პრემიერ-მინისტრი აზიური ფაროსანას საწინააღმდეგო მართვის ცენტრში  ბრძოლის შედეგებს გაეცნო

პრემიერ-მინისტრი აზიური ფაროსანას საწინააღმდეგო მართვის ცენტრში ბრძოლის შედეგებს გაეცნო

access_time2019-08-16 19:30:08

საქართველოს პრემიერ-მინისტრმა მამუკა ბახტაძემ აბაშის მუნიციპალიტეტში, აზიური ფაროსანას საწინააღმდეგო მართვის ცენტრი დაათვალიერა.

 

მთავრობის მეთაურმა შტაბის წარმომადგებლებისგან დეტალური ინფორმაცია მიიღო მავნებელთან ბრძოლის პროცესში გამოყენებული საშუალებებისა და მეთოდების შესახებ.

 

პრემიერ-მინისტრმა განსაკუთრებით გაუსვა ხაზი ამერიკის შეერთებული შტატების მნიშვნელოვან წვლილს აზიურ ფაროსანასთან ბრძოლის ღონისძიებების განხორციელებაში და სტრატეგიული პარტნიორი ქვეყნის მთავრობას მადლობა გადაუხადა.

 

აღინიშნა, რომ აშშ-ის მრავალწლიან გამოცდილებაზე დაყრდნობით მომზადდა მავნებელთან ბრძოლის სახელმწიფო სამოქმედო პროგრამა. USAID-პროგრამის ფარგლებში, შეიქმნა მავნებლის გარემოს დაცვისა და სოფლის მეურნეობის სამინისტროს შარშან ივნისში გადაეცა 17 ტრაქტორი და პერსონალური დამცავი საშუალებები, ხოლო წელს, სურსათის ეროვნულ სააგენტოს - 45 ერთეული მაღალი გამავლობის სპეციალიზებული ტექნიკა.

 

როგორც პრემიერს შტაბში განუცხადეს, სახელმწიფოს მიერ განხორციელებული ღონისძიებების შედეგად და მოსახლეობის აქტიური ჩართულობით, წელს აზიური ფაროსანას რაოდენობა მნიშვნელოვნად შემცირდა.

 

აღინიშნა, რომ ღონისძიებები მიმდინარეობს სამეგრელოს, გურიის, იმერეთის რეგიონებსა და აჭარაში; მოსახლეობის ინფორმირებულობის მიზნით, შექმნილია გზავნილების სისტემა და სპეციალური ვებგვერდი; ყოველდღიურ რეჟიმში ტარდება მოსახლეობასთან შეხვედრები და აქტიური საინფორმაციო კამპანია; ღონისძიებების დაგეგმვასა და განხორციელებაში ჩართულები არიან ადგილობრივი თვითმმართველი ერთეულები; სურსათის ეროვნული სააგენტოს სპეციალიზებული ტექნიკით, თერმული ნისლის ტექნოლოგიით მუშავდება სოფლების ტერიტორიები, მონტაჟდება „მოიზიდე და გაანადგურე სადგურები.

 

„ბოლო სამი წლის განმავლობაში აზიურმა ფაროსანამ ძალიან დაგვაზარალა. ბოლო რამდენიმე წელი ჩვენი ფერმერები ვერ იღებენ შემოსავალს. ჩვენი ზარალი აღემატებოდა რამდენიმე ასეულ მილიონ დოლარს. ეს იყო ძალიან მტკივნეული გამოწვევა. წელს შეგვიძლია თამამად განვაცხადოთ, რომ აზიური ფაროსანას პრობლემა არის მოგვარებული. მოსავალი წელს არის ძალიან კარგი და 2020 წელს გვექნება კიდევ უფრო კარგი მოსავალი. ფასი არის სამჯერ მეტი ვიდრე იყო შარშან, რაც ნიშნავს, რომ ჩვენი მოსახლეობა შეძლებს დაახლოებით 120 მილიონ დოლარამდე შემოსავლის მიღებას თხილის რეალიზაციის შედეგად, - განაცხადა მამუკა ბახტაძემ.

