პირდაპირი უცხოური ინვესტიციების რაოდენობა მესამე კვარტალშიც მკვეთრად -23.6%-ით $303 მლნ-მდე შემცირდა რაც 2013 წლის შემდეგ ყველაზე დაბალი მაჩვენებელია. ინფორმაციას საქსტატი ავრცელებს.

სამი კვარტალის ჯამში ქვეყანაში შემოსული ინვესტიციების ჯამური რაოდენონა $719 მლნ-ს შეადგენს,გასული წლის ანალოგიურ პერიოდთან შედარებით 24%-ით ნაკლებს. რაც ასევე ბოლო 10 წლის მინიმუმია. რამდენიმე გამონაკლისის გარდა ინვესტიციები თითქმის ყველა მიმართულებით შემცირებულია.

იანვარ-სექტემბერში საფინანსო სექტორში ინვესტირების მოცულობა 69%-ით $302 მლნ-მდე გაიზარდა, თუმცა 78%-იანი კლება ფიქსირდება ენერგეტიკაში - $46 მლნ, $209 მლნ-ის ნაცვლად. $116 მლნ-დან $65 მლნ-მდე შემცირდა ინვესტიციები დამუშავებულ მრეწველობაში. სასტუმროებსა და რესტორნებში $116 მლნ-დან $26 მლნ-მდე. მცირედი კლება აღინისნება ასევე კავშირგაბმულობასა და ჯანდაცვის სფეროში. მატება - სამტომოპოვებით მრეწველობაში.

რაც შეეხება სახელმწიფოებს სამი კვარტალის ჯამში ყველაზე მეტი - $250 მლნ-ის ინვესტიცია ბრიტანეთმა განახორციელადა მან ამით 35%-იანი წილი დაიკავა. მეორე ადგილზე $150 მლნ-იტ ნიდერლანდებია, სამეულს $72 მლნ-ით აშშ ასრულებს.

წელს პირველად რეინვესტირების მოცულობამ სააქციო კაპიტალის მოცულობას გაუსწრო. თუ შარშან იანვარ სექტემბერში რეინვესტირებამ $450 მლნ შეადგინა - სააქციო კაპიტალის $521 მლნ-ის 86%, წელს ბალანსი დაირღვა. რეინვესტირების მოცულობამ $417 მლნ შეადგინა, რაც სააქციო კაპიტალიც მოცულობის - $248 მლნ-ის 168%-ს შეადგენს.

ინვესტიციების კლებაში პანდემია ერთადერთი დამნაშავე არ არის. სასტუმროებისა და რესტორნების სფერო რომც გამოვრიცხოთ $150 მლნ-იანი კლება მაინც რჩება. 2017 წლის რეკორდული - $1.978 მლრდ-იანი ინვესტირების შემდეგ 2018-2019 წლებში საქართველოში თითქმის იდენტური ოდენობის - $1.306 და $1.310 მლრდ-ის უცხოური კაპიტალი შემოვიდა.

მშპ-სთან მიმართებაში ინვესტიციებმა მაქსიმალურ 18.6%-იან მაჩვენებელს 2007 წელს მიაღწია. 2018-2019 წლებში კი 7%-მდე შემცირდა.

გიორგი ელიზბარაშვილი