პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს სხდომაზე მესტიაში გართულებული ეპიდემიოლოგიური ვითარება განიხილეს

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს სხდომაზე მესტიაში გართულებული ეპიდემიოლოგიური ვითარება განიხილეს

access_time2020-08-12 14:10:00

მესტიაში ეპიდემიოლოგიური ვითარების გართულების შედეგად დაწესებული შეზღუდვები და სწრაფი რეაგირების კუთხით გადადგმული ნაბიჯები განიხილეს უწყებათაშორისი საკოორდინაციო საბჭოს სხდომაზე, რომელიც პრემიერ-მინისტრ გიორგი გახარიას ხელმძღვანელობით, დღეს მთავრობის ადმინისტრაციაში გაიმართა. ინფორმაციას მთავრობის ადმინისტრაციის პრესსამსახური ავრცელებს.



„სხდომაზე აღინიშნა, რომ პირველი სწრაფი რეაგირების ნაბიჯები საკმაოდ ეფექტიანად გადაიდგა და ვირუსის აფეთქების საფრთხე შეჩერებულია, თუმცა შემდგომი ღონისძიებების დაგეგმვისას მნიშვნელოვანია მუნიციპალიტეტში ამ დრომდე აღებული 1000 ტესტის პასუხი, რომელიც დღის ბოლოს გახდება ცნობილი.



პრემიერ-მინისტრმა ხაზი გაუსვა შინაგან საქმეთა სამინისტროს ეფექტიან მუშაობას გადაადგილების შეზღუდვისა და მუნიციპალიტეტში მთავრობის მიერ დაწესებული შეზღუდვების აღსრულების პროცესში. მან ასევე აღნიშნა, რომ მთავრობას კარგად ესმის, რომ შეზღუდვები დისკომფორტს უქმნის, როგორც ადგილობრივ მოსახლეობას, ისე სტუმრად ჩასულ ტურისტებს, თუმცა ისიც ყველასთვის ნათელია, რომ ჩვენი მოქალაქეების ჯანმრთელობა ყველაზე მაღალი ფასეულობაა.



ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა საბჭოს მიაწოდა ინფორმაცია, რომ სვანეთიდან საკარანტინო ზონებში 919 მოქალაქე გადაიყვანეს, ხოლო დღევანდელი მდგომარეობით ჯამში საკარანტინო სივრცეებში 7 718 ადამიანი იმყოფება. მთავრობის მეთაურმა შესაბამის უწყებებს დაავალა, მაქსიმალურად უზრუნველყონ საკარანტინო სივრცეების მართვის ეფექტურობა. საბჭო სვანეთში დარჩენილ მოქალაქეებს მიმართავს, თავიანთ საჭიროებებზე დაუკავშირდნენ მთავრობის ერთიან ცხელ ხაზს, ნომერზე - 144, რაზეც შესაბამისი უწყებები მყისიერ რეაგირებას მოახდენენ.



სვანეთის მოსახლეობის სურსათით მომარაგების კუთხით არსებულ ვითარებაზე ისაუბრა გარემოს დაცვისა და სოფლის მეურნეობის მინისტრმა ლევან დავითაშვილმა. მინისტრის ინფორმაციით, ქუთაისიდან სვანეთისკენ დღეს დამატებით სხვადასხვა სასურსათო და საყოფაცხოვრებო პროდუქტით დატვირთული რამდენიმე მსხვილი მომწოდებლის მანქანა დაიძრა. ყველა შესაბამისი უწყება მაქსიმალურად მობილიზებულია და საკვებით და სხვა პირველადი მოხმარების ნივთებით რეგიონის მომარაგებას საფრთხე არ ემუქრება.




სხდომაზე ასევე ისაუბრეს მაღალი რისკის შემცველი პროფესიული წრეების მიზნობრივი ტესტირებების პროცესზე. აღინიშნა, რომ ეს პროცესი წარმატებით გრძელდება. და სწორედ მის ფარგლებში გამოვლინდა, ლარსის გამშვებ პუნქტზე მომუშავე შინაგან საქმეთა სამინისტროს რამდენიმე თანამშრომლის ინფიცირების ფაქტი. საბჭოს სხდომაზე აღინიშნა, რომ ყაზბეგში გამოვლენილი ინფიცირების რამდენიმე ერთეული შემთხვევა მუნიციპალიტეტში შეზღუდვების დაწესების საჭიროებას არ ქმნის, ვინაიდან ადგილზე ეპიდემიოლოგიური მდგომარეობა სრულად კონტროლდება.



