კრიპტოვალუტების შეძენა და განაღდება ქართულ კრიპტობირჟა  „კოინეტიკზე“ ოპტიმალურ ფასადაა  შესაძლებელი

კრიპტოვალუტების შეძენა და განაღდება ქართულ კრიპტობირჟა „კოინეტიკზე“ ოპტიმალურ ფასადაა შესაძლებელი

access_time2019-09-06 17:15:25

პირველი  ქართული კრიპტობირჟის, „კოინეტიკის“ საშუალებით კრიპტოვალუტების შეძენისა და განაღდების ოპერაციების შესრულება ბაზარზე  ყველაზე ოპტიმალურ ფასადაა შესაძლებელი. ჩვენ „კოინეტიკის“ პროგრამული უზრუნველყოფის ჯგუფის ხელმძღვანელს, თემურ ჯაფარიძეს გავესაუბრეთ. 


– რა არის კოინეტიკი და საქართველოს ბაზარზე როდის შემოვიდა?


– კოინეტიკი არის პირველი ქართული კრიპტოსავალუტო ბირჟა, რომელიც 2019 წლის 1 ივლისი ამოქმედდა. მიუხედავად იმისა, რომ აქამდეც შეიძლებოდა საქართველოში კრიპტოვალუტების შეძენა, კრიპტოვალუტებით სრულფასოვანი ვაჭრობა ხელმისაწვდომი არ ყოფილა. ციფრული აქტივების ყიდვა-გაყიდვა რამდენიმე წელია შესაძლებელია საქართველოში, მაგრამ აქამდე ბაზარზე არსებული კრიპტო მომსახურეობის პროვაიდერები შეგიძლიათ წარმოიდგინოთ, როგორც ვალუტის გადამხურდავებელი პუნქტები, ოღონდ იმ განსხვავებით, რომ ისინი საქმიანობდნენ ციფრულ, ინტერნეტ სივრცეში. ფასს აწესებდნენ საკუთარი შეხედულებებისამებრ, რაც მსოფლიო საბაზრო ფასთან შედარებით, მნიშვნელოვნად განსხვავებული იყო. მნიშვნელოვნად მაღალი იყო მომსახურეობის საკომისიოებიც. 

 

უცხოური ბირჟებისგან განსხვავებით, კოინეტიკი რას სთავაზობს მომხმარებელს?


– განსხვავება უცხოურ ბირჟებთან მიმართებაში არის ის, რომ კოინეტიკს გააჩნია ქართული ინტერფეისი, რომელიც მაქსიმალურად  გამარტივებული და მორგებული მომხმარებლებზე, ჩვენ ასევე გვაქვს ნაღდ ფულთან პირდაპირი კავშირი. ქართველი მომხმარებლებლის ნაწილისთვის ენის ბარიერის გამო უცხოურ ბირჟების გამოყენებისას დაბრკოლებას წარმოადგენდა არაქართულენოვანი ინტერფეისი. ასევე, ნაღდი ფულით ოპერაციებისთვის დაწესებული მაღალი საკომისიოები. კოინეტიკი კი პარტნიორი ელექტრონული საფულეების მეშვეობით მინიმალური საკომისიობის პირობებით, უკავშირდება საბანკო ანგარიშებს, რაც ნიშნავს იმას, რომ კრიპტოვალუტის შესაძენად, ან გასაყიდად  შესაბამისი ლარის ექვივალენტის შემოტანა, ან გადატანა მარტივადაა შესაძლებელი თქვენი საბანკო ანგარიშების მეშევეობით.


– ამ დროისთვის რამდენი პროვაიდერი გყავთ?


– ამ ეტაპისთვის კოინეტიკთან ინტეგრირებული არის ორი საგადახდო სერვისის პროვაიდერი - ელექტრონულის საფულეები: OPPA და APW. OPPA -თი შესაძლებელია საბანკო ანგარიშებით გადარიცხვა და საბარათე ანგარიშების მიბმა, რათა ბარათიდან პირდაპირ ჩარიცხოთ თანხა, ხოლო APW ძალიან მოსახერხებელია თანხის განაღდებისას, პლატფორმიდან გატანისას. APW -ს გემოყენებით შესაძლებელია კლიენტმა გაყიდოს ჩვენს პლატფორმაზე ბიტკოინი, შემდეგ უსწრაფესად და უიაფესად დაისვას გაყიდვისგან მიღებული თანხა საკუთარ ბარათზე. 




 

 


რა არის კოინეტიკის უპირატესობები? 


