პოლიეთილენის აკრძალული პარკები, შესაძლოა, გაყიდვაში დროებით ისევ დაუშვან

პოლიეთილენის აკრძალული პარკები, შესაძლოა, გაყიდვაში დროებით ისევ დაუშვან

access_time2019-04-16 12:43:21

პარლამენტის გარემოს დაცვის კომიტეტის ხელმძღვანელის კახა კუჭავას განცხადებით, პოლიეთილენის პარკების აკრძალვასთან დაკავშირებით მიღებული გადაწყვეტილება, შესაძლოა გადაიხედოს.


როგორც „საქმიანი დილის“ ეთერში სტუმრობისას კუჭავამ განაცხადა, მწარმოებლებისთვის მიცემული დრო გადაიარაღებისთვის საკმარისი არ აღმოჩნდა.


„ცვლილებები მთავრობის დადგენილებით იქნა მიღებული; შესაბამისად, პარლამენტი თავის დროზე პროცესში არ იყო ჩართული. არ გვქონდა აქამდე მწარმოებლებთან შეხვედრები. აღმოჩნდა, რომ მათთვის მიცემული დრო გადაიარაღებისთვის საკმარისი არ იყო.


ჩვენ მოვუსმინეთ მწარმოებლებს და ასევე გვექნება შეხვედრები როგორც - გარემოს დაცვისა და სოფლის მეურნეობის, ასევე ეკონომიკის სამინისტროსთან და სწორედ ამის შემდეგ მივიღებთ კონკრეტულ რეკომენდაციებს, იქნება ეს მთავრობისთვის მისამართით, თუ იქნება ეს საკანონმდებლო ცვლილებასთან დაკავშირებული რეკომენდაციები.
მე არ მინდა დაუფიქრებლად და დაჩქარებულად მოხდეს კონკრეტული ინიციატივის შემოღება, მითუმეტეს როცა მთავარია, ადგილობრივი წარმოების განვითარება, მცირე და საშუალო საწარმოების მოძლიერება. არ უნდა მივიღოთ მოკლე დროში გაწერილი ისეთი გადაწყვეტილება, რომ მათ ხელი შეეშალოთ თავიანთ საქმიანობაში. თუ მივალთ იმ დასკვნამდე, რომ გადაირაღებისთვის საჭიროა დამატებითი ვადა, ჩემი აზრით, გონივრული იქნება მათ გვერდში დავუდგეთ“, - განაცხადა კახა კუჭავამ.


პოლიეთილენის პარკების გამოყენება სრულად 1 აპრილიდან აიკრძალა, თუმცა მთავრობას შემოწმების სრულყოფილი მექანიზმი არ აქვს. ქვეყანაში არ არსებობს ლაბორატორია, რომელიც იმპორტირებული პროდუქციის შემადგენლობას დაადგენს.



ადგილობრივი მწარმოებლები აცხადებენ, რომ ახალი რეგულაციის ამოქმედების შემდეგ, დიდი სავაჭრო ობიექტების უმეტესობაში იმპორტირებული პროდუქციაა შეტანილი.


bm.ge-ის შპს „აა პლასტის“ იურისტმა მელიტა ტყაბლაძემ სამხარაულის ექსპერტიზის ბიუროს მიერ შემოწმებული იმპორტირებული პროდუქციის დასკვნაც მიაწოდა, სადაც აღნიშნულია, რომ „გამოსაკვლევად წარმოდგენილი პარკი წარწერით „spar” დამზადებულია პოლიეთლენის ფუძეზე, რომელიც დანამატების სახით შეიცავს სხვადასხვა ნივთიერებას/ნივთიერებებს, რომელთა იდენტიფიცირება ვერ მოხერხდა შესაბამისი მონაცემების და სტანდარტული ნიმუშების არქონის გამო.“


ადგილობრივი მწარმოებლები საწარმოების გადაიარაღებამდე რეგულაციების გადავადებას ითხოვდნენ და აცხადებდნენ, რომ სხვა შემთხვევაში, იმპორტირებულ პროდუქციას კონკურენციას ვერ გაუწევდნენ და წარმოების გაჩერება მოუწევდათ.


თემაზე კომენტირებისას გარემოს დაცვისა და სოფლის მეურნეობის მინისტრმა ლევან დავითაშვილმა განაცხადა, რომ მიუხედავად არსებული რისკებისა, „სხვა გზა არ არსებობდა.“ დავითაშვილმა აღნიშნა, რომ ახალი რეგულაცია პრაქტიკაში გამოიცდება, გამოვლენილი ხარვეზების შემთხვევაში კი, დოკუმენტში შესაბამისი ცვლილებებიც განხორციელდება.


რაც შეეხება ლაბორატორიას, მინისტრმა განაცხადა, რომ იტალიის მთავრობის გრანტით, შესაბამისი ლაბორატორია საქართველოში მალე ამოქმედდება.


