პროდუქცია 3-7%-ით უკვე გაძვირდა - „ფასები კიდევ გაიზრდება“

პროდუქცია 3-7%-ით უკვე გაძვირდა - „ფასები კიდევ გაიზრდება“

access_time2018-11-07 23:04:18

პირველადი მოხმარების იმპორტირებული პროდუქციაზე ფასები 3-7%-ით უკვე გაიზარდა. იმ შემთხვევაში, თუ ლარის კურსი კიდევ დაეცა, ფასები უფრო მეტად გაიზრდება, - ამის შესახებ „ბიზნესპრესნიუსს“ დისტრიბუტორთა ასოციაციის ხელმძღვანელმა ივა ჭყონიამ განუცხადა.


დოლართან მიმართებით ეროვნულმა ვალუტამ გაუფასურება აგვისტოდან დაიწყო. 10 აგვისტოს ოფიციალური კურსით ერთი დოლარი 2,46 ლარი ღირდა, დღეს კი ერთი დოლარი 2,76 ლარია. 20 პუნქტით, ანუ 12%-ით გაიუფასურებული ეროვნული ვალუტა, რასაც გაძვირებული საწვავი დაემატა, იმპორტირებული პროდუქციის ფასზე უკვე აისახა. ივა ჭყონიას განცხადებით, პირველადი მოხმარების საქონელი უკვე 3-7%-ით გაძვირდა.


„ლარმა კრიტიკული ზღვარი მაშინ გადალახა, როდესაც 2,6-ის ნიშნულს გადასცდა. 2,6-ის ნიშნულამდე შესაძლებელი იყო ფასების დაბალანსება, თუმცა მას შემდეგ ლარი ყოველდღიურად უფასურდება, რაც ცხადია ფასებზე ნეგატიურად აისახება. ამ ყველაფერს ემატება საწვავის გაძვირება, საწვავი და კურსი კი, როგორც იცით, დისტრიბუციაში ყველაზე მნიშვნელოვანი კომპონენტია“, - განაცხადა ივა ჭყონიამ.




მისივე თქმით, ფასები კიდევ გაიზრდება იმ შემთხვევაშიც, თუ ლარი 2,8-ის ნიშნულს გადასცდა და იმ შემთხვევაშიც, თუ კურსი 2,70-2,75 და 2,8-ის კორიდორში იტრიალებს.



საქართველო კი უკვე წლებია იმპორტდამოკიდებული ქვეყანაა. არ არსებობს პირველადი მოხმარების არც ერთი პროდუქცტი, რომელიც თვითუზრუნველყოფის მაჩვენებელს აკმაყოფილებდეს. გარდა ამისა, ყოველ წელს იზრდება იმპორტი და ის ექსპორტს რამდენჯერმე აღემატება. მარტო 2018 წლის 9 თვეში უარყოფითმა სავაჭრო ბალანსმა 4 228.6 მლნ. აშშ დოლარი და საგარეო სავაჭრო ბრუნვის 46.3 პროცენტი შეადგინა. ამასთან, 2018 წლის იანვარ-სექტემბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 9 124.8 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელს 20.8 პროცენტით აღემატება. აქედან ექსპორტი 2 448.1 მლნ. აშშ დოლარს შეადგენს (25.7 პროცენტით მეტი), ხოლო იმპორტი 6 676.7 მლნ. აშშ დოლარს (19.1 პროცენტით მეტი).



გაზრდილი იმპორტი, გაძვირებული საწვავი და გაუფასურებული ლარი კი პირდაპირპროპორციულად აისახება სამომხმარებლო ფასებზე. თანაც, იმ შემთხვევაში, როდესაც ლარის კურსმა დოლარის მიმართ კრიტიკული ზღვარი უკვე გადალახა.


bpn.ge





ჯო ბაიდენმა ფიცი დადო და ოფიციალურად გახდა აშშ-ის 46-ე პრეზიდენტი

ჯო ბაიდენმა ფიცი დადო და ოფიციალურად გახდა აშშ-ის 46-ე პრეზიდენტი
access_time2021-01-20 21:10:01
ვაშინგტონში, ინაუგურაციის ცერემონიაზე ჯო ბაიდენმა ფიცი დადო. ჯო ბაიდენმა ფიცი აშშ-ის უზენაესი სასამართლოს თავმჯდომარის, ჯონ რობერტსის თანდასწრებით დადო. რაც იმას ნიშნავს, რომ ჯო ბაიდენი ოფიციალურად გახდა აშშ-ის 46-ე პრეზიდენტი. მანამდე ფიცი დადო ვიცე-პრეზიდენტმა კამალა ჰარისმა. ვაშინგტონში, კაპიტოლიუმში ჯო ბაიდენისა და ვიცე-პრეზიდენტის, კამალა ჰარისის ინაუგურაცია მიმდინარეობს. შეგახსენებთ, 46-ე პრეზიდენტის ინაუგურაციას ყოფილი...

