2 მანქანა დაუბრუნა

access_time2016-05-10 14:36:55

საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის გადაწყვეტილებით, დაზარალებულ მოქალაქეებს უკანონოდ ჩამორთმეული და ამჟამად სახელმწიფო ბალანსზე რიცხული 7 მიწის ნაკვეთი და 2 ა/მანქანა დაუბრუნდებათ.

 

"დეპარტამენტის მიერ გახსნილია ქონების უკანონოდ ჩამორთმევის სამი დანაშაულებრივი ფაქტი. კერძოდ, ჩატარებული გამოძიებით დადგენილია, რომ 2010 წლის 09 ივნისს შპს „ლაზარემ“, როგორც იურიდიულმა პირმა და მისმა დამფუძნებლებმა ინდივიდუალურად, შპს „ერთობისგან“ კანონიერად შეიძინეს ქ.რუსთავში მდებარე მთლიანობაში 7 მიწის ნაკვეთი. მალევე, აღნიშნული მიწის ნაკვეთები ქ.რუსთავის თვითმმართველი ერთეულისა და სამართალდამცავი ორგანოების ინტერესის სფეროში მოექცა, რის გამოც მისი ჩამორთმევა გადაწყვიტეს.


ამ მიზნით, ფინანსთა სამინისტროს საგამოძიებო სამსახურის გამომძიებელი სამართალდამცავ ორგანოში, სისტემატურად იბარებდა შპს „ლაზარეს“ დამფუძნებლებს, რომლებსაც მოსალოდნელი პრობლემების შექმნის მუქარით კატეგორიულად სთხოვდა აღნიშნული მიწის ნაკვეთების სახელმწიფოს სასარგებლოდ უსასყიდლოდ დათმობას.


პარალელურად, ამავე საგამოძიებო ორგანოს წარმოებაში არსებული სისხლის სამართლის საქმეზე, სხვა ფაქტთან დაკავშირებით სისხლისსამართლებრივ პასუხისგებაში მისცეს შპს ,,ლაზარეს“ დამფუძნებლების ოჯახის წევრები, რის შემდეგაც გამომძიებელი დაზარალებულებს მათი ოჯახის წევრების პატიმრობაში დატოვებით ემუქრებოდა და პირდებოდა საპროცესო შეთანხმების გაფორმებას და საპატიმროდან გათავისუფლებას მხოლოდ მიწის ნაკვეთების დათმობის სანაცვლოდ.



განხორციელებული ფსიქოლოგიური ზეწოლის შედეგად, შპს „ლაზარეს“ პარტნიორებმა 2010 წლის 02 დეკემბერს ნოტარიულად დამოწმებული გარიგებების საფუძველზე, ქ. რუსთავის თვითმმართველობის სახელზე უსასყიდლოდ დათმეს ხსენებული 7 მიწის ნაკვეთი, რის შემდეგაც მათ ოჯახის წევრებს გაუფორმდათ შეპირებული საპროცესო შეთანხმება და მათ დატოვეს საპატიმრო დაწესებულება.


ასევე, ჩატარებული გამოძიების შედეგად, მხილებულ იქნა შსს ვაკე-საბურთალოს სამმართველოს ხელმძღვანელ თანამდებობაზე მომუშავე ყოფილი თანამდებობის პირი, რომელმაც 2011 წელს, ნარკოტიკული საშუალების უკანონო შეძენა-შენახვისთვის დაკავებულ ბრალდებულ კახა გურგენიძეს და მის მეუღლეს მარიამ რატიანს საპროცესო შეთანხმების გაფორმების სანაცვლოდ, იძულებით დაათმობინა ოჯახის კუთვნილი ,,ჰიუნდაი სანტაფეს“ მარკის ა/მანქანა, რის შემდეგაც კახა გურგენიძესთან გაფორმდა საპროცესო შეთანხმება პირობით მსჯავრზე.


ქონების უკანონოდ ჩამორთმევაში მხილებულ მესამე საჯარო მოხელეს წარმოადგენს შემოსავლების სამსახურის თბილისის რეგიონული ცენტრის ყოფილი თანამდებობის პირი, რომელმაც 2010 წლის ოქტომბრის საბაჟო შეტყობინების აქტით, ისე რომ არ არსებობდა შესაბამისი სამართლებრივი საფუძველი - საბაჟო სამართალდარღვევის ოქმი, მოქალაქე ჯემალ ნაცვლიშვილს უკანონოდ ჩამოართვა საბაჟო გამშვებ პუნქტზე შეჩერებული ავტომანქანა MERCEDES BENZ ML-350.

გამოძიებასთან თანამშრომლობის გამო, პროკურატურის მიერ ქონების ჩამორთმევაში მხილებული სამივე საჯარო მოხელის მიმართ გამოყენებულ იქნა დისკრეცია და არ მოხდა მათ მიმართ სისხლისსამართლებრივი დევნის დაწყება. თანამშრომლობის შედეგად კი გამოძიება გაგრძელდება მათი ზემდგომი თანამდებობის პირების მიმართ.