 

მთავრობის მეთაურმა სამინისტროს დაავალა, სახელმწიფო პროგრამის ფარგლებში ღონისძიებები გაგრძელდეს მანამ, ვიდრე მავნებელი საბოლოოდ არ დაექვემდებარება კონტროლს, ასევე ყურადღება გამახვილდეს სოკოვან დაავადებებზეც, რომლებიც ასევე მნიშვნელოვან პრობლემას უქმნის მეთხილეობის დარგს.

 

პრემიერი აზიური ფაროსანას საწინააღმდეგო მართვის ცენტრში გარემოს დაცვისა და სოფლის მეურნეობის მინისტრთან, რეგიონის მაჟორიტარ დეპუტატებთან და USAID-ის საქართველოს მისიის ხელმძღვანელთან ერთად იმყოფებოდა, სადაც მავნებელთან ბრძოლისთვის განკუთვნილი ტექნიკა და სპეციალური აღჭურვილობაც დაათვალიერა.





StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა

StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა
access_time2020-04-09 00:50:17
StopCoV ფონდში ჩარიცხული თანხის მაჩვენებელი 124 543 899 ლარამდე გაიზარდა. მონაცემები საქართველოს მთავრობის...

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ
access_time2020-04-08 21:20:49
ივანე ჯავახიშვილის სახელობის თბილისის სახელმწიფო უნივერსიტეტის  3 სტუდენტი კომპანია „გრანთ თორნთონის“ სტიპენდიანტი გახდა.  ეკონომიკისა და ბიზნესის ფაკულტეტის სტუდენტები თამარ ათოშვილი, ანა ბუხრაშვილი და ელენე ცეცხლაძე სპეციალურ სტიპენდიას 2019-2020 სასწავლო წლის გაზაფხულის სემესტრში მიიღებენ.   როგორც „გრანთ თორნთონის“ მმართველმა პარტიორმა ვახტანგ ცაბაძემ განაცხადა,  კომერციული სექტორის ჩართულობა და სტიპენდიების დაწესება სახელმწიფო უნივერსიტეტებში,...

ლიბერთი ბანკის მმართველ გუნდში ცვლილებებია

ლიბერთი ბანკის მმართველ გუნდში ცვლილებებია
access_time2020-04-08 19:50:52
თბილისი, 8 აპრილი, 2020 - დღეს, ლიბერთი ბანკის მმართველ გუნდს, გენერალური დირექტორის მოადგილის, ფინანსური დირექტორის პოზიციაზე, დავით წიკლაური შეუერთდა. დღემდე, ამ პოზიციას ლევან ლეკიშვილი იკავებდა.   დავით წიკლაურს საბანკო სექტორში მუშაობის მრავალწლიანი გამოცდილება აქვს, როგორც საქართველოში ასევე საქართველოს საზღვრებს გარეთ. მას არაერთი პოზიცია ეკავა ქვეყნის წამყვან ბანკებში თიბისი ბანკის გენერალური დირექტორის მოადგილის, კორპორაციული საბანკო საქმიანობის მიმართულებით...

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ
access_time2020-04-08 20:00:05
კორონავირუსის პანდემიამ რესტორნების ბიზნესს უმძიმესი დარტყმა მიაყენა. ყველაზე მაღალშემოსავლიანი დაწესებულებები უპრეცედენტო ვარდნის წინაშე აღმოჩნდენ, რამაც თანამშრომლების შემცირება გამოიწვია. გადარჩენის ინსტიქტმა რესტორნები აიძულა შემოსავლის ტემპის შესანარჩუნებლად ახალი გზები მოეძებნათ. ზოგი პროდუქტების მაღაზიად იქცა და ზოგი ფერმერების დახლის ფუნქციას ითავსებს,  სადაც მომხმარებელს ახალ პროდუქტის შეძენა და მისი სახლში მომზადება...

8 აპრილი - ქართული ლარი, თურქული ლირა და სომხური დრამი გაუფასურდა

8 აპრილი - ქართული ლარი, თურქული ლირა და სომხური დრამი გაუფასურდა
access_time2020-04-08 19:00:07
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება. ეროვნული ბანკის მიერ გამოქვეყნებული 8 აპრილის ვაჭრობის შედეგად, ქართული ლარის კურსი მცირედით...


მსგავსი სიახლეები

up