– ჩვენი მთავარი უპირატესობა არის სრულფასოვანი სავაჭრო პლათფორმა, რომელშიც მაქსიმალურადაა რეალიზებული წამყვანი საერთაშორის ბირჟების გამოცდილება და ფუნქციონალი. რაც საფუძველს გვაძლევს ვიფიქროთ რომ  კოინეტიკი თანაბრად მიმზიდველი გახდება, როგორც დამწყები კრიპტო ენთუზიასტებისთვის ასევე გამოცდილი პროფესიონალი ტრეიდერებისთვის. 


ნაცვლად მარტივი, ყიდვის და გადაცვლის ფუნქციონალისა, მომხმარებლებს აქვთ სხვადასხვა ტიპის სავაჭრო ორდერების განთავსების საშუალება, აღნიშნული კი მაქსიმალურად მოსახერხებელია რთული სავაჭრო სტრატეგიის განხორციელებისთვის, რაც საბოლოო ჯამში ზრდის მოგების მიღების შანსებს.  თქვენ ასევე ნახავთ მრავალფეროვან სავაჭრო დაფას, და ტექნიკური ანალიზის გასაკეთებლად საჭირო ინდიკატორებს და ინსტუმენტებს. პლატფორმა გთავაზობთ სავაჭრო ორდერების ძირითად ტიპებს: მარკეტ ორდერი, ლიმიტ ორდერი და სტოპ-ლიმიტ ორდერი.

მნიშვნელოვანია ნაღდ ფულთან მარტივი კავშირი, რაც ძალიან დიდი კომფორტია და საკმაოდ დაბალი საკომისიოები.

ასევე  ყველა ინფორმაცია არის ღია და ხელმისაწვდომი, შექმნილია გზამკვლევი სამ ენაზე (ქართული, რუსული, ინგლისური). არსებობს მომხმარებელთა დახმარების გვერდი, სადაც აღწერილია აპლიკაციის ფუნქციონალი. ჩვენი კლიენტთა მომსახურეობის გუნდი კი ყოველთვის მზადაა მასიმალურად დაეხმაროს ან ამომწურავი ინფორმაცია მიაწოდოს მომხმარებლეს მათთვის საინტერესო საკითხებზე.

 

 – კოინეტეკზე რომელი კრიპტოვალუტებია ხელმისაწვდომი?  


– კოინეტიკზე შეგეძლებათ იყიდოთ პოპულარული კრიპტოები როგორებიცაა: ბიტკოინი (BTC), ეთერიუმი (ETH), რიპლი (XRP), ბიტკოინ ქეში (BCH), ლაიტკოინი (LTC) და დეში (DASH).


– კოინეტიკი უკვე რამდენიმე თვეა მოქმედებს, როგორ მიიღო ის ქართველმა მომხმარებლმა , მოთხოვნადია?


ქართველმა მომხმარებელმა საკმაოდ პოზიტიურად მიიღო ბაზარზე კოინეტიკის გამოჩენა, ამ ეტაპზე რეგისტირებული პირთა რაოიდენობა 1000 მეტია. უკვე შევძინეთ მუდმივი მომხმარებლები სავარაუდოდ მაინერები, რომლებიც სისტემატიურად ახურდავებენ კრიპტოვალუტას ლარში.  ქართული კრიპტო სივრცის რეალობიდან გამომდინარე ჩვენ კლიენტების 3 ძირითად კატეგორიად შეიძლება დავყოთ.  პირველ რიგში ტრეიდერები, რომლებიც ვაჭრობენ კრიპტოვალუტებით. ასევე ახალდამწყები კრიპტო ენთუზიასტები, რომელთაც ახლა აღმოაჩინეს ეს ინდუსტრია და პირველ ექსპერიმენტულ ნაბიჯებს დგამენ ინვესტიციის ან ვაჭრობის მიმართულებით. ასევე, მაინერები, რომლებიც საკმაოდ აქტიურები იყვნენ 2017 წლის განმავლობაში და ბოლო რამოდენიმე თვეა ბაზრის დინამიკიდან გამომდინარე კვლავ გააქტიურდნენ.


სოციალური მედიიდან გამოხმაურების მასშტაბით თუ ვიმსჯელებთ, ამ სფეროსადმი ინტერესი საკმაოდ დიდია, მაგამ ქართულ ენაზე ინფომაციის სიმწირის გამო ბევრი ადამიანი ვერ ახერხებს სასურველი ინფორმაციის მიღებას. ჩვენ ამ მიმართულებით ვაპირებთ აქტიურად ვიმუშაოთ და საგანმანათლებლო პროგრამები შევთავაზოთ ქართველი მომხმარებელს, რომლებიც ძირითადად მიმართული იქნება ერთის მხრივ ბირჟაზე ვაჭრობის საფუძვლების შესასწავლად და მეორეს მხრივ  კრიპტო ტექნოლოგიიების შესწავლაზე. ასევე ვცდილობთ რომ ჩვენი ბლოგის მეშვეობით კრიპტო ბაზარზე მიმდინარე პროცესების შესახებ ამომწურავი ინფომრაცია მივაწოდოთ ყველა დაინტერესებულ პირს.

