„პრობლემის სისტემური მოგვარების გარეშე  შედეგი  ვერ მიიღწევა“ - სადისტრიბუციო კომპანიები დაანონსებულ რეგულაციაზე

„პრობლემის სისტემური მოგვარების გარეშე შედეგი ვერ მიიღწევა“ - სადისტრიბუციო კომპანიები დაანონსებულ რეგულაციაზე

access_time2018-02-28 11:10:53

„ახალი ინიციატივა იმის შესახებ, რომ სატვირთო და სადისტრიბუციო ავტომობილებს „პიკის საათებში“  2-2 საათით მოძრაობა შეიძლება შეეზღუდოთ, არ მიმაჩნია ეფექტიანად. აქ არაერთი პრობლემა იჩენს თავს, რადგან ეს დრო არასაკმარისია სამუშაოს შესასრულებლად“- ასე აფასებს სადისტრიბუციო კომპანია „კანტის“ კომერციული დირექტორი და მენეჯერი ნიკა ფერაძე საკანონმდებლო ორგანოში ინიცირებულ პროექტს, რომლის მიხედვითაც სადისტისრიბუციო და სატვირთო ავტომობილებს მოძრაობა კონკრეტულ დროს შეეზღუდებათ.


მისივე თქმით, აღნიშნულ ინიციატივაზე უკეთესია დღის რომელიმე ინტერვალის შერჩევა, რადგან წინააღმდეგ შემთხვევაში მუშაობის დროს შესაძლოა ქალაქში იყოს საცობი და ავტომობილმა უკან, საწყობში დაბრუნება 2 საათის განმავლობაში ვერ მოასწროს, რის გამოც  ჯარიმა დაეკისრება.


პრობლემის ეფექტიანად მოგვარებისთვის სადისტრიბუციო კომპანია „პეტროდიენტ ჯორჯიას“ დირექტორს ირაკლი გაგნიძეს მიაჩნია, რომ საჭიროა სისტემური ცვლილებები და ხოლოდ ერთი მიმართულებით მუშაობა დადებით შედეგს ვერ მოიტანს.


„ვფიქრობ, ქალაქში საცობების პრობლემას მხოლოდ სატვირთო და სადისტრიბუციო ავტომობილების მოძრაობის შეზღუდვა ვერ მოაგვარებს. აქ სისტემური მიდგომაა საჭირო. მხოლოდ ერთი მიმართულებით გატარებული ღონისძიებები ვითარებას არ შეცვლის“,-აღნიშნავს გაგნიძე.



როგორც სადისტრიბუციო კომპანია „გრანდის“ დამფუძნებელმა ივა ჭყონიამ „კომერსანტს“ განუცხადა,  ამ ეტაპზე მერიასთან მიმდინარეობს მოლაპარაკებები, რათა მიღებული გადაწყვეტილება იყოს ეფექტური.


„დაზუსტებით ვერ გეტყვით, რა სახის რეგულაცია ამოქმედდება, რადგან ჯერ კიდევ მიმდინარეობს მუშაობის პროცესი.  ერთადერთი რისი თქმაც შემიძლია, ადრე იყო საუბარი ავტომობილების მხოლოდ ღამით გადაადგილების შესახებ, რაც არასწორად მივიჩნიეთ. ასეთ შემთხვევაში მცირე მაღაზიებს, რომლებიც ღამე არ მუშაობენ სერიოზული პრობლემები შეექმნებოდა. ახლა არ ვიცი საბოლოოდ რა გადაწყვეტილებას მიიღებს მერია, მაგრამ იმედია ყველაფერი დადებითად გადაწყდება“,-აღნიშნავს ჭყონია.


სატვირთო და სადისტრიბუციო ავტომობილებს დილისა და საღამოს „პიკის საათებში“ 2-2 საათით მოძრაობა შეიძლება აეკრძალოთ. ამის შესახებ ადმინისტრაციულ სამართალდარღვევათა კოდექსში ცვილებების შეტანა იგეგემება. ცნობილია, რომ კანონპროექტი  საკანონმდებლო ორგანოში უკვე ინიცირებულია. დაგეგმილი ცვლილებების თანახმად სატვირთო და სადისტრიბუციო მანქანების მხრიდან მოძრაობის წესის დარღვევაზე 100 ლარიანი ჯარიმა დაწესდება.



