რუსეთის ფედერაციის პრეზიდენტი ვლადიმერ პუტინი 27 იანვარს დავოსის მსოფლიო ეკონომიკურ ფორუმზე სიტყვით გამოვიდა. ეს მოხდა პირველად 2009 წლის შემდეგ. რატომ მიიღო რუსეთის პრეზიდენტმა ეს გადაწყვეტილება სწორედ ახლა?
რუსეთის პრეზიდენტმა ისაუბრა, თუ როგორ შეიცვალა მსოფლიო კორონავირუსის პანდემიის გავლენით. მისი თქმით, შეუძლებელია იმის არ შემჩნევა, თუ როგორ შეიცვალა ეკონომიკური პოლიტიკა და სოციალური სფერო. მოხდა საზოგადოებრივი აზრის რადიკალური პოლარიზაცია და პოპულიზმის აღზევება.
„რა თქმა უნდა, ისტორიაში არ არის პირდაპირი პარალელები, მაგრამ ზოგიერთი ექსპერტი დღევანდელ სიტუაციას გასული საუკუნის 30-იან წლებს უკავშირებს. ასეთ სიტუაციაში შემიძლია მათ დავეთანხმო ან არ დავეთანხმო, მაგრამ ბევრი პარამეტრით, გამოწვევების კომპლექსური სისტემური ხასიათითა და მასშტაბებით, გარკვეული ანალოგია არსებობს“ - აღნიშნავს ის.
მან ასევე ივარაუდა, თუ სადამდე შეიძლება მიიყვანოს მსოფლიო მოვლენების მსგავსმა განვითარებამ.
„სიტუაცია შესაძლოა განვითარდეს მოულოდნელად და უმართავად, თუ რა თქმა უნდა არ მივიღებთ ზომებს, რომ ეს არ მოხდეს. არსებობს ალბათობა, რომ მსოფლიოს განვითარების სრული ჩამოშლა მოხდეს.
განვითარებული ქვეყნების შემოსავალი მოსახლეობის ერთ პროცენტს ერგო წილად, დანარჩენისთვის შემოსავალი არ გაზრდილა,“ - აღნიშნა ვლადიმერ პუტინმა დავოსის ფორუმზე.
მისივე თქმით, ახლა ეკონომიკების განვითარება განისაზღვრება ბიუჯეტის სტიმულირებით, სადაც საკვანძო როლს ხელისუფლება და ცენტრალური ბანკები ასრულებენ. რუსეთის ლიდერმა გლობალური უსაფრთხოების დეგრადაცასაც გაუსვა ხაზი. მისი თქით, სუსტდება საერთაშორისო ინსტიტუტები, მრავლდება რეგონალური კონფლიქტები ხოლო წინააღმდეგობები სპირალისებურად იხვევა.
მსოფლიოს პირველი პირები, მათ შორის რუსეთიც ფორუმის ორგანიზატორებისგან ყოველწლიურად ტრადიციისამებრ იღებდა მოწვევას, მაგრამ ვლადიმერ პუტინი 12 წლის მანძილზე ამ პლატფორმას სრულად „აიგნორებდა“. „ეს პუტინის ძველი პოზიციაა, ის არასდროს მიიჩნევდა ფორუმს მნიშვნელოვნად. მისთვის ეს უცხო პლატფორმაა, რომელიც უფრო ოლიგარქებისთვისაა შესაფერისი“ - განმარტავს პოლიტოლოგი გლებ პავლოვსკი.
„არ შეიძლება იმის თქმა, რომ რუსი ჩინოვნიკები სრულად უგულებელყოფდნენ ფორუმს“- ამბობს სოციოლოგი კონსტანტინ გააზე. - „რუსულ დელეგაციას ვიცე პრემიერები ხელმძღვანელობდნენ. 2020 წელს ამ დელეგაციას ეკონომიკური განვითარების მინისტრის როლში მაქსიმ ორეშკინმა უხელმძღვანელა. ყოველ შემთხვევაში, როცა რუსეთის მხარეს საკუთარი პოზიციის გაჟღერება სურდა, ის საკუთარ ფორუმს იყენებდა სანკტ პეტერბურგში. - ამბობს გააზე.
რა შეიცვალა 2021 წელს?
„პრეზიდენტის გადაწყვეტილებაზე, რომ მონაწილეობა მიეღო დავოსის მსოფლიო ეკონომიკურ ფორუმში იმოქმედა იმან, რომ პროცესი ონლაინ რეჟიმში ტარდება“ - ამბობს პოლიტოლოგი ალექსეი მაკარკინი.
„დისტანციური ფორმატი პანდემიის დროს, საშუალეობას აძლევს მონაწილე პირს მონოლოგით შემოიფარგლოს. რუსეთის მხარის იმედგაცრუება დავოსის ფორუმის მიმართ დიდი ხნის წინ დაიწყო. დიდ მოლაპარაკებებს იქ ვერ მიაღწევთ - როცა საჭიროა პუტინი მონაწილეობას დიდი 20-ეულის სამიტზე იღებს სხვა სახელმწიფოებთან ერთად. რუსულ ელიტას თავად დავოსის მოწვევა ნაკლებად აინტერესებს,“- ამბობს ის.
„ფორუმში ჩართვა ესა მცდელობა შეამოწმოს რუსეთმა, როგორ იქნება რუსული პოზიციები აღქმული დასავლეთში, მათ შორისაა ეკოლოგიის საკითხებიც“ - ვარაუდობს ალექსეი მაკარკინი.
„უახლოეს პერიოდში დავოსი ერთადერთი პლატფორმაა საერთაშორისო დონეზე, სადაც პუტინს შეუძლია გამოვიდეს მისთვის მნიშვნელოვანი მოწოდებებით“ - ამბობს გლებ პავლოვსკი. „რუსეთის იზოლაცია საკმაოდ შორს წავიდა და უკვე აღარ გამოიყურება, როგორც კარგად ჩაფიქრებული თავდაცვა, არამედ სისუსტეს ჰგავს. მეორეს მხრივ, პრეზიდენტი შიშობს, რომ შეიძლება მალე საერთაშორისო არენიდან გაქრეს, თუმცა ახლა სხვა ზომების მიღება არ შეუძლია,“
„ის ხედავს რომ პოლიტიკაში უფრო და უფრო მძიმდება სიტუაცია და საფრთხის შეგრძნება გაუჩნდა. ამიტომაც დაიწყო მოქმედება, მაგალითად როდის პასუხობდა პრეზიდენტი პირადად ალექსეი ნავალნს? მან ეს ამ თვეშ ორჯერ გააკეთა. პუტინი ახლა რეიტინგთან დაკავშირებულ პრობლემებს წყვეტს შიდაპოლიტიკური აქტივობებით,“ - ამბობს პოლიტოლოგი აბას გალიამოვი.
ria.ru
forbes.ru
მოამზადა მარიამ მორგოშიამ