ირაკლი ღარიბაშვილმა თავისი პრემიერობის მეორე ვადა „მეგაპროექტით“ დაიწყო. ღარიბაშვილმა არც მეტი, არც ნაკლები ქვეყნის მასშტაბური განახლება დაიწყო - 63 მუნიციპალიტეტში ურბანულ სამუშაოებზე 500 მლნ ლარი დაიხარჯება. მიუხედავად იმისა, რომ რეგიონებში სხვადასხვა სახის ინფრასტრუქტურულ პროექტებზე წლიურად 300-450 მლნ ლარი ადრეც იხარჯებოდა, მთავრობის მეთაურის მიერ დაანონსებული პროგრამის მიმართ ინტერესი მაღალია.

სარეაბილიტაციო ობიექტებისათვის მესტიის, წალენჯიხის, ჩხოროწყუს, მარტვილისა და ფოთის ლოკაციების საპროექტო-სახარჯთაღრიცხვო დოკუმენტაციის მომზადების და ამავე დოკუმენტაციის საფუძველზე სამშენებლო სამუშაოების შესრულების სახელმწიფო შესყიდვაში, ერთადერთმა პრეტენდენტმა შპს „დაგმა“ გაიმარჯვა. პროექტის სავარაუდო ღირებულება 262 854 ლარი იყო, საშმენებლო კომპანიის მიერ შეთავაზებული თანხა კი 258 880 ლარია.

„დაგი“ საქართველოს მუნიციპალური განვითარების ფონდის მიერ გამოცხადებული კიდევ ერთი ტენდერის გამარჯვებულია. ამჯერად სარეაბილიტაციო ლოკაციები ხობში, სენაკში, აბაშასა და ზუგდიდშია. ამ შემთხვევაშიც შესყიდვის სავარუდო ღირებულება 262 854 ლარია. ტენდერში მონაწილეობა მხოლოდ შპს „დაგმა“ მიიღო კომპანიის შეთავაზებული თანხა 257 380 ლარია.

სამტრედიის, წყალტუბოს და ხონის ლოკაციებზეც ესკიზს „დაგი“ შეიმუშავებს. შესყიდვის სავარუდო ღირებულება 262 854 ლარია, სამშენებლო კომპანიის შეთავაზებული თანხა კი 254 770 ლარი.

თერჯოლის, ქუთაისის და ვანის ლოკაციის ესკიზის შედგენის და პროექტით განსაზღვრული სამშენებლო/სარეაბილიტაციო სამუშაოების განმახორციელებელი კომპანია ამჯერადაც „დაგია“. ტენდერის სავარაუდო ღირებულება 262 854 ლარია,  კომპანიის შეთავაზებული თანხა კი 257 580 ლარი.

ახმეტას, თელავის, ყვარელის, ლაგოდეხის ლოკაციების ესკიზსაც ტენდერის ისევ ერთადერთი პრეტენდენტი  შპს „დაგი“ შეასრულებს. კომპანიის შეთავაზებული თანხა 262 854 ლარია.

სარეაბილიტაციო ობიექტებისათვის საჩხერის, ჭიათურის, ხარაგაულის, ზესტაფონის, ბაღდათის ლოკაციების  საპროექტო-სახარჯთაღრიცხვო დოკუმენტაციის მომზადების და ამავე დოკუმენტაციის საფუძველზე სამშენებლო სამუშაოების შესრულების სახელმწიფო შესყიდვაში მონაწილეობა სამმა კომპანიამ მიიღო. ტენდერს გამარჯვებული შპს „დბს“-ია. ტენდერის სავარაუდო ღირებულება 262 854 ლარია  კომპანიის შეთავაზებული თანხა კი 244 500 ლარი.

ნინოწმინდის, თეთრიწყაროს, წალკის, რუსთავის ლოკაციებზე პროექტით განსაზღვრული სამშენებლო/სარეაბილიტაციო სამუშაოებს ტენდერის ერთადერთი პრეტენდენტი  შპს „საბა კონსტრაქშენი“ განახორციელებს. კომპანიის შეთავაზებული თანხა 260 224 ლარია.

ადიგენის, ასპინძის, ახალციხის, ახალქალაქის ლოკაციების ესკიზსაც ისევ ტენდერის ერთადერთი პრეტენდენტი  შპს „საბა კონსტრაქშენი“ შეასრულებს. ამ შემთხვევაში  სახელშეკრულებო ღირებულება 260 224 ლარი.

ხაშურის, ბორჯომის, ქარელის, კასპის ლოკაციებზეც ესკიზს შპს „საბა კონსტრაქშენი“  შეიმუშავებს. ტენდერში მონაწილეობა შპს დაგიმაც მიიღო, დაფიქსირებული თანხა 262 854 ლარი იყო, თუმცა გამარჯვებული სამშენებლო კომპანიის შეთავაზებული თანხის ოდენობა 249 710 ლარი იყო.