უწყებათაშორისი საკოორდინაციო საბჭო როგორც მოქალაქეებს, ისე ბიზნესსუბიექტებს კიდევ ერთხელ მოუწოდებს, ზედმიწევნით შეასრულონ ჯანდაცვის სამინისტროს მიერ გაცემული რეკომენდაციები, მათ შორის ატარონ პირბადე და დაიცვან სოციალური დისტანცია, რათა საფრთხის წინაშე არ დადგეს ადამიანების სიცოცხლე და ჯანმრთელობა, ასევე ვირუსთან ბრძოლის პროცესში ქვეყნის მიერ მიღწეული წარმატება.



საკოორდინაციო საბჭოს სხდომაზე პრემიერ-მინისტრმა საოპერაციო შტაბს დაავალა, მაქსიმალური ყურადღებით და სიფრთხილით მოეკიდოს ვირუსის გავრცელების კუთხით რისკის შემცველ ყველა მიმართულებას, მათ შორის ქვეყანაში შემოსულ უცხოელ ვიზიტორებს. დღევანდელი მონაცემებით, იმ ქვეყნებიდან, რომლებთანაც საქართველომ ნაცვალგების პრინციპით ორმხრივად გახსნა საზღვარი, საქართველოში 751 ტურისტი იმყოფება, ბოლო პერიოდში ქვეყანაში შემოსული საქმიანი ვიზიტორების რაოდენობამ კი 4 ათასს გადააჭარბა. გიორგი გახარიას განცხადებით, საქმიანი მიზნებით განხორციელებული ვიზიტები მნიშვნელოვანია, რათა ქვეყანაში ეკონომიკური აქტივობა ნელ-ნელა გაძლიერდეს, თუმცა ამ ადამიანების ჯანმრთელობაზე ზრუნვაც ხელისუფლების პირდაპირი ვალდებულებაა.



საბჭოს წევრებმა ასევე განიხილეს ჯანდაცვის სისტემასა და კლინიკებში არსებული მდგომარეობა, ასევე 112-ზე მოქალაქეების მხრიდან შესული ზარების დინამიკა.



დღევანდელი მონაცემებით, საქართველოში კორონავირუსით ინფიცირების 1278 ლაბორატორიულად დადასტურებული შემთხვევა გამოვლინდა, საიდანაც 1058 პირი უკვე გამოჯანმრთელდა. უცხოეთიდან სამკურნალოდ საქართველოში გადმოყვანილია საქართველოს 41 მოქალაქე. გარდაცვლილია 17 ადამიანი.
ამ ეტაპზე კარანტინში იმყოფება 7718 ადამიანი, ხოლო სტაციონარში, მეთვალყურეობის ქვეშ - 245 პირი.



პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ადმინისტრაცია“ – ნათქვამია ინფორმაციაში.







რა არის „15-წუთის ქალაქები“ და როგორ შეცვლიან ისინი ჩვენს ცხოვრებას მომავალში

რა არის „15-წუთის ქალაქები“ და როგორ შეცვლიან ისინი ჩვენს ცხოვრებას მომავალში
access_time2021-09-19 16:00:51
კორონავირუსის პანდემიის დაწყებიდან, არაერთ ქვეყანაში მკაცრი შეზღუდვები დაწესდა - დაიხურა სკოლები და უნივერსიტეტები, შემოიღეს კომენდანტის საათი, შეიზღუდა ტრანსპორტით გადაადგილება, ადამიანებს სახლიდან შორს წასვლა აეკრძალათ და სხვა. შედეგად კი, თითოეული ჩვენგანის ცხოვრება მნიშვნელოვნად შეიცვალა და ახლა იმაზე გაცილებით მოკლე დისტანციას გავდივართ ყოველდღე, ვიდრე ეს პანდემიამდე იყო. ამასთან, ავტომობილებით ნაკლებად გადაადგილებამ ჰაერის გაჯანსაღება და ქაოტური...

