„პროცენტის მეათედამდე სიზუსტით არ უნდა ილაპარაკო, უადგილო ქედმაღლობაა“

„პროცენტის მეათედამდე სიზუსტით არ უნდა ილაპარაკო, უადგილო ქედმაღლობაა“

access_time2020-11-27 10:00:55

ლოკდაუნი ლოკდაუნის გამოცხადების გარეშე, საქართველოს მთავრობა „წერტილოვანი შეზღუდვებით“ ქვეყანას სრულად კეტავს. ხვალიდან გაჩერდება საზოგადოებრივი ტრანსპორტი, დაიხურება ფიტნეს დარბაზები, აუზები და სავაჭრო ცენტრები. სტუმრებს ვეღარ მიიღებენ ვერც რესტორნები და კვების ობიექტები. გამოცხადებულ შეზღუდვებს თავისი ეკონომიკური ფასი ექნება, პრემიერ მინისტრი გიორგი გახარია ელოდება, რომ ეს ფასი მხოლოდ მშპ-ს 0.7%-0.8% იქნება და არა ათი ათასობით ახალი უმუშევარი ქვეყანაში.

 

ეკონომიკური ფასის მეათედი სიზუსტით დასახელებას ქედმაღლობას უწოდებს ფინანსისტი გიგა ბედინეიშვილი. მისი შეფასებით, საქართველოს მთავრობა არა თანამიმდევრულ გადაწყვეტილებებს იღებს, რომელიც ქვეყანაში შექმნილ რთულ მდგომარეობას ვერ გააუმჯობესებს.

 

„არ ვიცი რამდენად დაეცემა მთლიანი შიდა პროდუქტი და სერიოზული ეჭვი მაქვს გახარიამაც არ იცის. მათი გათვლები უმეტესად არასწორი აღმოჩნდება ხოლმე. მგონი უადგილო ქედმაღლობაა, პროცენტის მეათედამდე სიზუსტით არ უნდა ილაპარაკო. დაწესებული შეზღუდვების გავლენა, რომ უარყოფითი იქნება ეს ფაქტია, იმაშიც კი არ ვარ დარწმუნებული, რამდენად ეფექტური იქნება ეს შეზღუდვები ეპიდემიოლოგიური სიტუაციის გაუმჯობესებისთვის. ძნელია რაიმე მოლოდინი გქონდეს ამ არა პროგნოზირებადი მართვის სტრატეგიისგან. მე ვერ ვხედავ ვერანაირ თანამიმდევრულობას და ვერ ვხედავ, რომ მთავრობაში ვინმე იცოდეს რას აკეთებს ეპიდემიასთან დაკავშირებით, ბრმად ისვრიან რაღაცებს, ძირითადად პოლიტიკურად მოტივირებულ გადაწყვეტილებებს იღებენ. რას აკეთებენ და რატომ აკეთებენ ჩემთვის გაუგებარია“, განაცხადა გიგა ბედინეიშვილმა.

 


ქვეყნის მთავარსარდალმა საიდან მიიღო დაზუსტებული პროცენტული მაჩვენებელი გაუგებარია ზვიად ხორგუაშვილისთვის. ეკონომისტი აცხადებს, რომ საქართველოს მთავრობა ვერანაირ გათვლებს ვერ აკეთებს ან თუ აკეთებენ არის ტექნიკური ხასიათის და არ ეყრდნობა ლოგიკურ მაჩვენებელს.

 