დუშეთის, თიანეთის, მცხეთის, ყაზბეგის, გორის ლოკაციების ესკიზსაც  შპს „საბა კონსტრაქშენი“ შეასრულებს. სამშენებლო კომპანიის შეთავაზებული თანხა 249 710 ლარი იყო.

მარნეულის, გარდაბანის, დმანისის, ბოლნისის ლოკაციებზე პროექტით განსაზღვრული სამშენებლო/სარეაბილიტაციო სამუშაოებს შპს „ბინექსი“ შეასრულებს. 10 მაისს გამოცხადებული ტენდერი, რომლის სავარაუდო ღირებულება 262 854 ლარია, ახლა შერჩევა/შეფასების ეტაპზეა. კომპანიის  შეთავაზებებული თანხა 233 940 ლარია.

სარეაბილიტაციო ობიექტებისათვის საგარეჯოს, გურჯაანის, სიღნაღის, დედოფლისწყაროს ლოკაციების  საპროექტო-სახარჯთაღრიცხვო დოკუმენტაციის მომზადების და ამავე დოკუმენტაციის საფუძველზე სამშენებლო სამუშაოების შესრულების სახელმწიფო შესყიდვა 10 მაისს გამოცხადდა. ამ ტენდერსის გამარჯვებულია შპს „ამხანაგობა არპიჯი ჯგუფი“. კომპანიის შეთავაზებული თანხა კი 231 036 ლარი იყო.

ბათუმის, ქობულეთის, ხელვაჩაურის, შუახევის, ხულოს, ქედას ლოკაციების ესკიზს შპს „საბა კონსტრაქშენი“ შეიმუშავებს. ტენდერში ორი პრეტენდენტები იღებდა მონაწილეობას. „დაგის“ მიერ შეტავაზებული თანხის  ოდენობა 262 854 ლარი იყო, ხოლო გამარჯვებული კომპანიის – 260 224 ლარი.

ლანჩხუთის, ოზურგეთის, ჩოხატაურის ლოკაციები ესკიზს შპს აღმაშენებელი ქუთაისი შეიმუშავებს. ტენდერის ერთადერთი პრეტენდენტის მიერ დაფიქსირებული თანხა 262 854 ლარი იყო.

ლენტეხის, ონის, ცაგერის, ამბროლაურის და ტყიბულის ლოკაციების ესკიზს  "საბა კონსტრაქშენი" მოამზადებს. ერთადერთი პრეტენდენტის შეთავაზებული თანხის ოდენობა 260 224 ლარია.

ოფიციალური დოკუმენტის მიხედვით ირკვევა, რომ რეაბილიტაცია მოიცავს ლოკაციის ესკიზის/კონცეფციის შემუშავებას, საპროექტო დოკუმენტაციის შედგენას და ესკიზისა და პროექტით განსაზღვრული სამშენებლო/სარეაბილიტაციო სამუშაოების განხორციელებას. ლოკაციების რეაბილიტაციის მიზნით ესკიზის შემუშავების დროს მთავარ პრიორიტეტს წარმოადგენს იმ რეგიონის მახასიათებელი ნიშნებისა და კულტურული თავისებურებების შენარჩუნება/გათვალისწინება და ესკიზში ასახვა.

საპროექტო მომსახურება განხორციელდება ორ ეტაპად:

პირველი ეტაპი - ხელშეკრულების ხელმოწერიდან ერთი კვირის ვადაში, ესკიზების მინიმუმ 2 ალტერნატივის წარმოდგენა.

მეორე ეტაპი - ხელშეკრულების გაფორმებიდან 1 თვის ვადაში მიმწოდებელმა უნდა წარმოადგინოს სრული საპროექტო დოკუმენტაცია, ხარჯთაღრიცხვადა სამუშაოების დეტალური სრული გეგმა-გრაფიკი.

მიმწოდებელი ვალდებულია მოამზადოს დეტალური საპროექტო სამუშაო დოკუმენტაცია შემდეგი შემადგენლობით (საჭიროების შესაბამისად):

1. სრული არქიტექტურული პროექტი;

2. სრული კონსტრუქციული პროექტი;

3. ელექტროობის სისტემების პროექტი;

4. სანტექნიკის, სადრენაჟე და სანიაღვრე სისტემების პროექტი;

5. სანტექნიკის, სადრენაჟე და სანიაღვრე სისტემების პროექტი;

6. მშენებლობის ორგანიზების გეგმა-გრაფიკი;

7. გარე ქსელების მიერთების კვანძების პროექტები;

8. ტექნიკური სპეციფიკაციები;

9. საქართველოს კანონმდებლობით მოთხოვნილი ნებისმიერი გარემოსდაცვითი დოკუმენტაცია, მათ შორის შეთანხმება შესაბამის უწყებებთან კანონმდებლობის მოთხოვნათა დაცვით;

10. საკადასტრო ინფორმაცია.

ბაჩო ადამია