პრემიერი აღიარებს, რომ საჯარო სტრუქტურებში სახელმწიფოებრივი აზროვნების დეფიციტია

პრემიერი აღიარებს, რომ საჯარო სტრუქტურებში სახელმწიფოებრივი აზროვნების დეფიციტია

person access_time2016-03-04 14:00:06

პრემიერი მთავრობის დღევანდელ სხდომაზე უმწვავეს თემას – საჯარო მოხელეებს შორის სახელმწიფოებრივი აზროვნების დეფიციტს შეეხო და მათ სახელმწიფო აზროვნებისკენ მოუწოდა.

 

"ვიყოთ მაგალითი სახელმწიფოებრივი აზროვნების!" – განაცხადა პრემიერმა და ამით აღიარა იმ პრობლემის სიმწვავე, რომლის დაძლევის აუცილებლობაზე ჯერ კიდევ მისი ორი წინამორბედი საუბრობდა, თუმცა, როგორც კვირიკაშვილის განცხადებიდან ჩანს, საჯარო მოხელეების აზროვნებაში გარდატეხის შეტანა ამ ოთხ წელიწადში ვერ მოხერხდა.


“მინდა მოვუწოდო ყველა საჯარო მოხელეს, ვიყოთ მაგალითი სახელმწიფოებრივი აზროვნების, ვაჩვენოთ მეტი თავმდაბლობა, განსაკუთრებით, როდესაც ვიმყოფებით საჯარო სივრცეში და მივცეთ მაგალითი ჩვენს თანამოქალაქეებს...


ჩვენ ვერ შევეგუებით იმ ფაქტს, რომ საჯარო მოხელეები საკუთარ თანამდებობას იყენებდნენ საკუთარი სურვილების დასაკმაყოფილებლად,“ – განაცხადა პრემიერმინისტრმა. 


იგი მიიჩნევს, რომ საჭიროა ქვეყანაში დამკვიდრდეს საჯარო მოხელის ქცევის ძალიან მაღალი სტანდარტი.


საჯარო მოხელეებს შორის და ზოგადად, მოქალაქეებში სახელმწიფოებრივი აზროვნების აუცილებლობაზე ჯერ კიდევ „ქართული ოცნების“ პირველი პრემიერი საუბრობდა. მას ამ მიმართულებით რადიკალური გარდატეხის მოხდენა სურდა.


“მოქალაქე ნიშნავს სახელმწიფოებრივად მოაზროვნე, სახელმწიფოებრივად ორგანიზებულ ინდივიდს, რომელსაც აქვს პასუხისმგებლობის განცდა, არა მარტო მათზე, ვისთანაც ცხოვრობს ან ვინც უყვარს, არამედ ყველა თანამოქალაქეზე, ვისაც საერთოდ არ იცნობს ან სულაც არ მოსწონს”, – განაცხადა ბიძინა ივანიშვილმა ორი წლის წინ, საზოგადოება „მოქალაქის“ პრეზენტაციაზე. 

 


პოლიტიკაში მოსვლის დღიდან მას ხშირად უსაუბრია იმაზე, რომ საქართველოს საზოგადოებასა და ხელისუფლებაში ვერ ჩამოყალიბდა განცდა, რომ ხელისუფლება არის დაქირავებული და ის უნდა აკონტროლოს საზოგადოებამ.


“ჩვენ ვერ ვისწავლეთ ხელისუფლების დაქირავება, არ ვიცოდით, როგორ აგვერჩია და შემდეგ როგორ გვეკონტროლებინა ხელისუფლება. სწორედ ეს იყო მიზეზი მოჯადოებულ წრეზე სიარულის. ხელისუფლების მოსვლის დღიდან მე სწორედ ამაზე ვაკეთებდი ძირითად აქცენტს. დიახ, ჩვენ უნდა ვისწავლოთ კარგად, როგორ ვიქირაოთ ხელისუფლება, ჩვენ კარგად უნდა ვისწავლოთ, როგორ ვიქირაოთ ის და რატომ,” - განაცხადა ივანიშვილმა.


მოჯადოებული წრე  ვერც მომდევნო წლებში გაირღვა – ბიძინა ივანიშვილის შემცვლელის, ირაკლი ღარიბაშვილის პრემიერობისას ქვეყნის მმართველობაში არასახელმწიფოებრივი მიდგომები საკმაოდ გაძლიერდა. ამ პერიოდში ნეპოტიზმის გამო ხელისუფლებას სულ უფრო მეტი კრიტიკოსი გამოუჩნდა – შეკითხვები გაჩნდა ღარიბაშვილის სანათესაოსთვის პრივილეგიებისა და სახელმწიფო სამსახურებში დაწინაურებასთან დაკავშირებით. 


