პრეზიდენტის ეკონომიკური მრჩეველი: დეპოზიტების დაზღვევის სისტემა ბანკებს ხარჯებს გაუზრდის

პრეზიდენტის ეკონომიკური მრჩეველი: დეპოზიტების დაზღვევის სისტემა ბანკებს ხარჯებს გაუზრდის

person access_time2016-04-11 10:30:26

საქართველოსა და ევროკავშირს შორის გაფორმებული ასოცირების ხელშეკრულება საქართველოში დეპოზიტების დაზღვევის სისტემის ამოქმედებას 2020 წლიდან ითვალისწინებს. რეფორმის აუცილებლობასა და მის მნიშვნელობაზე წლებია მიმდინარეობს საუბარი, თუმცა, აქამდე სისტემა ამოქმედებული არ არის.


ფინანსთა სამინისტროს მიერ „კომერსანტისთვის“ მიწოდებული ინფორმაციის თანახმად, „დეპოზიტების დაზღვევის“ შესახებ კანონპროექტი უკვე შემუშავებულია და მისი განხილვა დაინტერესებულ მხარეებთან მიმდინარეობს.  კანონპროექტი პარლამენტში ივნისში უნდა შევიდეს, თუმცა, მისი მიღება საგაზაფხულო სესიაზე სავარაუდოდ ვერ მოესწრება.


დეპოზიტების დაზღვევის სისტემის მოდელი, რომელზეც მუშაობა მიმდინარეობს, გულისხმობს, რომ დაზღვევა კომერციული ბანკებისთვის სავალდებულო უნდა იყოს.


უნდა იყვნენ თუ არა ჩართული სისტემაში კომერციული ბანკების გარდა სხვა საფინანსო კომპანიები, რომლებიც მომხმარებლებს მსგავს მომსახურებას სთავაზობენ? რა დადებითი და უარყოფითი ეფექტის მოტანა შეუძლია დეპოზიტების დაზღვევას და რატომ ვერ ამოქმედდა ის წლების განმავლობაში?


საქართველოს პრეზიდენტის ეკონომიკური მრჩევლის მაია მელიქის განცხადებით, დეპოზიტების დაზღვევის სისტემა კომერციულ ბანკებს ხარჯებს გაუზრდის. როგორც მან „კომერსანტს“ განუცხადა, რამდენით გაიზრდება ეს ხარჯები, ამის თქმა ჯერჯერობით რთულია, რადგანაც ეს სხვადასხვა ფაქტორებზეა დამოკიდებული. ამ და სხვა საკითხებზე საუბარს პრეზიდენტის მრჩეველი მომავალ კვირაში რეფორმის შემუშავებაში ჩართულ მხარეებთან გეგმავს.


მისივე განცხადებით, მცირე ბანკები ცალსახად თვლიან, რომ სისტემის შემოღება სწორია, რაც შეეხება მსხვილ ბანკებს, მათ მოსაზრებას პრეზიდენტის მრჩეველი უახლოეს დღეებში მოისმენს.


პრეზიდენტის მრჩევლის განცხადებით, რომელიმე ბანკის გაკოტრების შანსი დღეს მინიმალურია, რადგანაც ამ ყველაფერს ეროვნული ბანკი აკონტროლებს, თუმცა, სისტემის შემოღების შემდეგ დეპოზიტარები გაცილებით უსაფრთხოდ იგრძნობენ თავს.


რაც შეეხება შეკითხვას, უნდა გავრცელდეს თუ არა სისტემა მიკროსაფინანსო ორგანიზაციებზე, რომლებსაც დეპოზიტების მიღების უფლება არ აქვთ, თუმცა, მომხმარებელს მსგავსი შინაარსის მქოდე თამასუქების განთავსებას სთავაზობენ, მაია მელიქიძე აცხადებს, რომ ეს საკითხიც განხილვის თემას წარმოადგენს.

