პრემიერ-მინისტრობის სავარაუდო კანდიდატები

პრემიერ-მინისტრობის სავარაუდო კანდიდატები

access_time2018-06-14 09:00:05

მიუხედავად იმისა, რომ პრემიერ-მინისტრის გადადგომის შემდეგ, კონსტიტუციით მმართველ გუნდს შვიდდღიანი ფიქრის დრო ეძლევა, ვრცელდება ინფორმაცია, რომ „ქართული ოცნება“ ამ დროს არ გამოიყენებს, რადგან გიორგი კვირიკაშვილის შემცვლელი უკვე შერჩეული ჰყავთ.


მთავრობის მეთაურის კანდიდატურას კი საჯაროდ დღეს თუ არა მაქსიმუმ 2 დღეში დაასახელებენ.


პრემიერ მინისტრობის სავარაუდო კანდიდატებზე უკვე ვრცელდება ინფორმაცია.


პირველ ვერსიად განიხილება   ფინანსთა მინისტრი მამუკა ბახტაძე.


ბახტაძემ მინისტრის პორტფელი საქართველოს რკინიგზის გენერალური დირექტორობიდან ჩაიბარა, სადაც მის მოღვაწეობას ექსპერტები არცთუ წარმატებულად აფასებენ. საპრემიერო იმიჯის შექმნას კი ბანკების მისამართით გაკეთებულ ხმაურიან განცხადებებს უკავშირებენ.



მამუკა ბახტაძე დაიბადა1982 წელს, თბილისში. დაამთავრა ივ. ჯავახიშვილის სახელობის თბილისის სახელმწიფო და საქართველოს ტექნიკური უნივერსიტეტები. ფლობს მ.ვ. ლომონოსოვის სახელობის მოსკოვის სახელმწიფო უნივერსიტეტის მაგისტრის ხარისხს. მას 2010 წელს, INSEAD-ის ბიზნეს სკოლაში მიენიჭა MBA-ს კვალიფიკაცია. 2013 წლამდე მუშაობდა საქართველოს საერთაშორისო ენერგეტიკულ კორპორაციაში, გენერალური დირექტორის თანამდებობაზე. 2013 წლიდან დღემდე კი საქართველოს რკინიგზის გენერალური დირექტორის თანამდებობას იკავებდა. 


მეორე კანდიდატად სახელდება მაია ცქიტიშვილი, რომელმაც ცოტა ხნის წინ ჩაიბარა რეგიონული განვითარებისა და ინფრასტრუქტურის მინისტრის თანამდებობა.


მაია ცქიტიშვილი დაიბადა 1974 წლის 2 ივნისს ქ. თბილისში. 1991-1996 წლებში სწავლობდა ივ.ჯავახიშვილის სახელობის თბილისის სახელმწიფო უნივერსიტეტში სპეციალობით საერთაშორისო ეკონომიკური ურთიერთობები, რომელიც წარჩინებით დაამთავრა. 1993 წელს პრაღაში მეფე კარლის უნივერსიტეტში გაიარა ჩეხური ენის კურსები, ხოლო 1993- 1994 წლებში სწავლობდა პრაღის ეკონომიკის უმაღლეს სკოლაში საერთაშორისო ვაჭრობის ფაკულტეტზე. 2002 წელს სწავლა განაგრძო კავკასიის ბიზნესის სკოლაში. 1996 წელს მუშაობა დაიწყო საქართველოს დასაქმების გაერთიანებულ ფონდში გენერალური დირექტორის თანაშემწედ. 1997-2002 წლებში იყო ავიაკომპანია „საქართველოს ავიახაზების“ ჯერ კომერციული დირექტორის თანაშემწე, ხოლო შემდეგ ხელშეკრულებების განყოფილების უფროსი. 2002-2003 მუშაობდა ავიაკომპანია “Georgian Air” კომერციისა და ოპერაციების დეპარტამენტში უფროს მენეჯერად. 2003-2005 წლებში იყო შპს „ბურჯის“ ლოჯისტიკის დეპარტამენტის უფროსის მოადგილე, შემდეგ ლოჯისტიკის დეპარტამენტის უფროსი. 2005 წელს მუშაობა განაგრძო სს „ქართუ ჯგუფში“ პრეზიდენტის თანაშემწედ საერთაშორისო ურთიერთობებში. 2006 წელს იყო სს „ბაგები სითი ჯგუფი“ პროექტების მენეჯერი, ხოლო 2007-2008 წლებში სს „პარქთაუნის“ დირექტორი. 2009 წელს მუშაობას აგრძელებს შპს „ქართუ მენეჯმენტში“ დირექტორის თანამდებობაზე.

