პრემიერ–მინისტრმა იტალიის დელეგაციას ოფიციალურ ვახშამზე უმასპინძლა

პრემიერ–მინისტრმა იტალიის დელეგაციას ოფიციალურ ვახშამზე უმასპინძლა

access_time2017-10-04 08:00:00

"საქართველოს ჰყავს პასუხისმგებლიანი მთავრობა და საქართველო არის სტაბილური ქვეყანა", - ამ სიტყვებით მიმართა საქართველოს პრემიერ-მინისტრმა გიორგი კვირიკაშვილმა იტალიის ეკონომიკის მინისტრის მოადგილე ივან სკალფაროტოსა და იტალიის ბიზნესწრეების წარმომადგენლებს, რომლებსაც ოფიციალურ ვახშამზე უმასპინძლა. 

 

გიორგი კვირიკაშვილის განცხადებით, საქართველოს აქვს წარმატების ისტორია, რომლის გაზიარებაც შეუძლია მეგობარი იტალიისთვის, რომელიც, დამოუკიდებლობის აღდგენის დღიდან, საქართველოს სუვერენიტეტის, დამოუკიდებლობის, ტერიტორიული მთლიანობისა და საგარეო-პოლიტიკური მისწრაფებების ერთ-ერთი უდიდესი მხარდამჭერია. 

 

მთავრობის მეთაურმა იტალიის ეკონომიკის მინისტრის მოადგილეს და 40-მდე უმსხვილესი იტალიური კომპანიის წარმომადგენლებს ვიზიტისთვის მადლობა გადაუხადა გააცნო ცვლილებები, რომლებიც ბოლო წლების განმავლობაში ქვეყანაში სხვადასხვა მიმართულებით განხორციელდა. გიორგი კვირიკაშვილმა ისაუბრა ქვეყანაში არსებულ "შესანიშნავ საინვესტიციო გარემოსა და შთამბეჭდავ წარამატებებზე", რომლებიც საერთაშორისო რეიტინგებშიც აისახა.

 

მისი თქმით, საქართველო არის გასასვლელი ჯამურად 2 მილიარდზე მეტი მომხმარებლის ბაზარზე, რამდენადაც აქვს თავისუფალი სავაჭრო შეთანხმებები ევროკავშირთან და მეზობელ ქვეყნებთან, სულ ახლახან კი საქართველოს თავისუფალი სავაჭრო პარტნიორი ჩინეთი გახდა.

 

მთავრობის მეთაურმა იტალიური ბიზნესწრეების წარმომადგენლებს ასევე დეტალურად გააცნო ოთხპუნქტიანი რეფორმების გეგმა, რომელიც განათლების სისტემის, ეკონომიკურ რეფორმებს, მმართველობის რეფორმას და სივრცითი მოწყობის მიმართულებას მოიცავს და 3-4 წლის პერსპექტივაში ქვეყნის ძირითადი მაჩვენებლების ხარისხობრივ ცვლილებას ემსახურება.

 

პრემიერის თქმით, ყველა ნაბიჯი, რომელსაც ხელისუფლება დგამს, საქართველოს განვითარებასთან დაკავშირებით მთავრობის ერთიანი ხედვის ნაწილია. გიორგი კვირიკაშვილმა, საუბრისას, ყურადღება გაამახვილა საქართველოს შთამბეჭდავ წარმატებებზე საგარეო-პოლიტიკური მიმართულებით, ასევე ისაუბრა ევროკავშირსა და ნატო-სთან თანამშრომლობაზე. მისივე თქმით, საქართველოს მთავრობა უდიდეს მნიშვნელობას ანიჭებს ქვეყანაში სტაბილურობას, რაც ქვეყნის განვითარების გასაღებია. "სწორედ ამიტომ ავირჩიეთ ჩვენ უფრო კონსტრუქციული მიდგომა რუსეთთან მიმართებაში. ოკუპაცია რჩება საქართველოს მთავარ გამოწვევად. ტერიტორიული მთლიანობა ჩვენი მთავრობის დღის წესრიგის ყველაზე მნიშვნელოვანი საკითხია. სამწუხაროდ ჩვენ, ჩვენს ტერიტორიაზე, საკუთარ რეგიონებზე გავლით საზღვრების აღმართვის მომსწრენი ვართ. მაგრამ გვჯერა, რომ ჩვენი ძალიან კონსტრუქციული, ძალიან თანმიმდევრული მიდგომითა და სტრატეგიული პარტნიორების დახმარებითა და ჩართულობით, მშვიდობიანი გზით გავაერთიანებთ ჩვენს ქვეყანას. სტაბილურობა ასევე მნიშვნელოვანია ინვესტიციებისთვის. ჩვენმა პარტნიორებმა უნდა იცოდნენ, რომ საქართველოს ჰყავს პასუხისმგებლობიანი მთავრობა და რომ საქართველო არის სტაბილური ქვეყანა. მიუხედავად ჩვენი გამოწვევებისა, ჩვენ ვაფასებთ იმ სტაბილურობას, რომელსაც მივაღწიეთ და გვესმის ქვეყნის განვითარებისთვის ამ სტაბილურობის მნიშვნელობა. ასე, რომ მივესალმებით თქვენს ჩამოსვლას საქართველოში და ორმხრივი კავშირების გაღრმავებას იტალიასთან", - განაცხადა საქართველოს პრემიერ-მინისტრმა. 

