პროგრამის „აწარმოე საქართველოში" ფარგლებში დაფინანსებული საწარმო საათებისა და ავეჯის წარმობას იწყებს

პროგრამის „აწარმოე საქართველოში" ფარგლებში დაფინანსებული საწარმო საათებისა და ავეჯის წარმობას იწყებს

person access_time2016-06-19 12:28:17

კომპანია „ვუდმასტერი" სახელმწიფო პროგრამის - „აწარმოე საქართველოში" ფარგლებში წარმოების დაწყებას გეგმავს. დაგეგმილია ავეჯის, მერქნისა და მისი ნაწარმის, ასევე ყველა სახის საათებისა და მათი ნაწილების წარმოება.


კომპანიის სამომავლო გეგმების შესახებ „კომერსანტთან" „ვუდმასტერის" ხელმძღვანელი კახაბერ ჯვარშეიშვილი საუბრობს:

 

- როდის დაფუძნდა კომპანია „ვუდმასტერი", სად მდებარეობს და უფრო კონკრეტულად რომ გვითხრათ, რის წარმოებას აპირებს?


- იურიდიულად უკვე დაფუძნებულები ვართ. პროექტის ფარგლებში ავიღეთ ვალდებულება, რომ განვახორციელოთ შესაბამისი ინვესტიცია. საწარმო იქნება არაერთგვაროვანი. ეს იქნება მულტიფუნქციური საწარმო, რომლის ერთ-ერთი ძირითადი სამუშაო მიმართულება ხემასალების წარმოება იქნება, დაწყებული ავეჯით გაგრძელებული სათამაშოებით და საათებით. ჩვენი დანადგარები ამის საშუალებას ნამდვილად მოგვცემს.

 

გარდა ამისა, ჩვენი ერთ-ერთი მიმართულება იქნება ის, რომ ხელი შევუწყოთ ახალგაზრდა თაობას თავისი იდეები განახორციელონ. იდეის არსებობის შემთხვევაში შეგვიძლია მათ დავუთმოთ ქარხნის ფართი და ტექნიკური საშუალებები.


- ქარხანა ტერიტორიულად სად იქნება?


- ქონების ეროვნულმა სააგენტომ სახელმწიფო პროგრამა ,,აწარმოე საქართველოში" ფარგლებში შპს ,,ვუდმასტერს" ზემო ფონიჭალაში 12 595 კვ.მ. მიწის ნაკვეთი სიმბოლურ ფასად, ერთ ლარად გადასცა. შენობას რემონტი ესაჭიროება. ჩვენ გვაქვს განვითარების ეტაპობრივი გეგმა, რომელიც ედრება იმ პერიოდს, რა პერიოდშიც ინვესტიციის განხორციელების ვალდებულება გვაქვს. პირველ ეტაპზე დაგეგმილია სრული ავტომატიზირებული დანადგარების შემოტანა, რომელიც ხე და ხემასალების დამუშავებას ავტომატურად შეძლებს. ეს იმდენად სრულყოფილი იქნება,რომ ხშირ შემთხვევებში ავეჯს მხოლოდ აწყობა დასჭირდება.

 

- რა ოდენობის ინვესტიციის განხორციელებას გეგმავთ?


- კომპანიაში საერთო ჯამში 1 793 000 ლარის ინვესტიცია განხორციელდება. თუმცა, ვფიქრობ, რომ ეს მინიმუმი იქნება. საწარმოში 50-მდე ადამიანის დასაქმება იგეგმება.



- რეალიზაციას სად გეგმავთ, ადგილობრივი მასშტაბით თუ ექსპორტზეც გეგმავთ გასვლას?


