პრეზიდენტი ქურქში

პრეზიდენტი ქურქში

access_time2019-03-23 18:00:18

არა, არ ვარ ვეგეტარიანელი. თუმცა ხორცი არ მიყვარს და ხორციან კერძებს მხოლოდ უკიდურეს შემთხვევაში გეახლებით ხოლმე. ყველა იმ ადამიანისაც მესმის, ვისაც ცხოველის ხორცის გარეშე ცხოვრება ვერ წარმოუდგენია, ვისაც „ბალახი“ არ აკმაყოფილებს. მაგრამ არ მესმის, რატომ შეიძლება განიჭებდეს სიამოვნებას ცხოველების ატრაქციონები ცირკში, რატომ შეიძლება მოგწონდეს დაკვირვება, თუ როგორ იქცევა ცხოველი გალიაში და რაც მთავარია, თუკი სადღაც, ალასკაზე არ ცხოვრობ, როგორ არ უნდა გრცხვენოდეს, დიახ, გრცხვენოდეს... მკვდარი ცხოველის შემოცმა და ასე, საქვეყნოდ, სახალხოდ ქურქში სიარული. მით უმეტეს, როცა ქვეყნის პრეზიდენტი ხარ!

დიახ, მარია კალასსაც უყვარდა ქურქი. მგონი, ჯენის ჯოპლინიც მყავს ქურქში ნანახი. არ გამოვრიცხავ, რომ მოსწონდათ ძვირფას ბეწვში გახვევა, იმასაც არ გამოვრიცხავ, რომ თვითდამკვიდრების გარკვეული საშუალება იყო ეს ქურქი. მაგრამ ის ზუსტად ვიცი, რომ კალასს და კიდევ ბევრ კარგ ქალს (კაცსაც, ალბათ) არასდროს უფიქრია როგორ მზადდება ეს ქურქები, როგორი სისასტიკე ახლავს თან ქურქის წარმოებას, რამდენი სისხლი იღვრება იმისთვის, რომ ადამიანმა ბეწვი შემოიხვიოს. თანაც არა იმდენად იმისთვის, რომ გათბეს, არამედ მხოლოდ და მხოლოდ იმისთვის, რომ დამკვიდრდეს, უფრო სწორად თავისი ძალაუფლება გვიჩვენოს.

კალასის შემდეგ ბევრი რამე გავიგეთ და გავიაზრეთ ადამიანებმა. ცხოველთა უფლებების დამცველებიც გააქტიურდნენ. ცხოველთა უფლებების ის დამცველები, რომლებიც ირონიულად მოიხსენია ამას წინათ სალომე ზურაბიშვილმა, ინგა გრიგოლიას გადაცემაში.

შონ მონსონის ფილმი „დედამიწელები“ (2006), პირველ რიგში ჩვენს პრეზიდენტს მინდა შევთავაზო. მას ჯიუტი და ხისტი ქალის სახელი აქვს, მაგრამ დარწმუნებული ვარ, რომ მაინც იმოქმედებს მასზე და იმ რაღაც ქურქს, ლიეტუვაში რომ ეცვა, თავად მოუღებს ბოლოს (ლიეტუვა რომ „ცივი ქვეყანაა“, რატომღაც არ გაითვალისწინა... ლიეტუვის პრეზიდენტმა, რომელიც ბეწვებში, მოგეხსენებათ, ვერ ვიხილეთ). ქურქი კი არა, ხალხი ვიცი, ვინც ამ სურათმა ვეგეტარიანელი გახადა. ძლიერი ემოციური ეფექტი, რომელიც ფილმს ახლავს, მაყურებლის ეთიკური პოზიციის „კონსტრუირებას“ უწყობს ხელს. მერე რა, რომ ხოაკინ ფენიქსის ხმა კადრს მიღმა, თითქმის დემონსტრაციულად ნეიტრალურია? მერე რა, რომ ფილმში არ საუბრობენ სპეციალისტები, ცხოველთა უფლებების დამცველები, აქტივისტები. ეფექტი მაინც ძალიან ძლიერია, რადგან „დედამიწელები“ გვიჩვენებს ტკივილს. არა იმდენად ცოცხალი არსების წამებას, რამდენადაც ტკივილს! ჰოდა, ვის არ განგვიცდია ტკივილი. ფიზიკური ტკივილი! ყველამ ვიცით, რა არის ეს. ცხადია, იცის საქართველოს პრეზიდენტმაც.

