პრობლემები სასამართლო სექტორში და  დაწესებული რეგულაციები - გია ჯანდიერი ინვესტიციების შემცირების მიზეზებს ხსნის

პრობლემები სასამართლო სექტორში და დაწესებული რეგულაციები - გია ჯანდიერი ინვესტიციების შემცირების მიზეზებს ხსნის

access_time2019-03-11 15:00:51

„საქსტატის“ წინასწარი მონაცემებით, 2018 წლის განმავლობაში საქართველოში განხორციელებული პირდაპირი უცხოური ინვესტიციების მოცულობამ $1.23 მილიარდი დოლარი შეადგინა, რაც, 2017 წელთან შედარებით, 35%-ით ნაკლებია. მეტიც, ამ მაჩვენებლით ინვესტიციები ბოლო ხუთი წლის მინიმუმზეა.


შემცირება საქართველოს უმსხვილესი ინვესტორი ქვეყნებიდან საინვესტიციო ნაკადის კლებას უკავშირდება. მაგალითად, აზერბაიჯანიდან ვარდნა 48%-ს, დიდი ბრიტანეთიდან - 17%-ს, ნიდერლანდებიდან - 52%-ს, რუსეთიდან კი 29%-ს შეადგენს.

 

რამ განაპირობა ინვესტიციების კლება და რა პროგნოზები არსებობს?

 

ახალი ეკონომიკური სკოლისვიცე-პრეზიდენტი გია ჯანდიერი  ინვესტიციების მოცულობის ვარდნას ქვეყანაში მთავრობის  მიერ გატარებულ არასწორ ეკონომიკურ პოლიტიკას უკავშირებს. მისი განმარტებით, ბოლო პერიოდში  საქართველო დაადგა ძალიან სერიოზული მასშტაბის რეგულირებების  ზრდის გზას, რაც საქართველოსნაირ სუსტი ეკონომიკის მქონე ქვეყანას არაფერში გამოადგება.

 

„ამაზე  არაერთხელ  მისაუბრია, თუმცა, მოსმენა არავის უნდა. არც გიორგი კვირიკაშვილს უნდოდა, არც მის წინამორბედს, ახლაც ისე საუბრობენ, თითქოს რეგულირებებია ის, რაც საქართველოს გადაარჩენს. ისეთ პატარა ქვეყანას, როგორიც საქართველოა, ასეთი რეგულირებები ძალიან ძვირი უჯდება.


მაგალითისთვის, ავტომობილების  ტექდათვალიერება, ეს ხომ წყალში გადაყრილი ფულია? ადამიანს თუ თავისი უსაფრთხოება  არ აინტერესებს, 60 ლარად ამას ხომ  ვერ შეიძენენ? ეს  200 მილიონი, რომელიც ამ საქმისთვის იხარჯება, წყალში გადაყრილი ფულია. ბევრი ასეთი მაგალითის მოყვანა შეიძლება და მილიარდებს მიაღწევს ის ციფრი, თუ რა უჯდება საქართველოს მსგავსი არაწორი რეგულაციები,“  აღნიშნავს ჯანდიერი.


 

მისივე განმარტებით, სწორედ მსგავსი არასწორი ეკონომიკური პოლიტიკა აფერხებს ქვეყანაში ინვესტიციების შემოსვლას. ინვესტორებს აქ აინტერესებთ ღია, გამჭირვალე, მარტივი პროცესი.  სხვა შემთხვევაში კი წავლენ იქ, სადაც ეს ყველაფერი დარეგულირებულია.


 „მაგალითად, რატომ უნდა წამოვიდნენ საქართველოში და არა ბულგარეთში, რომელიც ზუსტად ისეთივე ქვეყანაა თავისი მსოფლმხედველობით, როგორიც საქართველო. ევროკავშირის  და ნატოს წევრია, უსაფრთხოება აქვს, საზღვრები ღია აქვს ევროკავშირთან, ღია ბაზარია, რატომ წამოვლენ აქ და არა ბულგარეთში? “ აცხადებს ჯანდიერი.