„ეკონომიკური ფასი 0,8-ზე გაცილებით მეტი იქნება მარტო იმის გამო, რომ აპირებენ ტრანსპორტი მთლიანად გააჩერონ და ძალიან ბევრი ადამიანი ფიზიკურად ვერ იმუშავებს. გათვლებში როგორც ჩანს ამ ხალხმა ვერ გაითვალისწინა ის, რომ ამდენი მაღაზია თუ ბაზრობა ონლაინ ვერ იმუშავებს. როგორ წარმოუდგენიათ, მაგალითად მანქანის ნაწილების მუშაობა? ეს ხალხი დაჯდება სახლში და დაელოდება შეზღუდვების მოხსნას უკიდურეს გაჭირვებაში. 0,8 არის ზუსტი რიცხვი, მეათედებში კი არა მაჩვენებელი აქამდე მთელ რიცხვებში ვერ დასვეს. რამდენიმე თვის შემდეგ როდესაც მაღალი ეკონომიკური ვარდნა გვექნება ვინ გაიხსენებს ამ განცხადებას? არავინ, ამიტომ ახლა ცდილობენ გარკვეული ქულები ჩაიწერონ და მოსახლეობა მოატყუონ. თუ ჰგონიათ მცირე რიცხვს იტყვიან და ამით ხალხს მოატყუებენ ძალიან ცდებიან. სულ რომ 1 პროცენტი იყოს სხვაობა მაინც ძალიან დიდი რიცხვია, იმ პირობებში როდესაც ეკონომიკა ასე მცირდება“, - განმარტავს ზვიად ხორგუაშვილი.

 

ზვიად ხორგუაშვილი აცხადებს, რომ რასაც საქართველოს მთავრობა წერტილოვან შეზღუდავს ეძახის, სინამდვილეში მასობრივი დარტყმაა. მისთვის გაუგებარია რითი განსხვავდება დღევანდელი მდგომარეობა მაისი-აპრილი- ივნისის დროს განხორციელებული ლოქდაუნისგან, როდესაც ეკონომიკა მკვეთრად შემცირდა.

 

„წარსული გვიჩვენებს, რომ ამ ხალხმა ეკონომიკური გათვლების გაკეთება არ იცის, ამის მაგალითია ეკონომიკური ზრდის ტემპის დაგეგმვა, ისევე როგორც ეკონომიკური ვარდნის ტემპის დაგეგმვა. ამბობდნენ, რომ იქნებოდა 2 პროცენტი ზრდა, შემდეგ გეგმავდნენ, რომ 4 პროცენტი შემცირებაო იქნებაო, კიდევ შეცვალეს და თქვენს 4.8 იქნებაო, მერე 5-იო, ანუ იმდენჯერ ცვლიან დაგეგმილ ზრდის ტემპებს, რომ ზოგადად დაგეგმვის აზრი იკარგება. მსგავსი შემთხვევაა ახლაც, როდესაც პრემიერი გამოდის და რაღაცებს გველაპარაკება სინამდვილეში არანაირი ეკონომიკური გათვლები არ გაუკეთებია, ან თუ გააკეთეს, იქ მრჩევლები და მინისტრები ატყუებენ, სხვა ახსნას მე ვერ ვხედავ. შეუძლებელია ამხელა მასშტაბის შეზღუდვები დააწესო და მიიღო ბევრად ნაკლები ვარდნა ვიდრე გვქონდა გაზახულ-ზაფხულში. რაც მანამდე ქნეს, როცა ქვეყანა ჩამოიქცა, რეალურად იმასვე აკეთებენ, ესაა პრობლემა, ახლა უბრალოდ გვითხრეს, თუ რა მოხდება 28 ნოემბრიდან 25 დეკემბრამდე, ცხრილი გააკეთეს თორე შინაარსობრივად თითქმის იგივეა“, განმარტავს ზვიად ხორგუაშვილი.


ბაჩო ადამია




"ჯერჯერობით კონსესუსს ვერ მივაღწიეთ" - ლუდის ინდუსტრია ხელისუფლებისგან შეღავათებს ითხოვს

access_time2021-05-14 15:00:48
ლუდის სექტორსა და სახელმწიფოს შორის რიგ საკითხებზე შეთანხმების მიღწევა ამ დრომდე ვერ ხერხდება. კორონავირუსის პანდემიის პირობებში ინდუსტრია მთავრობისგან დახმარებას ითხოვდა, თუმცა უშედეგოდ. სექტორის მხრიდან წაყენებულ მოთხოვნებს შორის აქციზის გადახედვა და დღგ-ს გადავადება პრიორიტეტულ საკითხებად სახელდებოდა.   როგორც კომპანია „ზედაზენის“ დირექტორი, კახაბერ კოტრიკაძე აცხადებს, სექტორს მძიმე ტვირთად დააწვა ახლად ამოქმედებული რეგულაციებიც.   „სახელმწიფოს...