- ჩვენი ორიენტირია ადგილობრივი ბაზარი, თუმცა, გვინდა, რომ ექსპორტზე რაც შეიძლება დიდი წილით ვიყოთ წარმოდგენილი, განსაკუთრებით ეს ევროპის მიმართულებას ეხება. თავისუფალი ვაჭრობის ხელშეკრულება ევროკავშირთან ძალიან კარგი საშუალებაა იმისთვის, რომ რიგ ქვეყნებში, სადაც ქართული პროდუქცია უცხოურს ფასის გამო კონკურენციას ვერ უწევდა, შეიცვალოს. ევროპასთან ასოცირების ხელშეკრულების შემდეგ ძალიან ბევრი მიმართულებით ლიბერალური გახდა კანონმდებლობა, მათ შორის გამარტივდა საბაჟოზე გატანის პროცედურა, რაც საბოლოო ჯამში გამოიხატა ფასში. ანუ, შემცირდა პროდუქციის თვითღირებულება. შესაბამისად, ჩვენი ინტერესი იმისა, რომ საქართველოში საწარმო გაგვეხსნა, აქედან წამოვიდა.


- თუ გყავთ უკვე უცხოელი პარტნიორები, ვისთანაც თანამშრომლობას გეგმავთ?


- ამაზე საუბარი ნაადრევია. პროექტის სახით პოტენციურ კლიენტებთან წარდგენილი გვაქვს პროდუქცია. ამან ევროპელ პარტნიორებში ძალიან დიდი ინტერესი გააჩინა.


- საერთაშორისო ბაზარზე კონკურენტული იქნება თქვენს მიერ გამოშვებული ავეჯი ან საათი?

 

-კონკურენტული იქნება, რატომაც არა. ჩვენ შეგვეძლება გარკვეული ტიპის მაღალხარისხიანი პროდუქტები იაფად ვაწარმოოთ.


- თქვენ რამდენჯერმე ახსენეთ ბიზნესისთვის მისაღები საგადასახადო პოლიტიკა. თქვენთვის მისაღებია ის ბიზნესგარემო რაც დღეს ქვეყანაშია?

 

- ყველაზე მთავარია ის, რომ ხდება ექსპორტის წახალისება, ლიბერალურია გადასახადები. დღეს თითზე ჩამოსათვლელი ქვეყნებია, სადაც ორიენტირებულები არიან მცირე ბიზნესის განვითარებაზე. ახალი ცვლილება, რომელიც რეინვესტირებული თანხის მოგების გადასახადისგან გათავისუფლებას გულისხმობს, ძალიან კარგი ნაბიჯია იმისთვის, რომ ხელი შეეწყოს ბიზნესის განვითარებას.

 

- ეს პროექტი წინა ხელისუფლების დროს რატომ არ დაიწყეთ, მაშინ არ იყო ბიზნესისთვის ხელშემწყობი გარემო?


- რეალურად, ჩვენი გეგმა არ არის ბევრი წლის. იდეა 10 წლის წინ არ გაგვჩენია. თუმცა ბიზნესგარემო რომ უფრო ჯანმრთელია, ვიდრე 2012 წლამდე იყო, ფაქტია. პროექტი „აწარმოე საქართველოში" უპრეცედენტოა, რადგან რომ არა ეს პროექტი, კიდევ უფრო დავაგვიანებდით ამ გადაწყვეტილების მიღებას.


- ნედლეული ადგილობრივი იქნება თუ იმპორტირებული?


- ვიმედოვნებთ, რომ ადგილობრივ ბაზარიდან შევძლებთ მომარაგებას. თუმცა, ნაწილობრივ იმპორტზეც ვიქნებით დამოკიდებული.


- როდის დაიწყება უშუალოდ წარმოების პროცესი?


- სატესტო გაშვება სავარაუდოდ ივლისში იქნება.




მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“

მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“
access_time2019-08-20 20:34:59
თიბისი ბანკის დამფუძნებელი მამუკა ხაზარაძე სოციალურ ქსელში პოსტს აქვეყნებს, რომელსაც „კომერსანტი“  უცვლელად გთავაზობთ: „დღეს პროკურატურის მოთხოვნით და სასამართლოს განჩინებით მოხდა ჩემი და ბადრი ჯაფარიძის ყველა საბანკო ანგარიშის დაყადაღება. ეს ქმედება ემსახურება მხოლოდ ერთ მიზანს, რომ მოხდეს ჩვენს მიერ დაანონსებული საზოგადოებრივი მოძრაობის და ყველა მიმდინარე დასაფინანსებელი საქველმოქმედო და ბიზნეს...

“ესტონეთი არის ყველაზე მდიდარი პოსტსაბჭოთა ქვეყანა“ - რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი

“ესტონეთი არის ყველაზე მდიდარი პოსტსაბჭოთა ქვეყანა“  -  რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი
access_time2019-08-20 19:30:07
1991 წლის 20 აგვისტოს, საღამოს 11 საათზე ესტონეთმა საბჭოთა კავშირისგან დამოუკიდებლობის აღდგენა გამოაცხადა — რა შეიცვალა 28 წლის შემდეგ —  ეროვნული ბანკის ყოფილი პრეზიდენტის გიორგი ქადაგიძის facebook  პოსტს უცვლელად გთავაზობთ: ესტონეთი არის ყველაზე მდიდარი პოსტსაბჭოთა ქვეყანა (საქართველოზე 3-ჯერ მდიდარი). 2. ესტონეთი არის...

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს
access_time2019-08-20 20:00:21
მოგესალმებით. დღეს მინდა ვისაუბრო კომპანიაზე, რომლის აქციებიც შევიძინეთ 2017 წლის 21 ნოემბერს. აქციების შეძენა მოხდა $38 დოლარად. ამ დროისთვის კომპანიის აქციის ფასია $131 დოლარი. რაც ინვესტირებული თანხის 240%-იან ზრდას შეადგენს. მე JDinvestment-ის პორტფელში ამ დროსითვის რამოდენიმე კომპანიის აქცია მაქვს მფლობელობაში. მათ შორის არის კომპანია...

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო
access_time2019-08-20 18:30:57
კომპანია China Railway 23rd Bureau Group Co, რომელსაც მსოფლიო ბანკმა ტენდერებში მონაწილეობა დროებით აუკრძალა, საქართველოში სხვადასხვა პროექტთან ერთად, ქვეშეთი-კობის საავტომობილო გზის 13 კმ-იან მონაკვეთს ააშენებს. გამარჯვებული კომპანია სწორედ ტენდერის შედეგად გამოვლინდა, თუმცა, როგორც საავტომობილო გზების დეპარტამენტის თავმჯდომარე აცხადებს, ეს იქამდე მოხდა, ვიდრე მას ტენდერებში მონაწილეობა აეკრძალებოდა. ცნობისათვის, მსოფლიო ბანკმა საქართველოს მთავრობის ერთ-ერთ უმსხვილეს...

სილქროუდ ჯგუფის განცხადება „ბათუმი რივიერასთან“ დაკავშირებით: ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად

სილქროუდ ჯგუფის განცხადება „ბათუმი რივიერასთან“ დაკავშირებით:  ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად
access_time2019-08-20 16:30:56
  პროექტ „ბათუმი რივიერასთან“ დაკავშირებით სილქროუდ ჯგუფი ავრცელებს საჯარო განცხადებას. “კომერსანტი გთავაზობთ ტექსტს უცვლელად: „რივიერას ტერიტორიაზე დაგეგმილ მშენებლობასთან დაკავშირებით უკვე ჩატარდა 8 საჯარო განხილვა, რაც უპრეცედენტო შემთხვევაა საქართველოში განხორციელებული თუ დაგეგმილი პროექტებისთვის. ჩვენ ყველა დაინტერესებულ მხარეს მივაწოდეთ ამომწურავი ინფორმაცია და მოვისმინეთ მათი პოზიცია. სამწუხაროდ, ბოლო რამდენიმე შეხვედრა...


მსგავსი სიახლეები

up