 

მისივე განცხადებით, დღემდე გადაუჭრელ პრობლემად რჩება  სასამართლო სექტორი და პრობლემები ბიზნესდავების  განხილვის კუთხით. როგორც ჯანდიერი აცხადებს, ინვესტორისთვის ამ ფაქტორსაც საკმაოდ გადამწყვეტი მნიშვნელობა აქვს.

 

„შრომის ინსპექციას მიეცა განუსაზღვრელი ფუნქცია. მას შეუძლია შევიდეს კონკრეტულ კომპანიაში, ანონიმური წერილის საფუძველზე  და საქმიანობა შეაჩეროს. ამას რომ მოისმენს ინვესტორი, საქართველოში წამოვა? წავა იმ ქვეყანაში, სადაც სასამართლოს იმედი მაინც აქვს, სადაც არბიტრაჟებია.  სასამართლოსთან ერთად ძალიან მნიშვნელოვანია რეგულირების დანახარჯები. როდესაც ინვესტორმა იცის, რომ ეს რეგულირებები შემდეგ სადაო გაუხდება და მიხვდება, რომ აქ ბიზნესის კეთება იგივე ჯდება,  რაც სხვაგან, ზღაპრები იმის შესახებ, რომ ეკონომიკა აქ 4 %-ით იზრდება, არავის დააინტერესებს,“ -აცხადებს ჯანდიერი.

 

სტატისტიკის თანახმად, ქვეყანაში შემოსული პირდაპირი უცხოური ინვესტიციები ეკონომიკის დარგებზე ასე გადანაწილდა:

 

სამი უმსხვილესი სექტორის წილმა 2018 წელს 52.3 პროცენტი შეადგინა. ყველაზე დიდი მოცულობის პირდაპირი უცხოური ინვესტიცია საფინანსო სექტორში განხორციელდა და 277.9 მლნ აშშ დოლარი შეადგინა, რაც მთლიანი პირდაპირი უცხოური ინვესტიციების 22.5 პროცენტია. მეორე ადგილზეა ტრანსპორტის სექტორი 209.9 მლნ აშშ დოლარით, ხოლო მესამეზე - ენერგეტიკის სექტორი 157.2 მლნ აშშ დოლარით.


წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2018 წლის IV კვარტალში 197.1 მლნ აშშ დოლარი შეადგინა, რაც 2017 წლის IV კვარტალის დაზუსტებულ მონაცემებზე 62.3 პროცენტით ნაკლებია. საქსტატში  შემცირების გამომწვევ ძირითად მიზეზებს შორის  მაგისტრალური გაზსადენის მშენებლობის პროექტის დასრულებას  და არარეზიდენტი პირდაპირი ინვესტორის მიმართ ვალდებულებების შემცირებას ასახელებენ (სასესხო დავალიანების დაფარვა).


სოფო ქსოვრელი 

 





Bloomberg-ზე 1 დოლარი 3.2906 ლარად ივაჭრება, ბანკებში კი 1 დოლარი 3.3700 ლარი ღირს

Bloomberg-ზე 1 დოლარი 3.2906 ლარად ივაჭრება, ბანკებში კი 1 დოლარი 3.3700 ლარი ღირს
access_time2020-03-30 12:30:43
Bloomberg-ის სავაჭრო სისტემაში დილიდან ვაჭრობა $1/3.2875-ით დაიწყო, 12:30 საათისთვის 1 დოლარი 3.2906-ის ნიშნულზეა. ეროვნული ბანკის მიერ გამოქვეყნებული მონაცემების თანახმად, 27 მარტის ვაჭრობის შედეგად აშშ დოლარის ღირებულებამ 3.2896 ლარი შეადგინა.   შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.3200 ლარადაა შესაძლებელი, ხოლო მისი გაყიდვა - 3.2400 ლარად. „საქართველოს ბანკში“ 1 დოლარის ყიდვა 3.3700 ლარადაა შესაძლებელი,...