დაზარალებულ მოქალაქეებს ია დვალს, გიორგი ქუთათელაძეს, ნანული ქობალავას და სალომე საყვარელიძეს დაუბრუნდებათ ამჟამად სახელმწიფოს ბალანსზე რიცხული ქ.რუსთავში მდებარე 7 მიწის ნაკვეთი. დაზარალებულ კახა გურგენიძეს, მის მეუღლეს მარიამ რატიანს და ჯემალ ნაცვლიშვილს კი დაუბრუნდებათ ასევე სახელმწიფო ბალანსზე რიცხული ,,ჰიუნდაი სანტაფეს“ და MERCEDES BENZ ML-350 მარკის ა/მანქანები”, - ნათქვამია პროკურატურის განცხადებაში.



საქართველომ უკრაინულ „ALTKOM“-ს საერთაშორისო დავა მოუგო

საქართველომ უკრაინულ  „ALTKOM“-ს საერთაშორისო დავა მოუგო
access_time2021-06-25 10:00:53
მრავალწლიანი საერთაშორისო დავა საქართველოს გამარჯვებით დასრულდა. საქმე ეხება სამტრედია-გრიგოლეთის მონაკვეთის ავტომაგისტრალის მშენებლობას, რა დროსაც უკრაინულმა კონტრაქტორმა კომპანია „Road Building ALTKOM“-მა დაახლოებით 25 მილიონი ევრო ავანსის სახით აიღო, ხოლო ხელშეკრულებით გათვალისწინებული სამუშაოები არ შეასრულა და ქვეყანა დატოვა.   „ALTKOM“-ს მიერ ვალდებულებების დარღვევის გამო გაფორმებული ხელშეკრულება 2017 წელს საავტომობილო გზების დეპარტამენტმა შეწყვიტა. რის შემდეგაც...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-06-24 21:00:30
დღის TOP 10 საინტერესო ამბავი:   1. კოვიდრეგულაციების დარღვევებზე დაკისრებული ჯარიმები გაუქმდა პრემიერ ირაკლი ღარიბაშვილის გადაწტვეტილებით, 245 000 ფიზიკურ და 344 პირს კოვიდჯარიმები ჯამში 76 მლნ ლარი ჩამოეწერება.   2. „ქართული ოცნების“ მხრიდან მეტ პოპულიზმს ვნახავთ“ - ზურაბ ჭიაბერაშვილი კოვიდჯარიმების...

ლარი ყველა ძირითად საერთაშორისო ვალუტასთან მიმართ გამყარდა

ლარი ყველა ძირითად საერთაშორისო ვალუტასთან მიმართ გამყარდა
access_time2021-06-24 18:00:11
ლარი გამყარებას განაგრძობს. 24 ივნისის ვაჭრობის შედეგად, ეროვნული ვალუტა ძირითად საერთაშორისო ასევე თურქულ ლირასთან და აზერბაიჯანულ მანათთან მიმართებაში გამყარდა. სომხურ დრამთან და რუსულ რუბლთან კი გაუფასურდა. 0.79 თეთრიანი გამყარების შემდეგ 25 ივნისს, დოლარის ოფიციალური კურსი 3.1470 იქნება. Bloomberg-ის სავაჭრო პლატფორმაზე კი მიმდინარე კურსი 3.1450-ა, იმდენივე, რამდენიც დილით ვაჭრობის დასაწყისში. ევროსთან მიმართ ლარი 1.04 თეთრით გამყარდა და კურსი...

ვითიბიში ლარის ანაბრის გახსნა უფრო მომგებიანია, ვიდრე სხვასთან

ვითიბიში ლარის ანაბრის გახსნა უფრო მომგებიანია, ვიდრე სხვასთან
access_time2021-06-24 16:55:59
ვითიბი მომხმარებელს ლარში გახსნილ ანაბრებზე საუკეთესო პირობებს სთვაზობს. დღეიდან,  ნებისმიერი მსურველი, რომელიც ვითიბიში გახსნის ანაბარს ლარში,  ყველაზე მაღალ - 12.75% წლიურ სარგებელს (12.03% ეფექტური) მიიღებს, ხოლო, ვადიანი ანაბრის დარღვევის შემთხვევაში, მიიღებს ყველაზე მაღალ, წლიურ 9%-ს, რითიც დააზღვევს ლარის შესაძლო გაუფასურებით გამოწვეულ სავალუტო რისკს.   „ჩვენ...

Covid ამნისტია - ამომრჩევლის მოსყიდვა თუ დაჯარიმებულების ფინანსური კეთილდღეობა

Covid ამნისტია - ამომრჩევლის მოსყიდვა თუ დაჯარიმებულების ფინანსური კეთილდღეობა
access_time2021-06-24 19:00:18
დღის მთავარი თემა გახდა პრემიერის გადაწყვეტილება, რომ კოვიდრეგულაციების დარღვევის გამო 245 000 ფიზიკურ და 344 იურიდიულ პირს 76 მლნ ლარის მოცულობის ჯარიმები ჩამოეწერება – კანონპროექტი, რომელიც პარლამენტმა უნდა დაამტკიცოს, ამნისტიას მხოლოდ გადაუხდელ ჯარიმებზე ითვალისწინებს და ვინც უკვე გადაიხადა, მას თანხა არ დაუბრუნდება. ამის შესახებ გადაწყვეტილება Commersant-ს მთავრობის ადმინისტრაციაში დაუდასტურეს. ამის პარალელურად, დაავადებათა კონტროლის ეროვნული ცენტრის ხელმძღვანელი ამირან გამყრელიძე...


მსგავსი სიახლეები

up