 

„მიკროსაფინანსოებს არ აქვთ დეპოზიტების მიღების უფლება, თუმცა, რამდენიმე მიკროსაფინანსოს ეს მომხმარებლისთვის შეთავაზებული აქვს სახეცვლილი ფორმით. იქიდან გამომდინარე, რომ ზოგადად ეს კანონი მიუთითებს დეპოზიტების დაზღვევაზე და არა თამასუქების დაზღვევაზე, ეს საკითხიც არის განხილვის თემა. ამ საკითხსაც წამოვჭრი შეხვედრაზე, რომელიც მიმდინარე კვირაში გაიმართება“,- აცხადებს მაია მელიქიძე.


რატომ არ შემუშავდა დეპოზიტების დაზღვევის სისტემა საქართველოში წლების განმავლობაში, როდესაც ეს მსოფლიოში მიღებულ პრაქტიკას წარმოადგენს, პრეზიდენტის მრჩეველი აცხადებს, რომ ამ დრომდე საბანკო სექტორი არ იყო მზად ამ მასშტაბის ვალდებულებები საკუთარ თავზე აეღო.


„წლების განმავლობაში საბანკო სექტორი ფორმირების პროცესში იყო. კომერციულმა ბანკებმა საქმიანობა დაიწყეს 1991 წლიდან და დრო დასჭირდა მათ პოზიციონირებას, დახვეწას, ფორმირებას. საბანკო სექტორი არ იყო მზად ამხელა ვალდებულების საკუთარ თავზე ასაღებად“,- აცხადებს მაია მელიქიძე.


პირველი საკრედიტო კავშირის ხელმძღვანელი გივი კორინთელისთვის კი ძნელია ახსნა, თუ რატომ არ შემუშავდა დეპოზიტების დაზღვევის მოდელი ამ დრომდე. მისი თქმით, რეფორმა ერთი რომელიმე უწყების განსახორციელებელი არ არის და ის რამდენიმე სახელმწიფო სტრუქტურის ძალიან დიდ და შრომატევად სამუშაოს გულისხმობს.


რაც შეეხება შეკითხვას, უნდა იყვნენ თუ არა სისტემაში ჩართული თამასუქის გამცემი ორგანიზაციები, გივი კორინთელი პასუხობს, რომ დაზღვევის სისტემაში ჩართული უნდა იყოს ყველა ის საფინანსო ინსტიტუტი, რომელიც აკმაყოფილებს  საბანკო წარმოების  საერთაშრისო სტანდარტებს და კორპორატიულ ნორმებს.


„მომხრე ვიქნებოდი, რომ ყველა იყოს თანაბარ პირობებში და მათაც მიიღონ მონაწილეობა დაზღვევის სქემაში. ეს ჩამოაყალიბებს მეორადი  ფინანსური ბაზრის ცნებას და გააძლიერებს მას. უნდა არსებობდეს ფულის მულტიპლიკატორი და კომერციული ბანკი არ უნდა იყოს ერთადერთი წყარო სესხის ასაღებად. უნდა გაიზარდოს იმ მონაწილეების წილი ბაზარზე, რომლებიც არ წარმომადგენენ კომერციულ ბანკებს, მაგრამ აქვთ მდგრადი ფინანსური მონაცემები და კორპორატიული პროცედურები“,- აცხადებს გივი კორინთელი.


მისივე თქმით, დეპოზიტების დაზღვევის სისტემის ამოქმედება ბაზარზე მცირე და მსხვილ ბანკებს შორის კონკურენციას გაზრდის და ეს დადებითად აისახება ქვეყნის ეკონომიკაზე.


„ეს იქნება დიდი წინგადადგმული ნაბიჯი, ეს ერთი-ორად გაზრდის ნდობას არამარტო წამყვანი კომერციული ბანკების მიმართ, არამედ ბაზრის ყველა მონაწილე სუბიექტისთვის, რომლებიც აკმაყოფილებენ სტანდარტს, მაგრამ არ აქვთ დიდი რესურსი. მათ ეს დაზღვევა თანაბარ პირობებში აყენებს დიდ ბანკებთან და ზრდის კონკურენციას“,- აცხადებს გივი კორინთელი.