ავტორი : სალომე ლემონჯავა.


 





ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე
access_time2020-09-14 14:15:25
ცენტრალურმა საარჩევნო კომისიამ უკვე გამოაქვეყნა რეკომენდაციები, თუ რა წესების დაცვა იქნება სავალდებულო საარჩევნო უბნებზე 31 ოქტომბერს დაგეგმილ არჩევნებზე. შემუშავებული რეკომენდაციების თანახმად, აღსანიშნავია, რომ უბნებზე მისულ ამომრჩეველს თერმოსკრინინგი არ ჩაუტარდება და ამასთან, მათ ინდივიდუალური კალმების გამოყენების საშუალება ექნებათ. ცესკოს მიერ შემუშავებული რეკომენდაციები ასე გამოიყურება: კენჭისყრის შენობის შესასვლელთან უნდა განთავსდეს დეზობარიერი (კოლექტიური დაცვის...

პროგრამის - აწარმოე საქართველოში 17 ბენეფიციარს ქონება ჩამოერთვა

პროგრამის - აწარმოე საქართველოში 17 ბენეფიციარს ქონება ჩამოერთვა
access_time2020-09-19 13:45:14
“აწარმოე საქართველოში“ პროგრამის ფარგლებში აღებული ვალდებულებების შეუსრულებლობის გამო, პროგრამის ამოქმედებიდან დღემდე ქონება 17 კომპანიას ჩამოერთვა. აღნიშნული ინფორმაცია BM.GE-მ ქონების მართვის სააგენტოდან გამოითხოვა. ქონებაჩამორთმეულ კომპანიებს შორისა: შპს “იბერია ევრო პრო”შპს “აილამა”შპს “ენ-ეიჩ-ელ 43 “შპს “წალკის რძის პროდუქტები” ( ხელშეკრულება შეწყდა ვალდებულებების შესრულების ვადის დადგომამდე, მოსალოდნელი შეუსრულებლობით)შპს „ხევი“შპს “ნ.გ...

უნივერსიტეტებს უცხოელი სტუდენტების დაკარგვის ეშინიათ

უნივერსიტეტებს უცხოელი სტუდენტების დაკარგვის ეშინიათ
access_time2020-09-19 12:00:34
საქართველოს უმაღლეს სასწავლებლებში 13 000-ზე მეტი უცხოელი სტუდენტი სწავლობს. ახალი სასწავლო წელი მათთვის და მათი სასწავლებლებისთვის გამკაცრებული რეგულაციებით და გაზრდილი ხარჯით იწყება....

„ლარი გარბის“ - ეკონომიკის ყველა მინისტრი კი 2013 წლიდან ერთსა და იმავეს ლაპარაკობს - „ლარი სტაბილურად მოძრაობსო“

„ლარი გარბის“ - ეკონომიკის ყველა მინისტრი კი 2013 წლიდან  ერთსა და იმავეს ლაპარაკობს - „ლარი სტაბილურად მოძრაობსო“
access_time2020-09-19 10:00:49
ლარი გარბის“ - ეკონომიკის ყველა მინისტრი კი 2013 წლიდან ერთსა და იმავეს ლაპარაკობს - „ლარი სტაბილურად მოძრაობსო“, - ამის შესახებ ბიზნესმენმა, პარტიის „პროგრესი და თავისუფლების“ ერთ-ერთმა ლიდერმა ცეზარ ჩოჩელმა „პალიტრანიუსის“ გადაცემაში „360 გრადუსი“...

დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-18 21:00:58
დღის TOP 10 საინტერესო ამბავი:   1. რესპუბლიკური საავადმყოფო - საპარტნიორო ფონდის მორიგი ჩავარდნილი პროექტი ქვეყნის ერთ-ერთმა ყველაზე მაღალანაზღაურებადმა მენეჯერმა დავით საგანელიძემ ამორტიზებული და უმძიმესს მდგომარეობაში მყოფი კლინიკების განვითარებისთვის არაფერი...


მსგავსი სიახლეები

up