დღის Top 10 საინტერესო ამბავი

დღის Top 10 საინტერესო ამბავი
access_time2021-01-20 21:00:01
დღის Top 10 საინტერესო ამბავი:   1 „როცა ადამიანი თუ ადამიანთა ჯგუფი, ისეთ მწვავე ვითარებაში იქნება, როგორშიც ხელისუფლება იყო, ბიზნესი ყოველთვის გავამხნევებთ“ - სოსო ფხაკაძე   „როცა ადამიანი თუ ადამიანთა ჯგუფი, ისეთ მწვავე ვითარებაში იქნება, როგორშიც ხელისუფლება იყო,...

ენგურჰესი გაჩერდა - აფხაზეთი ელექტროენერგიას რუსეთიდან მიიღებს

ენგურჰესი გაჩერდა - აფხაზეთი ელექტროენერგიას რუსეთიდან მიიღებს
access_time2021-01-20 20:00:08
20 იანვარს  საქართველოში უმსხვილესი ენერგო ობიექტი, ენგურჰესი  გაჩერდა. ელექტროსადგურზე გეგმიური სამუშაოები ჩატარდება, რომელთა მიზანია სადერივაციო გვირაბის შეკეთება რის შემდეგაც სადგურის მიერ გამომუშავებული ენერგიის დანაკარგები მკვეთრად , წელიწადში 150 მლნ. კვტ.ს. - ით შემცირდება.   ენგურჰესი არის ელექტროენერგიის ერთადერთი წყარო ოკუპირებული აფხაზეთისთვის, რომელსაც გამომუშავებული ენერგიის 40% ეკუთვნის. ამ გაყოფის მიზეზი ისაა, რომ ელექტროსადგურის მართვა...

როგორია ექიმებისა და ექთნების გასამრჯელო - ISET-ის ბლოგერი წერს, რომ რიცხვები სავალალოა

როგორია ექიმებისა და ექთნების გასამრჯელო - ISET-ის ბლოგერი წერს, რომ რიცხვები სავალალოა
access_time2021-01-20 18:00:51
სამედიცინო პერსონალის პროფესიული უზრუნველყოფის მიზნით ინვესტიცია უნდა ჩაიდოს, დაწყებული განათლების ხარისხის გაუმჯობესებიდან, დამთავრებული სათანადო ანაზღაურებით, - როგორც კვლევით ცენტრის ბლოგზე თამარ სულუხია წერს, პანდემიის დროს ჯანდაცვის სფეროს მენეჯმენტი ქვეყნისა და მისი მოსახლეობის გადარჩენის გარანტიაა.   „პანდემიის შემდგომ საქართველოში დაგვრჩება შედარებით უფრო კომპეტენტური და უფრო მაღალი იმიჯის მქონე ჯანდაცვის სისტემა. ჩვენ მიერ არცთუ სათანადოდ დაფასებული ექიმები და...

თუ 1-ელი თებერვლიდან მთის კურორტები არ გაიხსნება, ვითარება სავალალო იქნება - მთის კურორტების ბიზნეს ასოციაცია

თუ 1-ელი თებერვლიდან მთის კურორტები არ გაიხსნება, ვითარება სავალალო იქნება - მთის კურორტების ბიზნეს ასოციაცია
access_time2021-01-20 17:00:43
მთის კურორტების ბიზნეს ასოციაცია 1-ლი თებერვლიდან კურორტების გახსნას ითხოვს. წინააღმდეგ შემთხვევაში სავალალო შედეგის დადგომას ვარაუდობს.   როგორც მთის კურორტების ბიზნეს ასოციაციის ხელმძღვანელი, მაია ბიჭიკაშვილი აცხადებს, კერძო სექტორი ყველანაირი რეგულაციისა და უსაფრთხოების ნორმების დაცვისთვის მზად არის და პასუხისმგებლობასაც საკუთარ თავზე იღებს.    „არავინ იცის, 1-ლი თებერვლიდან მთის კურორტები გაიხსნება, თუ არა. ბიზნესისთვის ეს დამღუპველია. მთის...


მსგავსი სიახლეები

up