ბრიტანეთში მცხოვრებმა პროგრამისტმა ჯეიმს გოველსმა, 2009 წელს 7 500 ბიტკოინი 6 დოლარად შეიძინა. 2013 წელ ჯეიმსს ლეპ ტოპზე სასმელი გადაესხა და ის შესაკეთებლად წაიღო. შეკეთების დროს მყარი დისკი, რომელზეც კრიპტოვალუტის შესახებ ინფორმაცია ინახებოდა ლეპტოპიდან ამოიღეს და შეინახეს, მოგვიანებით კი გადააგდეს.
2013 წელს დისკზე განთავსებული ბიტკოინების ღირებულება დაახლოებით 7,5 მილიონი დოლარს შეადგენდა, ახლა კი მათი ღირებულება 287 მილიონი დოლარია. გოველსი ფიქრობს, რომ მისი მყარი დისკი სადღაც ქალაქის ნაგავსაყრელში იმყოფება, მან ქალაქის ხელიუფლებას არაერთხელ მიმართა თხოვნით, რომ მისთვის გათხრების ჩატარების ნებართვა მეცათ, რისთვისაც მან ხელისუფლებას მყარი დისკის ღირებულების 10% შესთავაზა.
ახლა კი გოველსი მზად არის, რომ ხელისუფლებას 25% -იც გადუხადოს. ამ თანხის გადარიცხვა მას კორონავირუსთან საბრძოლველად ქალაქის ფონდში სურს.
ხელისუფლება გოველსს გათხრების წარმოების უფლებას არ აძლევს, რადგან ფიქრობენ, რომ ეს გარემოზე უარყოფითად აისახება. გარდა ამისა ხელისუფლებაში ფიქრობენ, რომ არ არსებობს გარანტია იმისა, რომ გოველსი შეძლებს მყარი დისკის პოვნას და ის მუშა მდგომარეობაში იქნება.
პროგრამისტმა აღნიშნა, რომ მან უკვე იცის თუ ვის მიმართავს მყარი დისკის მოსაძებნად. გათხრების ღირებულებას კი ანონიმური ინვესტორები ბიტკოინების ნაწილის სანაცვლოდ აანაზღაურებენ.
თაკო კვაჭანტირაძე
წყარო: mc.today