ერთ-ერთ პირველ iPhone-ს, რომელიც ოდესმე შექმნილა, აუქციონზე გაიტანენ. პირველი ლოტი 2500 დოლარი იქნება. დალუქული და გაუხსნელი 2007 წლის ქარხნული iPhone სავარაუდოდ 50,000 დოლარი ან მეტი ეღირება, ნათქვამია LCG Auctions-ის მიერ გავრცელებულ ინფორმაციაში.
თავდაპირველად, iPhone-ს 4 ან 8 GB მეხსიერება, 3.5 დიუმიანი ეკრანი და 2-მეგაპიქსელიანი კამერა ჰქონდა. პირველ ტელეფონს ჯერ არ ჰქონდა აპლიკაციების მაღაზია. ის ჟურნალ Time-მა 2007 წლის გამოგონებად დაასახელა. მაშინ მისი ფასი 599 დოლარი იყო.
2007 წელს წარმოებული iPhone-ების ღირებულება წლების განმავლობაში იზრდებოდა, რადგან კოლექციონერები მათ როგორც აქტივებს ისე უყურებდნენ. აღსანიშნავია, რომ მსგავსი iPhone-ი 2022 წლის ოქტომბერში 39,339.60 დოლარად გაიყიდა.
პრეტენდენტებს სასურველი საკოლექციო ნივთის მოთხოვნის შანსი 19 თებერვლამდე აქვთ.