 

 – როგორია განვითარების გეგმა?


– იგეგმება სხვა მთავრი კრიპტოვალუტების დამატება, მათ შორის, ტეზერის.  ახლა მიმდინარეობს შერჩევის პროცესი, პარალელურად ვმუშაობთ პლათფორმის დახვეწაზე და სხვადასხვა საჭირო ფუნქციონალის დამატებაზე  და ასევე მობილური აპლიკაციის კონცეფციაზე.


პ.ს ბლოკჩეინის ტექნოლოგია ფულის განვითარების ისტორიაში ახალი ეტაპია და ამ რევოლუციის ქრონიკა ამ წამსაც იწერება. ჯერ არავინ იცის, როგორ შეცვლის კრიპტოვალუტა ჩვენს მომავალს.

 

სოფო ქსოვრელი




უორენ ბაფეთმა კიდევ $2,9 მილიარდის დონაცია განახორციელა, ხოლო 2006 წლიდან მისი მთლიანი შემოწირულობა $37 მილიარდს უტოლდება

უორენ ბაფეთმა კიდევ $2,9 მილიარდის დონაცია განახორციელა, ხოლო 2006 წლიდან მისი მთლიანი შემოწირულობა $37 მილიარდს უტოლდება
access_time2020-07-12 18:58:27
უორენ ბაფეთმა კიდევ $2,9 მილიარდი დოლარის დონაცია განახორციელა, 2006 წლიდან კი მისმა მთლიანმა შემოწირულობამ $37 მილიარდი შეადგინა, - ამის შესახებ ინფორმაციას...

Oxfam-ი: მსოფლიოში შიმშილით მეტი ადამიანი დაიღუპება, ვიდრე - კორონავირუსით

Oxfam-ი: მსოფლიოში შიმშილით მეტი ადამიანი დაიღუპება, ვიდრე - კორონავირუსით
access_time2020-07-12 17:00:05
მსოფლიოში კორონავირუსის პანდემიით გამოწვეული შიმშილით უფრო მეტი ადამიანი დაიღუპება, ვიდრე კორონავირუსით. პროგნოზს...

რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს

რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს
access_time2020-07-12 13:00:24
ჯერ კომუნიკაციის სფეროში გასატარებელი სკანდალური ცვლილებები არაა მონელებული და მთავრობამ მორიგი ანტისაბაზრო კანონპროექტი შემოაგდო ორშაბათის ბიუროზე," - ამის შესახებ ფრაქცია "ნაციონალური მოძრაობის"...

Handelsblatt: მეგაპოლისებს სულ უფრო მეტი ამერიკელი ტოვებს

Handelsblatt: მეგაპოლისებს სულ უფრო მეტი ამერიკელი ტოვებს
access_time2020-07-12 20:00:18
  სულ უფრო მეტი ამერიკელი დიდი მეგაპოლისების დატოვებას და შედარებით მცირე ქალაქებში დასახლებას ცდილობს.   ამ ტენდენციის ძირითადი მიზეზებია პროვინციაში ცხოვრების უფრო მაღალი ხარისხი და შედარებით იაფი უძრავი ქონება.   ეს ტრენდი უკვე წლებია არსებობს, თუმცა პანდემიამ ის კიდევ უფრო გაძლიერა - დღეს უკვე დისტანციური მუშაობის საშუალება გაჩნდა, და ამავე დროს კორონავირუსის ძირითადი ეპიცენტრები  სწორედ მსხვილი მეგაპოლისები...

როგორ დავიცვათ თავი კორონავირუსისგან ტრანსპორტში და ოფისებში?

 როგორ დავიცვათ თავი კორონავირუსისგან ტრანსპორტში და ოფისებში?
access_time2020-07-12 14:00:21
ზაფხულია და კონდიციონერების გამოყენების საკითხი ძალიან აქტუალური გახდა - პანდემიის პერიოდში ეს არც თუ ისე უსაფრთხო სიამოვნებაა, განსაკუთრებით, დახურულ სივრცეში - მაგალითად, საზოგადოებრივ ტრანსპორტში და ოფისებში.   როგორც ჩანს, დახურული სივრცე კორონავირუსის გავრცელებას ხელს განსაკუთრებით უწყობს. ჩინეთში ჩატარებულმა კვლევამ ცხადყო, რომ 120 ქალაქში დაფიქსირებული 318 კლასტერიდან ღია სივრცეში მხოლოდ 1 დაფიქსირდა, შესაბამისად, ცხადი ხდება, რომ დაინფიცირების...


მსგავსი სიახლეები

up