2012 წლის 1 ნოემბრიდან  მუშაობდა საქართველოს მთავრობის კანცელარიის უფროსის თანამდებობაზე, 2018 წლის 30 მარტს კი რეგიონული განვითარებისა და ინფრასტრუქტურის მინისტრის თანამდებობაზე დაინიშნა.


პრემიერობის კანდიდატად იხილებოდა შინაგან საქმეთა მინისტრი გიორგი გახარიაც. მან ღამის კლუბების მხარდამჭერთა აქციაზე გამოსვლით და ბოდიშის მოხდით საკმაოდ გაიუმჯობესა რეიტინგი, თუმცა ხორავას ქუჩის ტრაგედიის გამოძიებამ მისი პოზიციები საგრძნობლად შეარყია.


გიორგი გახარიას დამთავრებული აქვს  ივ. ჯავახიშვილის სახელობის თბილისის სახელმწიფო უნივერსიტეტი, ისტორიის  ფაკულტეტი. გახარიამ  მ. ლომონოსოვის სახელობის მოსკოვის სახელმწიფო უნივერსიტეტში  ჯერ პოლიტოლოგიის ფაკულტეტი დაასრულა და პოლიტიკურ მეცნიერებათა მაგისტრის ხარისხი მიიღო, ხოლო შემდეგ, ამავე უნივერსიტეტში უმაღლესი ბიზნეს სკოლა დაამთავრა და ბიზნესის მართვის მაგისტრის ხარისხი მიენიჭა.


რაც შეეხება პროფესიული გამოცდილებას - 2004  – 2008 წ.წ. გიორგი გახარია იყო  SFK Group - გენერალური დირექტორი,  2006  – 2009 წ.წ. მაისი  – მოსკოვის სახელმწიფო უნივერსიტეტის გამოყენებითი ბიოტექნოლოგიის მიწვეული ლექტორი, 2008  –  2013 წ. თებერვალი  – Lufthansa Service Holding AG. LSG, Frankfurt am Main, Germany GR & ბიზნესის განვითარების დირექტორი აღმოსავლეთ ევროპაში, დსთ-ს ქვეყნებსა და რუსეთის ფედერაციაში; 2013 – 2016 წ.წ.  –  საქართველოს ბიზნესომბუდსმენი; 2014  -  2016 წ. წ.  – ეკონომიკური საბჭოს მდივანი, .2016 წლის 27 ნოემბრიდან ასრულებდა ეკონომიკისა და მდგრადი განვითარების მინისტრის მოვალეობას, ერთ წელიწადში კი შინაგან საქმეთა მინისტრის თანამდებობაზე დაინიშნა.


სავარაუდოდ უახლოეს დღეებშივე, ახალი პრემიერობის კანდიდატი დაასახელებს მინისტრთა კაბინეტის ახალი შემადგენლობას, სადაც უმრავლესობა კვლავ ძველი სახე იქნება. თანამდებობებს ძირითადად გიორგი კვირიკაშვილის კადრები დატოვებენ - პირველი ვიცე პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, საგარეო საქმეთა მინისტრი მიხეილ ჯანელიძე, კულტურისა და სპორტის მინისტრი მიხეილ გიორგაძე. 


რაც შეეხება იუსტიციის მინისტრს თეა წულუკიანს, მიუხედავად არასამთავრობო სექტორისა და საზოგადოების საპროტესტო განცხადებებისა, როგორც კულუარულად ამბობენ, იგი ბოლომდე იბრძვის თანამდებობის შესანარჩუნებლად.     







მმართველ პარტიაში სახელმწიფო მდივნის თანამდებობის შემოღების საკითხზე მსჯელობენ

მმართველ პარტიაში სახელმწიფო მდივნის თანამდებობის შემოღების საკითხზე მსჯელობენ
person access_time2018-06-22 19:40:13
 მმართველ პარტიაში სახელმწიფო მდივნის თანამდებობის შემოღების საკითხზე მსჯელობენ. „ქართული ოცნების“ ოფისში შეხვედრის დაწყებამდე დეპუტატებმა აღნიშნეს, რომ ჯერჯერობით აღნიშნულთან დაკავშირებით საბოლოო პოზიციები შეჯერებული არ არის, თუმცა, თუ სახელმწიფო მდივანი დამტკიცდება, ეს იქნება არა პოლიტიკური თანამდებობა, არამედ კონკრეტული დარგის მენეჯერი.  დეპუტატები აღნიშნავენ, რომ სახელმწიფო მდივანი, პოლიტიკური ცვლილებების მიუხედავად, კონკრეტული დარგის...