საარსებო მინიმუმი გაიზარდა და ახლა 202,8 ლარია — საქსტატი

საარსებო მინიმუმი გაიზარდა და ახლა 202,8 ლარია — საქსტატი
access_time2021-05-14 12:00:55
აპრილში საარსებო მინიმუმი წლიურად 3,2 ლარით გაიზარდა და შრომისუნარიანი ასაკის მამაკაცის არსებობისთვის საჭირო მინიმალური თანხის ოდენობამ 202,8 ლარი შეადგინა. ამის შესახებ ინფორმაციას საქსტატი ავრცელებს.   2021 წლის აპრილის თვეში საშუალო მომხმარებლის საარსებო მინიმუმი წლიურად 2,8 ლარით გაიზარდა და 179,6 ლარი შეადგინა. წინა თვესთან შედარებით, არსებობისთვის საჭირო მინიმალური თანხის ოდენობა კი შრომისუნარიანი მამაკაცისთვის 1,8 ლარით, ხოლო საშუალო მომხმარებლისთვის 1,5 ლარით არის...

#სპონსორიაკროკობეთი - 1 000 000 ქართული სპორტის მხარდასაჭერად!

  #სპონსორიაკროკობეთი - 1 000 000 ქართული სპორტის მხარდასაჭერად!
access_time2021-05-14 10:55:53
13 მაისს, სასტუმრო „თბილისი მარიოტში“ კროკობეთის პრეზენტაცია გაიმართა. კომპანია ბოლო 2 წლის განმავლობაში 10 საფეხბურთო და 1 საკალათბურთო გუნდს, 2 ინვიდიდუალური სპორტის სახეობის წარმომადგენელს, საქართველოს BMW-ს კლუბს, საქართველოს დრაგ რეისინგისა და დრიფტის სერიებს ასპონსორებს, ღონისძიებას კი თითოეული გუნდის წარმომადგენელი და სპორტსმენი ესწრებოდა, რომლებმაც საზეიმო ვითარებაში მემორანდუმს მოაწერეს...

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა
access_time2021-05-14 12:30:00
2021 წლის იანვარ-აპრილში, საქართველოდან მსოფლიოს 55 ქვეყანაში 28,3 მლნ-მდე ბოთლი (0,75 ლ) ღვინოა ექსპორტირებული, რაც 15%-ით აღემატება 2020 წლის ანალოგიური პერიოდის მაჩვენებელს. ინფორმაციას ღვინის ეროვნული სააგენტო ავრცელებს. „ექსპორტირებული ღვინის ღირებულება 65 მლნ-მდე აშშ დოლარია, ზრდამ, გასული წლის ამავე პერიოდთან შედარებით, 7%-ს მიაღწია. ექსპორტი გაიზარდა ქართული ღვინის სტრატეგიულ ბაზრებზე: პოლონეთი - 2% (1,841,192 ბოთლი), ჩინეთი - 19%...

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა
access_time2021-05-14 13:00:50
კოოპერატიული ბინათმშენებლობის დაუსრულებლობით დაზარალებულ პირთა დაკმაყოფილების მიზნით განხორციელებული სხვადასხვა პროექტის ფარგლებში 2016 წლის წლის 9 მარტიდან 2021 წლის 10 მაისის მონაცემებით ჯამში დაკმაყოფილებულ იქნა 1276 პირი. ამის შესახებ „კომერსანტს“ თბილისის მერიაში განუცხადეს. მოწოდებული ინოფრმაციის მიხედვით უკვე დასრულებული ალტერნატიული საცხოვრებელი ფართით - ბინით  99 პირი დაკმაყოფილდა, ხოლო დაზარალებულ პირთათვის გადაცემულ მიწის ნაკვეთებზე და ამავე მიწის ნაკვეთებზე ინტერესთა...


მსგავსი სიახლეები

up