პრეზიდენტი სტუდიებში არ დადისო, ბრძანა სალომე ზურაბიშვილმა. მის ამ ნათქვამს „შუბის“ კონტექსტში თუ განვიხილავთ, საერთოდ კატასტროფას მივიღებთ. მე პირადად აქ ინგა გრიგოლიას „უზრდელობამ“ კი არ გამაკვირვა და აღმაშფოთა, არამედ იმან, თუ როგორ შეიკავა ჟურნალისტმა თავი. რადგან ქურქში გახვეულ პრეზიდენტს თუ გავიხსენებთ, ამ ფრაზას - „პრეზიდენტი სტუდიებში არ დადის“, სულ სხვა მნიშვნელობას მივანიჭებთ - გამოდის, რომ საქართველოს პრეზიდენტს ეს „შუბა“ სწორედაც რომ ძალაუფლების დემონსტრირებისთვის ეცვა. თუკი პრეზიდენტი სტუდიაში არ დადის, „იმიტომ რომ პრეზიდენტია“, პრეზიდენტი უფრო მდიდრულად იცვამს კიდეც, გამორჩეულად, თავისი „დომინანტურობის“ ხაზგასასმელად. მერე რა, რომ იგი ღარიბი ქვეყნის პრეზიდენტია. იმ ქვეყნისა, რომელიც რამდენი წელია უკვე (საუკუნეც?) სხვის კმაყოფაზე ცხოვრობს. შინაურულად რომ ვთქვათ, „მათხოვრობს“... ჰოდა, კიდევ კარგი, ლიეტუველების ჭირიმე, ჩემს პრეზიდენტს ცხოველთა უფლებების დამცველებმა კვერცხები არ დაუშინეს, როგორც არაერთ ქვეყანაში გაუკეთებიათ. ძალიან შემრცხვებოდა!

საკუთარი ცოდვები მეყოფა. ახლა კიდევ პრეზიდენტის გამო რატომ უნდა შემრცხვეს, არ ვიცი. ანახეთ, ანახეთ, თუ შეიძლება, „დედამიწელები“ ქალბატონ სალომე ზურაბიშვილს.


გიორგი გვახარია

რადიო „თავისუფლება“




StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა

StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა
access_time2020-04-09 00:50:17
StopCoV ფონდში ჩარიცხული თანხის მაჩვენებელი 124 543 899 ლარამდე გაიზარდა. მონაცემები საქართველოს მთავრობის...

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ
access_time2020-04-08 21:20:49
ივანე ჯავახიშვილის სახელობის თბილისის სახელმწიფო უნივერსიტეტის  3 სტუდენტი კომპანია „გრანთ თორნთონის“ სტიპენდიანტი გახდა.  ეკონომიკისა და ბიზნესის ფაკულტეტის სტუდენტები თამარ ათოშვილი, ანა ბუხრაშვილი და ელენე ცეცხლაძე სპეციალურ სტიპენდიას 2019-2020 სასწავლო წლის გაზაფხულის სემესტრში მიიღებენ.   როგორც „გრანთ თორნთონის“ მმართველმა პარტიორმა ვახტანგ ცაბაძემ განაცხადა,  კომერციული სექტორის ჩართულობა და სტიპენდიების დაწესება სახელმწიფო უნივერსიტეტებში,...

ლიბერთი ბანკის მმართველ გუნდში ცვლილებებია

ლიბერთი ბანკის მმართველ გუნდში ცვლილებებია
access_time2020-04-08 19:50:52
თბილისი, 8 აპრილი, 2020 - დღეს, ლიბერთი ბანკის მმართველ გუნდს, გენერალური დირექტორის მოადგილის, ფინანსური დირექტორის პოზიციაზე, დავით წიკლაური შეუერთდა. დღემდე, ამ პოზიციას ლევან ლეკიშვილი იკავებდა.   დავით წიკლაურს საბანკო სექტორში მუშაობის მრავალწლიანი გამოცდილება აქვს, როგორც საქართველოში ასევე საქართველოს საზღვრებს გარეთ. მას არაერთი პოზიცია ეკავა ქვეყნის წამყვან ბანკებში თიბისი ბანკის გენერალური დირექტორის მოადგილის, კორპორაციული საბანკო საქმიანობის მიმართულებით...

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ
access_time2020-04-08 20:00:05
კორონავირუსის პანდემიამ რესტორნების ბიზნესს უმძიმესი დარტყმა მიაყენა. ყველაზე მაღალშემოსავლიანი დაწესებულებები უპრეცედენტო ვარდნის წინაშე აღმოჩნდენ, რამაც თანამშრომლების შემცირება გამოიწვია. გადარჩენის ინსტიქტმა რესტორნები აიძულა შემოსავლის ტემპის შესანარჩუნებლად ახალი გზები მოეძებნათ. ზოგი პროდუქტების მაღაზიად იქცა და ზოგი ფერმერების დახლის ფუნქციას ითავსებს,  სადაც მომხმარებელს ახალ პროდუქტის შეძენა და მისი სახლში მომზადება...

8 აპრილი - ქართული ლარი, თურქული ლირა და სომხური დრამი გაუფასურდა

8 აპრილი - ქართული ლარი, თურქული ლირა და სომხური დრამი გაუფასურდა
access_time2020-04-08 19:00:07
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება. ეროვნული ბანკის მიერ გამოქვეყნებული 8 აპრილის ვაჭრობის შედეგად, ქართული ლარის კურსი მცირედით...


მსგავსი სიახლეები

up