ბოსტნეულისგან წარმოებული გამაგრილებელი სასმელი, რომელსაც ქართული კომპანია „ბოტანისტი“ აწარმოებს, საქართველოს ბაზარზე აგვისტოს ბოლოს გამოჩნდა. „კაი“ დღეს სუპერმარკეტების ქსელების უმრავლესობაში უკვე წარმოდგენულია, როგორც დედაქალაქში ასევე რეგიონებში. როგორც კომპანიაში აღნიშნავენ „კაი“ პირველი ქართული გაზირებული ბოტანიკური სასმელია და მიუხედავად მისა, რომ ეს ბაზრისთვის უჩვეულო პროდუქტია, ჯანსაღი ცხოვრების მიმართ გაძლიერებულმა ინტერესმა პროდუქტზე მოთხოვნის ზრდა გამოიწვია.

„კაი“-ს საწარმო მცხეთა-მთიანეთში მდებარეობს, პროექტის საინვესტიციო მოცულობამ 10 მილიონი დოლარი შეადგინა და სრულად „მეტი ჰოლდინგის“ მიერაა დაფინანსებული, რომელშიც შედის შპს „ბოტანისტი“.

„ მცენარეული სასმელი ეს ახალი მიამრთულებაა სასმელების წარმოებაში, რომლის განვითარებაც 6-7 წლის წინ კანადაში დაიწყო. დღეს ეს უკვე საკმაოდ მოდური და მოთხოვნადი სასმელია კანადასა და აშშ-ში. მთელი არსი მდგომარეობს იმაში, რომ პროდუქტში შემავალი ყველა ინგრედიენტი უნდა იყოს მცენარეული წარმოშობის. ჩვენი სასმელი ამ სტანდარტებს პასუხობს. სასმელი დამზადებულია 16 მცენარისგან შემდგარი ინგრედიენტებით, მათ შორისაა - ვარდის თეძო, ალოე, ჯანჯაფილი, თაფლი და საფერავის წვენი. ჩვენი გაზიანი სასმელი „კაი“ ნამდვილდ პირველი ჯასაღი პროდუქტია,  ის გემრიელია, სასარგებლოა და მისი მოხმარება ფეხმძიმეებისთვისაც რეკომენდებულია“ - ამბობს „ბოტანისტის“ დირექტორი გიორგი ჯირკვალიძე.

მისივე თქმით, „კაი“-ს რეცეპტი დაუძნებულია ქართველი  მეცნიერების მიერ, ჯერ კიდევ მეოცე საუკუნეში შექმნილ ფორმულაზე, რომლის მიხევდითაც ადრე მცენარეებისგან ბალზამები მზადდებოდა. „ამ მეცნიერებს დიდი ხნის მანძილზე სურდათ ფორმულისთვის სასმლის სახე მიეცათ, ეს მათი ოცნება იყო. ახლა ეს ოცნება რეალიზებულია. ამ მეცნიერთა ჯგუფის ერთერთი წევრი დღეს ჩვენი კომპანიის სამეცნიერო-ტექნოლოგიურ განყოფილებას ხელმძღვანელობს“ - ამბობს ჯირკვალიძე.

კომპანიის დირექტორი განმარტავს, რომ მცენარე, რომლის საფუძველზეც მზადდება „კაი“-ს სასმელი, საქართველოს ალპურ მხარეში მოიპოვება. კომპანია მათ ინდივიდუალური მეწრმეებისგან და კოოოპერატივებისგან ყიდულობს, რომლებიც თავის მხრივ ამ მცენარეებს ფარმაცევტული დანიშნულებისთვის იყენებენ. სასმელში შემავალი თაფლი კი ერთ-ერთ მონასტერში მზადდება.

„ერთადერი „არაჯანსაღი“ კომპონენტი, რაც ძალიან ცოტაა, ეს შაქარია. თუმცა 2021 წლიდან ჩვენ ნატურალური დამატკბობლის გამოყენებას დავიწყებთ, რომელსაც მსოფლიოში ცნობილი კომპანია „მანუფრი“ აწარმოებს,“ - აღნიშნავს „ბოტანისტის“ დირექტორი.  

დღესდღეობით წარმოებული „კაი“-ს სასმელები ადგილობრივ ბაზარზე იყიდება, ძირითადად სუპერმარკეტების - გუდვილის, ევროპროდუქტის, ნიკორას, სპარის, ფრესკოს მაღაზიებში. 2021 წლიდან კომპანია საექსპორტო პროდუქციის წარმოებასაც იწყებს, მათ შორის კანადასა და აშშ-ში.

East-fruit.com

მარიამ მორგოშია