ამ ფონზე, ირაკლი ღარიბაშვილის განცხადებები სახელმწიფოებრივი აზროვნების აუცილებლობაზე სადღეგრძელოებად იქცა. 


„თავისუფლებას გაფრთხილება სჭირდება, არასახელმწიფოებრივ აზროვნებას ჩვენი ქვეყნისთვის დიდი ზიანი მოაქვს,“ - ეს სიტყვები ექსპრემიერმა  თავისუფლების მოედანზე, საქართველოს დამოუკიდებლობის დღისადმი მიძღვნილ ღონისძიებაზე თქვა. თუმცა მისი მმართველობა საპირისპირო მიმართულებით წარიმართა. ამის მაგალითია თუნდაც ის, რომ ირაკლი ღარიბაშვილის პერიოდში სულ უფრო მეტი ბიზნესმენი უჩიოდა ბიზნესისადმი საჯარო მოხელეების არაპარტნიორულ დამოკიდებულებას და ხელისუფლებასთან კომუნიკაციის გართულებას. 


 სახელმწიფო სტრუქტურებში არასახელმწიფოებრივი აზროვნება რომ „ქართული ოცნების“ თითქმის ოთხწლიანი მმართველობის პერიოდშიც ვერ დაიძლია, ამაზე ახალი პრემიერის დღევანდელი განცხადებაც მიუთითებს. 

 

ის ფაქტი, რომ „ქართული ოცნების“ ხელისუფლებაში მოსვლიდან თითქმის ოთხი წლის თავზე პრემიერს უწევს ამგვარი მოწოდების გაკეთება, ნათლად მიანიშნებს, რომ სახელმწიფო სტრუქტურების წარმომადგენელთა მიდგომები ისევ ძველ, „მოჯადოებულ წრეზე“ რჩება. 


აღნიშნული განცხადება კვირიკაშვილმა „ბათუმის წყლის“ დირექტორთან დაკავშირებული მოვლენების კომენტარისას გააკეთა: საქმე ეხება ინფორმაციას იმის შესახებ, რომ შეკამათების გამო მოხდა ბათუმის ერთ-ერთი კვებითი ობიექტისთვის წყლის შეწყვეტა.


პრემიერს ამ საკითხზე მკაცრი პოზიცია აქვს – ის მიიჩნევს, რომ ფაქტების დადასტურების შემთხვევაში, „ბათუმის წყლის“ დირექტორმა დაკავებული თანამდებობა უნდა დატოვოს. 

 

ის, რომ ახალი პრემიერი საჯარო მოხელეებში არასახელმწიფოებრივი აზროვნების პრობლემაზე საუბრობს, იძლევა იმედს, რომ ამ შემთხვევაში მაინც, მოწოდებები სახელმწიფოებრივი აზროვნებისკენ ისევ სადღეგრძელოდ არ დარჩება და მათ  საჯარო სექტორში რეალური გარდატეხა მოჰყვება.

 

გიორგი კვირიკაშვილმა უკვე გადადგა რამდენიმე ნაბიჯი როგორც პოლიტიკის, ისე ბიზნესისა და ეკონომიკის მიმართულებით, რომლებშიც ნათლად ჩანს მისი სურვილი, სახელმწიფო ბიუროკრატია შესუსტდეს, მთავრობა გახდეს გახსნილი ბიზნესისა და თითოეული მოქალაქისადმი, ხელისუფლება იყოს მეტად ანგარიშვალდებული საზოგადოებისადმი. 


შეცვლის თუ არა ეს პოლიტიკური ნება რეალობას, თუ „ქართული ოცნების“ მესამე პრემიერის განცხადებებიც სადღეგრძელოების კატეგორიაში დარჩება – ამას კვირიკაშვილის მმართველობის პერიოდი დაგვანახებს.