Handelsblatt: შიდა კარანტინი არაა საკმარისი ვირუსთან გასამკლავებლად

Handelsblatt: შიდა კარანტინი არაა საკმარისი ვირუსთან გასამკლავებლად
access_time2020-03-29 20:00:11
  შიდა კარანტინი არაა საკმარისი კორონავირუსთან გამკლავებისთვის - მიიჩნევს ჰარვარდი უნივერსიტეტის ბიოსტატისტიკის პროფესორი სიუნ ლინი.   მისი თქმით,იმისთვის რომ პირველ ეტაპზე ინფიცირების ინტენსიურობა შემცირდეს, საჭიროა გაცილებით უფრო მკაცრი ქმედებები, ვიდრე უბრალოდ ადამიანების გამოკეტვა სახლებში - ამ დასკვნამდე მივიდა მეცნიერთა ჯგუფი ლინის ხელმძღვანელობით, იმის შემდეგ, რაც შეისწავლა კორონავირუსით დაავადებულ 26 000 პაციენტთა...

„ეროვნული ბანკის ფულად-საკრედიტო პოლიტიკა მიმართულია ფინანსური დესტაბილიზაციისკენ“ - თემურ ბასილია ლარის გაუფასურების მიზეზებზე

„ეროვნული ბანკის ფულად-საკრედიტო პოლიტიკა მიმართულია ფინანსური დესტაბილიზაციისკენ“ - თემურ ბასილია ლარის გაუფასურების მიზეზებზე
access_time2020-03-29 18:30:38
პრობლემა არის ფუნდამენტალური - ეს გახლავთ ეროვნული ბანკის ფულად-საკრედიტო პოლიტიკა, რომელიც მიმართულია ფინანსური დესტაბილიზაციისკენ. ეს პოლიტიკა შესაცვლელია - ასე ეხმაურება სოციალურ ქსელში ფინანსისტი თემურ ბასილია ლარის ბოლოდროინდელ გაუფასურებას და ეროვნული ბანკის...

იტალია - კოლაფსის ზღვარზე

იტალია - კოლაფსის ზღვარზე
access_time2020-03-29 17:00:03
  22 მარტს იტალიის ხელისუფლებამ შემოიღო საგანგებო ეკონომიკური მდგომარეობა - დაიხურა ყველა საწარმო, დაწესებულება, და ორგანიზაცია სასიცოცხლოდ მნიშვნელოვანის გარდა. აგრძელებენ მუშაობას მხოლოდ მაღაზიები, აფთიაქები, ბანკები, საზოგადოებრივი ტრანსპორტი, მიტანის სამსახურები, და პირველადი აუცილებლობის პროდუქციის მწარმოებელი ქარხნები.   1 თვის მანძილზე იტალია გადაიქცა აყვავებული ნახევარკუნძულიდან მთლიანად ჩაკეტილ ქვეყანად, კოლაფსის მდგომარეობასთან მიახლოებული...

Der Spiegel: რუსეთი იგებს პიარ-ომს კორონავირუსთან ბრძოლაში

Der Spiegel: რუსეთი იგებს პიარ-ომს კორონავირუსთან ბრძოლაში
access_time2020-03-29 15:00:11
კორონავირუსის წინააღდეგ ბრძოლაში ევროპული სოლიდარობა თითქმის არ ჩანს და ამ ნიშას სწრაფად ავსებენ რუსეთი და ჩინეთი -  ყველაფერთან ერთად ისინი იღებენ ამით დიდ პროპაგანდისტულ სარგებელს. ათობით ათასი დაინფიცირებული, ათასობით გარდაცვლილია, შოკისმომგვრელი ციფრები, რომლებიც ყოველდღიურად იზრდება, კოლაფსის მდგომარეობაში მყოფი ჯანდაცვის სისტემა - ეს არის დღევანდელი იტალია, რომელსაც შექმნილ ვითარებაში გამოადგება ნებისმიერი დახმარება. და ის მას იღებს - რუსეთისგან  - 9...


მსგავსი სიახლეები

up