პროკრედიტ ჯგუფმა კორპორაციული სოციალური პასუხისმგებლობის  2018 წლის შემაჯამებელი  ანგარიში გამოაქვეყნა

პროკრედიტ ჯგუფმა კორპორაციული სოციალური პასუხისმგებლობის 2018 წლის შემაჯამებელი ანგარიში გამოაქვეყნა

access_time2019-07-11 17:59:34

პროკრედიტ ჯგუფმა, საერთაშორისო სტანდარტებით შემუშავებული  კორპორაციული სოციალური პასუხისმგებლობის  2018 წლის შემაჯამებელი  ანგარიში გამოაქვეყნა.


ანგარიშში წარმოდგენილია  გასული წლის განმავლობაში პროკრედიტ ჯგუფის  13 ქვეყანაში  ოპერირების მანძილზე განხორციელებული აქტივობები. შეჯამებულია კომპანიის  კორპორაციული, სოციალურ-ეთიკური, გარემოსდაცვითი მიზნები და მიღწევები. ანგარიში ასევე მოიცავს   პროკრედიტ ბანკი საქართველოს, როგორც საერთაშორისო საფინანსო ჯგუფის წევრის  მიერ გაწეული საქმიანობის შედეგებს.


პუბლიკაცია გვიზიარებს  ჯგუფის წარმატებულ გამოცდილებას, რომლის საფუძველს  ეკონომიკის განვითარებაზე ორიენტირებული  ბიზნეს მოდელი, კლიენტებისადმი პასუხისმგებლიანი დამოკიდებულება და კვალიფიციურ თანამშრომელთა გუნდი წარმოადგენს. ანგარიშში  ხაზგასმულია პროკრედიტ ჯგუფის, როგორც ფინანსური ინსტიტუტის მიზნების თანხვედრა გაერთიანებული ერების ორგანიზაციის (გაეროს) მიერ 2015 წელს შემუშავებული მდგრადი განვითარების ამოცანებთან - ეკონომიკური ზრდის, სოციალური ინკლუზიისა  და გარემოს დაცვის უზრუნველსაყოფად. წინა წლის მსგავსად, 2018 წლის ანგარიში    GRI-ის სტანდარტების შესაბამისად  არის შექმნილი.  დეტალურად პუბლიკაციას შეგიძლიათ გაეცნოთ პროკრედიტ ჯგუფის  ოფიციალურ ვებ გვერდზე,   ხოლო მოკლე ვერსია იხილეთ აქ.


მნიშვნელოვანია  აღინიშნოს,   რომ     პროკრედიტ ბანკი საქართველოს  გარემოსდაცვითი  მართვის სისტემა სამ ძირითად მიმართულებას მოიცავს: შიდა გარემოსდაცვითი მენეჯმენტი,   მწვანე დაფინანსება და ეკოლოგიური და სოციალური რისკის მართვა დაკრედიტებაში.



შიდა გარემოსდაცვითი მენეჯმენტი -  გულისხმობს  ენერგიის, წყლისა და ქაღალდის მოხმარების, ასევე ნარჩენების წარმოქმნის და ბანკის ნახშირბადის ნაკვალევის შემცირების მიზნიდან გამომდინარე განხორციელებულ აქტივობებს და შედეგებს. მაგალითისთვის,  საქართველოში  პროკრედიტ ბანკმა 2018 წელს ინვესტიცია ჩაიდო წვიმის წყლის გამოყენების პროექტში, რომელმაც ბანკის სათავო ოფისში, ყაზბეგის #21-ში გასული წლის ივნისის თვეში დაიწყო ფუნქციონირება. 7 თვის განმავლობაში შეგროვილმა და ტექნიკური დანიშნულებით გამოყენებულმა წყალმა  ბანკის ოფისებში ჯამურად  მოხმარებული წყლის 19% შეადგინა.


მწვანე დაფინანსება - აღნიშნული მოიცავს მწვანე ინვესტიციების განხორციელებაში კლიენტების ხელშეწყობას,  მწვანე სესხებით ენერგოეფექტურობის დონის ამაღლებას, განახლებადი ენერგო ტექნოლოგიების დანერგვას და სხვა გარემოსდაცვითი მიზნობრიობების მხარდაჭერას. აღსანიშნავია, რომ 2018 წლის განმავლობაში,  პროკრედიტ ბანკი საქართველოს მიერ განხორციელებულმა მწვანე ინვესტიციამ ჯამურად 15,5  მილიონ ევროზე მეტი შეადგინა,   საიდანაც ენერგოეფექტურმა ინვესტიციებმა - 83%  (დაბალი ენერგომოხმარება ან CO2 ემისია 20%),  ხოლო გარემოსადმი მეგობრულმა ინვესტიციებმა (რესურსების ეფექტურობა, ნარჩენების მართვა/პრევენცია) - 17% შეადგინა. მნიშვნელოვანია, რომ   ბანკის   მწვანე საკრედიტო პორტფელი  სტაბილურად ზრდადია და ამ  ეტაპისთვის მთლიანი საკრედიტო პორტფელის 14%-ს  შეადგენს.


