2020 წლის იანვარ-ნოემბერში საქართველოში საქონლით საგარეო სავაჭრო ბრუნვამ 10,202 მლრდ დოლარი შეადგინა, რაც წინა წლის შესაბამის პერიოდთან შედარებით, 14.6 % ით ნაკლებია. ამასთან, ქვეყნის უმსხვილესი სავაჭრო პარტნიორები არიან: თურქეთი (1,429 მლრდ აშშ დოლარი), რუსეთი (1,185 მლრდ აშშ დოლარი) და ჩინეთი (1,092 მლრდ აშშ დოლარი).
საქსტატის მონაცემებით, საანგარიშო პერიოდში თურქეთში პროდუქციის იმპორტი 13.4%-ით, ხოლო ექსპორტი 7.1 %-ით შემცირდა.
„ბიზნესპრესნიუსი“ გთავაზობთ იმ პროდუქტების ჩამონათვალს, რომელსაც ვყიდით და ვყიდულობთ თურქეთში.
საქართველოდან თურქეთში ექსპორტირებული უმსხვილესი სასაქონლო ჯგუფები:
- ყურძნის ნატურალური ღვინოები - 95,106 მლნ აშშ დოლარი
- ფეროშენადნობები - 92,136 მლნ აშშ დოლარი
- მინერალური და მტკნარი წყლები - 33,661 მლნ აშშ დოლარი
- სპირტიანი სასმელები - 25,258 მლნ აშშ დოლარი
- ახალი გარგარი, ალუბალი და ბალი, ატამი, ქლიავი და ღოღნოშო - 19,936 მლნ აშშ დოლარი
თურქეთიდან საქართველოში იმპორტირებული უმსხვილესი სასაქონლო ჯგუფები:
- შავი ლითონების მილები, მილაკები და ღრუ პროფილები -39,371 მლნ აშშ დოლარი
- დაფასოებული სამკურნალო საშუალებები -39,365 მლნ აშშ დოლარი
- 10 კაცის ან მეტის (მძღოლის ჩათვლით) გადასაყვანად განკუთვნილი ავტომობილები - 36,270 მლნ აშშ დოლარი
- შავი ლითონების მეტალოკონსტრუქციები და მათი ნაწილები - 31,954 მლნ აშშ დოლარი
- მზა ნაწარმი სხვა, ტანსაცმლის თარგების ჩათვლით - 26,891 მლნ აშშ დოლარი
Bpn.ge