BMG






აშშ-მ თურქეთი წინააღმდეგ სანქციების დაწესება დაიწყო

აშშ-მ თურქეთი წინააღმდეგ სანქციების დაწესება დაიწყო
access_time2019-07-22 20:00:40
“ვაშინგტონმა აუკრძალა ანკარას მონაწილეობა გამანადგურებლის F-35-ის შექმნის და წარმოების პროგრამაში. ამის მიზეზია თურქეთის მიერ რუსული საზენიტო კომპლექსების ს-400-ის ყიდვა,“  - ნათქვამია თეთრი სახლის ოფიციალური განცხადებაში. დოკუმენტში წერია, რომ ამერიკული სამხედრო თვითმფრინავების გამოყენება რუსულ სადაზვერვო ტექნიკასთან გვერდით დაუშვებელია, რადგანაც ამ ტექნიკის ერთ-ერთი ამოცანა არის სწორედ F-35-ს საბრძოლო მახასიათებლებზე ინფორმაციის...

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“
access_time2019-07-22 19:00:11
ყაზბეგის გამზირზე, ყოფილი ინფექციური საავადმყოფოს ტერიტორიაზე, ორი წლის წინ დაავადებული და გამხმარი ფიჭვების მოჭრა სექტემბერში დაიწყება და მათ ადგილას როგორც წიწოვანი, ასევე ფოთლოვანი ხეები დაირგვება.  ამის შესახებ “კომერსანტს“  „ავერსი-ფარმას“ გენერალურმა დირექტორმა ირაკლი ფურცელაძემ განუცხადა.   როგორც ირაკლი ფურცელაძე ამბობს,  საავადმყოფოს ტერიტორიაზე ფიჭვების დაავადების შესახებ დაახლოებით...

თემურ ჭყონია: „თუ ეროვნული ბანკი არ ერევა ლარის გამყარებაში, მაშინ მისი ფუნქცია უნდა გადაიხედოს„

თემურ ჭყონია:  „თუ ეროვნული ბანკი არ ერევა ლარის გამყარებაში,  მაშინ მისი ფუნქცია უნდა გადაიხედოს„
access_time2019-07-22 16:30:05
ბიზნესმენი, „კოკა–კოლა ბოთლერს ჯორჯიას“ დამფუძნებელი თემურ ჭყონია ლარის  არასტაბილურობის გამო,  ეროვნული ბანკის ფუნქციების გადახედვის საჭიროებას ხედავს. მისი განმარტებით, ლარის არასტაბილურობა ქვეყნის ეკონომიკის განმსაზღვრელია და არამარტო ბიზნესის. გარდა ამისა, არასტაბილური  ლარი მოქმედებს ყველაფერზე, მათ შორის ბიზნესზე, რადგან ქვეყანაში ყველაფერი სწორედ ბიზნესისგან...

ბანკებს მოგება თითქმის გაუნახევრდათ

ბანკებს მოგება თითქმის გაუნახევრდათ
access_time2019-07-22 15:00:41
2019 წლის ივნისში კომერციული ბანკების წმინდა მოგებამ 33,993 მლნ ლარი შეადგინა, რაც წინა თვესთან შედარებით, 29,991 მლნ ლარით, ხოლო წინა წლის ანალოგიურ პერიოდთან შედარებით 13,940 მლნ ლარით ნაკლებია. კერძოდ, ეროვნული ბანკის ვებ-გვერდზე გამოქვეყნებული სტატისტიკის მიხედვით, 2018 წლის ივნისში ბანკების წმინდა მოგება/ზარალი 47,933 მლნ ლარი, ხოლო 2019 წლის მაისში - 63,984 მლნ იყო. ამასთან, მიმდინარე წლის ივნისში, ბანკების შემოსავლებმა 345,001 მილიონი ლარი,...

რატომ ურჩევს სებ-ი ბიზნესებს ფორვარდული გარიგებების დადებას

რატომ ურჩევს სებ-ი ბიზნესებს ფორვარდული გარიგებების დადებას
access_time2019-07-22 14:37:52
ქართული ბიზნესები მუდმივ რეჟიმში ცდილობენ, რომ საკუთარი სავალუტო რისკები მინიმუმამდე შეამცირონ. იმის გამო, რომ საქართველოში გაყიდული საქონლის ნახევარზე მეტი არის იმპორტირებული, საქონლის რეალიზაცია კი, ეროვნულ ვალუტაში ხდება, ბიზნესი ბუნებრივად სავალუტო რისკის წინაშე დგება. ლარის მერყეობის ზრდასთან ერთად ამ ბიზნესებისთვის ოპერირება გართულდა. მოიმატა გაურკვევლობამ იმის შესახებ, თუ რა უნდა იყოს იმპორტირებული პროდუქციის სარეალიზაციო ფასი და სადამდე შეიძლება ის...


მსგავსი სიახლეები

up