სოფლისა და სოფლის მეურნეობის განვითარების სააგენტო სახელმწიფო ბიუჯეტის დაფინანსებით 2015 წლიდან ახორციელებს პროექტს „დანერგე მომავალი“, რომლის მიზანიცაა საქართველოში არსებული სასოფლო-სამეურნეო მიწების ეფექტურ გამოყენება მრავალწლოვანი კულტურების გაშენების გზით. საქართველოს მთავრობა აღნიშნული პროექტით ცდილობდა იმპორტირებული პროდუქცია ჩაენაცვლებინა და გაეზრდა საექსპორტო პოტენციალი, რის შემდეგაც სოფლად მოსახლეობის სოციალურ-ეკონომიკური მდგომარეობა გაუმჯობესდებოდა.
„კომერსანტი“ დაინტერესდა 2015 წლიდან დღემდე რა თანხას შეადგენს სახელმწიფო დაფინანსების მოცულობა, რამდენმა ბენეფიციარმა ისარგებლა აღნიშნული პროგრამით, ხეხილის ახალი ბაღები რამდენ ჰექტარზე გაშენდა და მონიტორინგის შედეგებიდან რამდენმა ბენეფიციარმა მოახერხა, ფერმერული მეურნეობის განვითარება და რამდენს გაუხმა ხეხილის ახალი ბაღი.
სოფლისა და სოფლის მეურნეობის განვითარების სააგენტოდან გამოთხოვილი ინფორმაციით ირკვევა, რომ პროგრამის მრავალწლიანი ბაღების თანადაფინანსების კომპონენტისა და კენკროვანი კულტურების დაფინანსების ქვეკომპონენტების ფარგლებში, 2018 წლის პირველი იანვრიდან 2019 წლის 31 დეკემბრის პერიოდში დაფინანსებული/თანადაფინანსებული 4 250 ჰა-დან, სააგენტოს ხელთ არსებული ინფორმაციით, განხორციელებული მონიტორინგის შედეგად 82,32 ჰა-ზე გამოვლენილია ნაწილობრივი ან სრულად ხმობა.
„დანრეგე მომავალს“ 2015 წლიდან 2019 წლამდე 1 445 ბენეფიარი ჰყავს. აღსანიშნავია, რომ წლიდან წლამდე სააგენტოს თანადაფინანსება მნიშვნელოვნად იზრდება. მაგალითად, თუ 2015 წლეს სააგნეტომ დახარჯა 4 127 038 ლარი, 2019 წელს ეს რიცხვი 15 889 454 ლარს შეადგენდა. ჯამში, პროგრამის ფარგლებში 50 379 477 ლარი დაიხარჯა.
რაც შეეხება გასაშენებლი/გაშენებული ბაღის რაოდენობას, ფართობმა 8 545 ჰა შეადგინა.
ბაჩო ადამია