 

იტალიის ეკონომიკის მინისტრის მოადგილემ საქართველოს პრემიერ-მინისტრს მასპინძლობისთვის მადლობა გადაუხადა და იმედი გამოთქვა, რომ მისი და იტალიური ბიზნესკომპანიების წარმომადგენლების ვიზიტი საქართველოში წარმატების ახალი ისტორიის შექმნის საფუძველი გახდება. "მოხარული ვარ, რომ საქართველო ყველა მიმართულებით ვითარდება - ეს არის ძალიან მიმზიდველი ეკონომიკური ცენტრი და დემოკრატიისა და სტაბილურობის კუნძული, ამ ტურბულენტურ გარემოსა და სტრატეგიული მნიშვნელობის რეგიონში - აღმოსავლეთისა და დასავლეთის გზაგასაყარზე", - განაცხადა ივან სკალფაროტომ. ოფიციალურ ვახშამს საქართველოს მთავრობის წევრები, 40-მდე უმსხვილესი იტალიური კომპანიისა და საქართველოს ბიზნესწრეების წარმომადგენლები დაესწრნენ.

 

 

 



საქართველოს საფეხბურთო ჩემპიონატი 25 ივნისს განახლდება

საქართველოს საფეხბურთო ჩემპიონატი 25 ივნისს განახლდება
access_time2020-05-29 18:57:05
საქართველოს ფეხბურთის ფედერაციამ განცხადება გაავრცელა, რომლის თანახმად, ეროვნული ლიგის შეწყვეტილი გათამაშება 25 ივნისს განახლდება. ჩემპიონატი ორ წრედ ჩატარდება. „კრისტალბეთ ეროვნული ლიგის 2020 წლის სეზონი 25 ივნისს განახლდება. ჩემპიონატის განახლებამდე, მომდევნო კვირის განმავლობაში, ათივე გუნდის ფეხბურთელებს პირველადი ტესტირება ჩაუტარდებათ. სავარჯიშო პროცესი საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს რეკომენდაციების...

დღის Top-10 საინტერესო ამბავი

დღის Top-10 საინტერესო ამბავი
access_time2020-05-29 21:30:34
დღის Top-10 საინტერესო ამბავი 1.როცა ინფლაცია ასეთი მაღალია და ლარი გაცამტვერებული, როგორ ვიტყვით რომ ეროვნული ბანკი კრიზისს თავს ართმევს ლარის კურსი პანდემიის გავრცელებამდეც მაღალი მერყეობით ხასიათდებოდა, თუმცა COVID-19 -ის ეფექტმა უფრო მეტად შეასუსტა მისი პოზიციები. მარტის თვეში,...

ევროპაში აზერბაიჯანულ გაზს მოუთმენლად ელიან

ევროპაში აზერბაიჯანულ გაზს მოუთმენლად ელიან
access_time2020-05-29 20:00:03
ევროპელები რუსული გაზისადმი ინტერესს კარგავენ - თურქეთის გავლით გაზსადენი „სამხრეთ ნაკადიც“ წარსულს ჩაბარდა, „ჩრდილოეთ ნაკადი-2“-ც სავარაუდოდ მის ბედს გაიზიარებს.   პოლონეთმა რუსული გაზის ტრანზიტზე უარი განაცხადა, თავისი წვლილი კორონავირუსმაც შეიტანა. საბოლოოდ, „გაზპრომის“ მიწოდება ათობით პროცენტებით შემცირდა.   ევროპას გაზი მსოფლიოს სხვადასხვა წერტილიდან მიეწოდება, ფასი კი მინიმუმამდე დაეცა..   ფაქტია, რომ...

როგორ უნდა იმუშაონ 1 ივნისიდან რესტორნებმა და კაფე-ბარებმა?

როგორ უნდა იმუშაონ 1 ივნისიდან რესტორნებმა და კაფე-ბარებმა?
access_time2020-05-29 17:30:24
ჯანდაცვის სამინისტრომ საზოგადოებრივი კვების ობიექტებისთვის რეკომენდაციები დაამტკიცა. ამ რეკომენდაციების თანახმად, დახურული სივრცის მქონე საზოგადოებრივი კვების ობიექტებში მაგიდები ერთმანეთისგან მინიმუმ 2-მეტრიანი დაშორებით უნდა იდგეს და ამასთან, ერთ მაგიდასთან მაქსიმუმ 6 მომხმარებლის მოთავსებაა ნებადართული. გამონაკლისის სახით კი შესაძლებელია ოჯახის წევრებისა და 12-წლამდე მოზარდის ერთ...

გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა

გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა
access_time2020-05-29 14:54:22
2012 წლის შემდეგ საქართველოში სიღარიბე შემცირდა 10,5 პროცენტული პუნქტით, - ამის შესახებ საქართველოს პრემიერ-მინისტრმა გიორგი გახარიამ პარლამენტში განაცხადა, სადაც ინტერპელაციის წესით იმყოფება. მთავრობის მეთაურის თქმით, ყველას კარგად ესმის, რომ სიღარიბე ჩვენი ქვეყნის ეკონომიკის სტრუქტურული პრობლემაა ბოლო ათწლეულების განმავლობაში. „ეს არის ფაქტი და ამ ფაქტის გახსენება ყველაზე ნაკლებად გვჭირდება ჩვენ. აგიხსნით, რომ ბოლო წლების განმავლობაში,...


მსგავსი სიახლეები

up