„ფრესკო“ პროტესტის ნიშნად 24 საათით იკეტება

„ფრესკო“ პროტესტის ნიშნად 24 საათით იკეტება
access_time2019-11-18 21:29:59
„ფრესკო“ პროტესტის ნიშნად 24 საათით იკეტება. ამის შესახებ კომპანია ინფორმაცია სოციალურ ქსელში ავრცელებს. ქსელური ჰიპერმარკეტის განცხადებას კომერსანტი უცვლელად გთავაზობთ:   „მიგვაჩნია, რომ ის, რაც დღეს ჩვენს ქვეყანაში ხდება, ჩვენთვის და ჩვენი მოქალაქეებისთვის კონსტიტუციური უფლების წართმევაა! დღეს, კიდევ ერთხელ ვრწმუნდებით, რომ ადამიანის ფუნდამეტური უფლება - აზრისა და სიტყვის გამოხატვის თავისუფლება იზღუდება.   რთულია, ამ სიტუაციაში იყო უმოქმედოდ, მაგრამ...

თბილისის მოვლენებს მსოფლიოს წამყვანი გამოცემები ეხმაურება

თბილისის მოვლენებს მსოფლიოს წამყვანი გამოცემები ეხმაურება
access_time2019-11-18 21:00:20
თბილისში მიმდინარე მოვლენები მსოფლიო მედიის ყურადღების ცენტრშია. “საქართველოში მიმდინარე პროტესტს პარლამენტთან შეერთებული შტატები და ევროკავშირი უჭერს მხარს“, - სტატიას ამ სათაურით France 24 აქვეყნებს. გამოცემა წერს, რომ მიმდინარე აქციები, ბოლო წლების მანძილზე ყველაზე მასშტაბური ანტისამთავრობო გამოსვლებია საქართველოს დედაქალაქში. გამოცემის ცნობით, დაახლოებით 20 000 ადამიანი თბილისის ქუჩებში რიგგარეშე საპარლამენტო არჩევნებს ითხოვს. საპროტესტო აქციებზე წერს ასევე...

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა
access_time2019-11-18 20:15:51
გვინდა გამოვეხმაუროთ რუსთველის გამზირზე მიმდინარე მოვლენებს და საპოლიციო ღონისძიებას, რომელიც წესრიგის აღსადგენად ჩატარდა. საქართველოში, დაცულია სიტყვისა და გამოხატვის თავისუფლება, თუმცა პარლამენტთან, ოპოზიციის ქმედებები გასცდა კანონის ჩარჩოებს.   ჩვენ, ორი დღის განმავლობაში, ვაფრთხილებდით აქციის ორგანიზატორებს, რომ სახელწიფო ინსტიტუტის, პარლამენტის ბლოკირება არის უკანონო ქმედება, თუმცა, მიუხედავად ამისა, ნახეს რა, რომ არ ჰქონდათ ხალხის სათანადო მხარდაჭერა, აქციის...

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი
access_time2019-11-18 20:00:53
„დღეს ეს დემონსტრანტები თუ გაიყვანეს პარლამენტის შენობის მიმდებარე ტერიტორიიდან, ხვალ ისევ დადგებიან და ეს პროცესი არასდროს დასრულდება, შესაბამისად, გაგრძელდება ქვეყნის არასტაბილური მდგომარეობაც. არ უნდა დაგვავიწყდეს, რომ ბიძინა ივანიშვილმა პირობა დაარღვია და აზრი შეიცვალა არჩევნების პროპორციულ სისტემაზე გადასვლასთან დაკავშირებით, ის ერთადერთია ვისაც უნდა ვადანაშაულებდეთ. ივანიშვილი ამბობს,  რომ მისმა პარლამენტარებმა უღალატეს, მაგრამ ამას ორი წლის ბავშვიც კი არ დაიჯერებს.  ჩვენ...

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ
access_time2019-11-18 18:00:59
საპარლამენტო უმრავლესობა ბიუროს სხდომის ჩასატარებლად ემზადება. როგორც ცნობილია, სპეცრაზმმა პარლამენტის ტერიტორია აქციის მონაწილეებისგან რამდენიმე წუთის წინ გაათავისუფლა.არსებული ინფორმაციით, საპარლამენტო უმრავლესობის წევრები პარლამენტში შეკრებას იწყებენ. აღსანიშნავია, რომ ჟურნალისტებს პარლამენტში არ უშვებენ. როგორც „ინტერპრესნიუსს“ საკანონმდებლო ორგანოს პრესსამსახურში განუცხადეს, დღეს ბიუროს სხდომა მედიის გარეშე ჩატარდება, თუმცა საზოგადოებას სხდომის მიმდინარეობის ნახვა...


მსგავსი სიახლეები

up