,,წისქვილები დილემის წინაშე დგანან - უნდა გაჩერდე, ან ფქვილის იმპორტზე გადახვიდე“

,,წისქვილები დილემის წინაშე დგანან - უნდა გაჩერდე, ან ფქვილის იმპორტზე გადახვიდე“
access_time2021-09-19 14:00:06
მსოფლიო ბაზრებზე ხორბლის ფასი იზრდება. პარალელურად კი, რუსეთში იზრდება მცურავი ბაჟის მოცულობაც. ხორბლისა და ფქვილის მწარმოებელთა ასოციაციის ხელმძღვანელი ,,ბიზნესპრესნიუსთან“ ამბობს, რომ შექმნილი ვითარება უპრეცედენტოა და ოქტომბრის ბოლოდან, წისქვილ-კომბინატები დგებიან რეალობის წინაშე, როცა ან ფქვილის იმპორტზე უნდა გადავიდნენ, ან მუშაობა შეაჩერონ. სილაგავას თქმით, ფქვილის იმპორტზე მასობრივი გადასვლა, კომპლექსურ პრობლემებს...

ალექსეი მილერი: ბუნებრივი აირის მარაგები რუსეთს 100 წელზე მეტ ხანს ეყოფა

ალექსეი მილერი: ბუნებრივი აირის მარაგები რუსეთს 100 წელზე მეტ ხანს ეყოფა
access_time2021-09-19 12:00:38
“გაზის მარაგები რუსეთში მსოფლიოში ყველაზე დიდია, ისინი 100 წელზე მეტი ხნისათვისაა საკმარისი”, – ამის შესახებ “გაზპრომის” გამგეობის თავმჯდომარემ, ალექსეი მილერმა განაცხადა საერთაშორისო ბიზნეს კონგრესის 24-ე ყოველწლიურ გენერალურ შეხვედრაზე, რომელიც შედგა 14-17 სექტემბერს, შერეულ ფორმატში. ”გაზის რეზერვები რუსეთში, გაზპრომის გაზის რეზერვები, ყველაზე დიდია მსოფლიოში. ჩვენ არ შევხვდებით პრობლემებს ჩვენს რეზერვებთან დაკავშირებით...

Heidelberg-ი გარემოსდაცვით ვალდებულებებზე: შეუძლებელი იყო მომზადებულები შევხვედროდით

Heidelberg-ი გარემოსდაცვით ვალდებულებებზე: შეუძლებელი იყო მომზადებულები შევხვედროდით
access_time2021-09-19 11:00:16
1-ელი ივნისიდან ამოქმედებული გარემოსადცვით რეგულაციებთან შეუსაბამობის გამო „ჰაიდელბერგ ჯორჯია“ 30 000 ლარით დაჯარიმდა. 10 000 ლარი კომპანიამ უკვე გადაიხადა, დარჩენილ ჯარიმაზე კი საქმე სასამართლოში ამ დრომდე მიმდინარეობს. როგორც „ბიზნესპარტნიორთან“ კომპანიის იურიდიული დირექტორი განმარტავს, ჯარიმა არასამართლიანია, რადგან კერძო სექტორმა ახალი კანონმდებლბის აღსრულება შესაბამისი დოკუმენტების დაგვიანებით გამოქვეყნების გამო ვერ შეძლო. „კერძო სექტორი ახალ გარემოდაცვით რეგულაციებს...

,,ხორბლის ფასმა ფსიქოლოგიური ნიშნული, 300 დოლარი უკვე გადალახა“- როდის აისახება ტენდენცია ქართულ ბაზარზე

,,ხორბლის ფასმა ფსიქოლოგიური ნიშნული, 300 დოლარი უკვე გადალახა“- როდის აისახება ტენდენცია ქართულ ბაზარზე
access_time2021-09-19 10:00:41
მსოფლიო ბაზრებზე ხორბლის ფასი იზრდება. ტენდენციის ასახვას საქართველოში 1 თვის შემდეგ უნდა ველოდოთ - ამის შესახებ ,,ბიზნესპრესნიუსთან“ ხორბლისა და ფქვილის მწარმოებელთა ასოციაციის ხელმძღვანელმა განაცხადა. ლევან სილაგავას თქმით, ახლა გაძვირების ასახვას ხორბლის მარაგები აზღვევს. ,,სამწუხაროდ, ფქვილზე ფასები მსოფლიო ბაზარზე გაზრდილია, თუმცა, ჩვენ ორ თვიანი...


მსგავსი სიახლეები

up