ქართული საბანკო სექტორის 70%-ზე მეტი ორ ბანკზე მოდის. რაც კონცენტრაციის საკმაოდ მაღალი მაჩვენებელია. საპირისპიროდ ვხედავთ რომ მიკროსაფინანსო ორგანიზაციები მცირე ზომის არიან. მათი წილი საფინანსო ბაზარზე უმნიშვნელოა. მიკრო ბანკების ლიცენზირება ეროვნული ბანკის მხრიდან კარგი ინიციატივაა, თუმცა გამომდინარე მათი ზომიდან მნიშვნელოვან ცვლილებას არ ველით“, - ამბობს „ბიზნეს ფორმულასთან“ ინტერვიუში სააგენტოს სააბანკო მიმართულების დირექტორი.
სააგენტო საქართველოში 7 ბანკს აფასებს და მათი პროგნოზი დღეს ნეგატიურია. Fitch რეიტინგის გადახედვას მომდევნო წელს გეგმავს.
„საქართველოში 7 ბანკს ვაფასებთ. რომლებსაც ამ ეტაპზე ნეგატიური პროგნოზი აქვთ. შეგვიძლია განვიხილოთ ორი სცენარი. დავიწყებ ცუდი სცენარით - თუკი ეკონომიკური კრიზისი იმაზე ძლიერი იქნება ვიდრე ამას Fitch-ი პროგნოზირებს, მნიშვნელოვნად გაუარესდება ბანკების აქტივების და მოგებიანობის მაჩვენებელი, რის შემთხვევაშიც რეიტინგიც გაუარესდება. ეკონომიკის დასტაბილურების შემთხვევში პროგნოზი სტაბილურით შეიცვლება, თუმცა ამას გარკვეული დრო სჭირდება“, - ამბობს ალიონა აგრენენკო.
gbc.ge