კახა კალაძე სვეტის დაზარალებულებთან შეხვედრას ამ ეტაპზე არ განიხილავს (ვიდეო)

კახა კალაძე სვეტის დაზარალებულებთან შეხვედრას ამ ეტაპზე არ განიხილავს (ვიდეო)
person access_time2018-06-22 18:33:02
დეველოპერული კომპანია სვეტის დაზარალებული მენაშენეები თბილისის მერთან  შეხვედრას მოითხოვენ. დღეს გამართულ ბრიფინგზე მათ კახი კალაძეს სამშენებლო კომპანიებთან შუამდგომლობა სთხოვეს რადგან, აქციის მონაწილეები სვეტის მენეჯმენტს უნდობლობას უცხადებენ. „მივმართავთ ქალაქის მერს, ბატონ კახი კალაძეს, შეხვდეს სვეტის მიერ დაზარალებული მენაშენეების საინიციატივო ჯგუფს. ერთად განვიხილოთ ჩვენი პრობლემების გადაწყვეტის და მოგვარების გზები. ვერ წარმოვიდგენდით, რომ ცენტრ პოინტის...

რომან კაკულია: ბიზნესის განვითარების 10 ბალიანი სისტემით ჩვენ მთავრობას 7-ს დავუწერდი

რომან კაკულია: ბიზნესის განვითარების 10 ბალიანი სისტემით ჩვენ მთავრობას 7-ს დავუწერდი
person access_time2018-06-22 17:08:00
„ბიზნესის განვითარების მიმართულებით 10 ბალიანი სისტემით ჩვენ მთავრობას  7-ს დავუწერდი“, - ამის შესახებ...

რა თანხას ხარჯავენ თბილისელები დასვენებაში

რა თანხას ხარჯავენ თბილისელები დასვენებაში
person access_time2018-06-22 20:25:00
როგორც ACT-ის კვლევის შედეგებმა აჩვენა, გამოკითხულთა ყველაზე მეტი 43% წელიწადში ერთხელ ახერხებს დასვენებას. აქვე უნდა ითქვას, რომ საკმაოდ დიდი რაოდენობა 20% საერთოდ ვერ ახერხებს დასვენებას, აქედან ყველაზე მეტი (46%) არის 65 წელს ზევით რესპოდენტები. საქართველოს ფარგლებში დასასვენებლად ვერ წასვლის მიზეზებს შორის ყველაზე აქტუალური ფულის უქონლობა აღმოჩნდა (63%), მას მოსდევს დროის უქონლობა 37%-ით. დროის უქონლობა ამის განმაპირობებელი ყველაზე მეტად 35-44 წლის გამოკითხულთათვის აღმოჩნდა 73%, ხოლო...

მთავრობის სსიპ-ებსა და ა(ა)იპ-ებში იმდენი ადამიანი არის გაფორმებული შტატგარეშედ რა ზომისაც საქართველოს შეიარაღებული ძალებია

მთავრობის სსიპ-ებსა და ა(ა)იპ-ებში იმდენი ადამიანი არის გაფორმებული შტატგარეშედ რა ზომისაც საქართველოს შეიარაღებული ძალებია
person access_time2018-06-22 17:00:58
ფინანსთა სამინისტროს მიერ გამოქვეყნებული ანგარიშის მიხედვით, ცენტრალური მთავრობის მიერ დაფუძნებულ სსიპ-ებსა და ა(ა)იპ-ებში 38,470 ადამიანი შტატგარეშედ არის გაფორმებული. ეს პირები იმის მიუხედავად, რომ ოფიციალურად შტატში არ ზიან, ანაზღაურებას მაინც იღებენ. ამ საჯარო უწყებებში დასაქმებულთა მთლიანი რაოდენობა 150,305-ია.   შედარებისთვის, საქართველოს შეიარაღებული ძალების ზომაც დაახლოებით 40 ათასია, ანუ გამოდის, რომ საქართველოს ბიუროკრატიულ აპარატში შტატგარეშეთა არმიაა....


მსგავსი სიახლეები

up