 




„თიბისი აღარ იქნება ისეთი, როგორიც იყო 2020 წლის თებერვალში“ -ვახტანგ ბუცხრიკიძე

„თიბისი აღარ იქნება ისეთი, როგორიც იყო 2020 წლის თებერვალში“ -ვახტანგ ბუცხრიკიძე
access_time2020-06-04 21:45:33
“თიბისი აღარ იქნება ისეთი, როგორიც 2020 წლის თებერვალში იყო”, – თიბისის გენერალურმა დირექტორმა ბანკის გარდაუვალ ტრანსფორმაციაზე მედიასთან ხუთშაბათის ონლაინ შეხვედრაზე განაცხადა. ვახტანგ ბუცხრიკიძის თქმით, სწორება უმსხვილეს ტექნოლოგიურ კომპანიებთან (ამაზონი, გუგლის) კეთდება. “ბანკი კი ვართ, მაგრამ ამავდროულად ტექნოლოგიური კომპანია ვართ.” ჯგუფი 2 კვირაში სტრუქტურული მოწყობის უფრო დეტალურ ხედვას წარმოადგენს, რისთვისაც 1500-ზე მეტი თანამშრომლის...

4 ივნისი - ქართული ლარი 6 თეთრით გამყარდა, თურქული ლირა და სომხური დრამი გაუფასურდა

4 ივნისი - ქართული ლარი 6 თეთრით გამყარდა, თურქული ლირა და სომხური დრამი გაუფასურდა
access_time2020-06-04 19:00:57
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 4 ივნისის ვაჭრობის შედეგად, ქართული ლარის კურსი 6 თეთრით გამყარდა და ერთი...

დღის Top-10 საინტერესო ამბავი

დღის Top-10 საინტერესო ამბავი
access_time2020-06-04 21:30:57
დღის Top-10 საინტერესო ამბავი 1.წყალტუბოს მასშტაბური განვითარება იდეის დაანონსებიდან მე-7 თვესაც არ დაწყებულა სანატორიუმი „იმერეთი“, სანატორიუმი „თბილისი“, სანატორიუმი „გეოლოგი“, სანატორიუმი „რკინიგზელი“, სანატორიუმი „მედეა“, ჯამში სახელმწიფოს...

საქართველოში უკიდურესი სიღარიბე მოსახლეობის ყველა კატეგორიაში გაიზარდა

საქართველოში უკიდურესი სიღარიბე მოსახლეობის ყველა კატეგორიაში გაიზარდა
access_time2020-06-04 17:20:31
„2012 წლის შემდეგ, საქართველოში სიღარიბე 10.5 პროცენტული პუნქტით შემცირდა“ - ამის შესახებ პრემიერ-მინისტრმა გიორგი გახარიამ განაცხადა. საქსტატის მონაცემებით, 2013-2019 წლებში აბსოლუტური სიღარიბის ზღვარს მიღმა მყოფი მოსახლეობის წილი 30%-დან 19.5%-მდე შემცირდა. პრემიერი სიღარიბის მხრივ ქვეყანაში არსებულ ტენდენციას, ყურადღების მიღმა ტოვებს. ქვეყანაში სიღარიბის შემცირების ტენდენცია 2011 წელს დაიწყო და 2015 წლის ჩათვლით გაგრძელდა. 2016-2017 წლებში ქვეყანაში...

ეს ფარსი უნდა დამთავრდეს-„ფრონტერა“ გიორგი გახარიას ღია წერილის უგზავნის

ეს ფარსი უნდა დამთავრდეს-„ფრონტერა“ გიორგი გახარიას ღია წერილის უგზავნის
access_time2020-06-04 16:25:04
კომპანია „ფრონტერა“ პრემიერ-მინისტრ გიორგი გახარიას ღიას წერილს უგზავნის, რომელსაც „კომერსანტი“ უცვლელად გთავაზობთ: „ ძვირფასო პრემიერ მინისტრო გახარია, პატივისცემით გწერთ, რათა გაუწყოთ, რომ სხვა ამერიკული კომპანიების მსგავსად ჩვენც ვართ მომსწრენი იმისა თუ როგორ გაუარესდა ქვეყანაში საინვესტიციო და ბიზნეს გარემო, რომელიც არ სცნობს კანონის უზენაესობას და იყენებს სასამართლოს როგორც იარაღს, უპირატესობას ანიჭებს სახელმწიფოს მიტაცებას ნაცვლად ამერიკულ ინვესტიციებთან პარტნიორობისა. 2013 წლიდან...


მსგავსი სიახლეები

up