ეკოლოგიური და სოციალური რისკის მართვა დაკრედიტებაში - პროკრედიტ ბანკი გარემოზე არაპირდაპირი  ნეგატიური ზემოქმედების შემცირების მიზნით,   არ ემსახურება  ისეთ ბიზნესებს, რომელთა საქმიანობაც ზიანს აყენებს გარემოს ან საფრთხეს უქმნის მათი თანამშრომლებისა და გარშემომყოფების ჯანმრთელობას, უსაფრთხოებას ან კეთილდღეობას.  


(NS)






ბათუმის მერია „რივიერას“ ტერიტორიაზე სილქ როუდ ჯგუფის მრავალფუნქციური კომპლექსის პროექტის განხილვას იწყებს

ბათუმის მერია  „რივიერას“ ტერიტორიაზე სილქ როუდ ჯგუფის  მრავალფუნქციური კომპლექსის პროექტის განხილვას იწყებს
access_time2019-07-16 18:55:01
ბათუმის საკრებულომ ბათუმის მერიას დაავალა ადმინისტრაციული წარმოების დაწყება „რივიერას“ ტერიტორიაზე განაშენიანების რეგულირების გეგმის (გრგ) დამტკიცების შესახებ დადგენილების პროექტის მოსამზადებლად. აღნიშნულ ტერიტორიაზე სილქ როუდ ჯგუფი მრავალფუნქციური კომპლექსის აშენებას გეგმავს, რომელიც 5 მაღალსართულიანი ნაგებობის მშენებლობას გულისხმობს. პროექტის ჯამური ინვესტიცია, დაახლოებით მილიარდი ლარი, მოხმარდება, როგორც მრავალფუნქციური შენობების აშენებას, ასევე თანამედროვე...

Visa-მ და MasterCard-მა შესაძლოა რუსეთი დატოვონ

Visa-მ და MasterCard-მა შესაძლოა რუსეთი დატოვონ
access_time2019-07-16 20:00:14
რუსეთის სახელმწიფო სათათბირო განიხილავს კანონპროექტს, რომლის მიღებამაც, შესაძლოა, აიძულოს საერთაშორისო საგადამხდელო სისტემები Visa და MasterCard-ი რუსეთიდან გავიდნენ. თუ ასე მოხვდა, რუსეთის მოქალაქეები ვერ შეძლებენ თავიანთი ბარათების გამოყენებას უცხოეთში, ხოლო რუსეთში აიკრძალება უცხოური ბანკების პლასტიკური ბარათები. 23 ივლისს იგეგმება კანონპროექტის „ეროვნული საგადასახადო სისტემის თაობაზე“ განხილვის დაწყება. მიღების შემთხვევაში, კანონი...

“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება“

“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება“
access_time2019-07-16 19:00:05
“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება “ — ასე აფასებს აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი ზურაბ გურული სკოლებში იაკობ გოგებაშვილის „დედა ენის“ დაბრუნდებას, რასაც საზოგადოებაში აზრთა სხვადასხვაობა...

პრემიერის განცხადებით, მცირე და საშუალო ზომის სასტუმროების მფლობელებს სახელმწიფო კრედიტების პროცენტების ნაწილობრივ დაფარვაში დაეხმარება

პრემიერის განცხადებით, მცირე და საშუალო ზომის სასტუმროების მფლობელებს სახელმწიფო კრედიტების პროცენტების ნაწილობრივ დაფარვაში დაეხმარება
access_time2019-07-16 17:55:19
არც ერთი სასტუმრო, საოჯახო ტიპის თუ საშუალო ზომის, რომლის მშენებლობაც იგეგმებოდა, არ უნდა გაჩერდეს, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა. როგორც მამუკა ბახტაძემ აღნიშნა, სახელმწიფოს მცირე და საშუალო მეწარმეების დასახმარებლად კონკრეტული მექანიზმები აქვს. კერძოდ, ბახტაძის თქმით, მეწარმეებს, რომლებსაც ბიზნესის განსავითარებლად სესხები აქვს აღებული, მათი პროცენტების თანადაფინანსება სახელმწიფოს...

გადადი ახალ ბინაში — ტერაბანკის იპოთეკური სესხი მათთვის, ვისაც სახლის შეცვლა სურს

გადადი ახალ ბინაში — ტერაბანკის იპოთეკური სესხი მათთვის, ვისაც სახლის შეცვლა სურს
access_time2019-07-16 17:50:11
ტერაბანკი მომხმარებლებს, რომლებსაც ბინის შეცვლა აქვთ გადაწყვეტილი ახალ იპოთეკურ სესხს სთავაზობს. სესხი იმ ადამიანებისთვისაა განკუთვნილი, რომლებსაც საცხოვრებელი ბინა ჯერ არ გაუყიდიათ და სურთ, 1 დიდი სახლით ორი, ან უფრო მცირე ბინა შეიძინონ. პროდუქტის დახმარებით, მსურველებს შესაძლებლობა აქვთ, თანხა გამარტივებულად, მხოლოდ ბინის უზრუნველყოფით მიიღონ, არ იჩქარონ ძველი სახლის გაყიდვა და ახალ ბინაში სესხის დამტკიცებისთანავე გადავიდნენ. მომხმარებლებისთვის 6-თვიანი...


მსგავსი სიახლეები

up