პირბადეების დეფიციტი - რა შეცვალა ფორსმაჟორმა

პირბადეების დეფიციტი - რა შეცვალა ფორსმაჟორმა

access_time2020-04-08 20:45:07

COVID-19-თ გამოწვეულმა​ პანდემიამ მსოფლიოში სამედიცინო მასალების დეფიციტი შექმნა, მათ შორის საქართველოშიც. სააფთიაქო ქსელებიდან ჯერ კიდევ რამდენიმე კვირის წინ გაქრა დამცავი პირბადეები, რის გამოც პირბადეების საყოველთაო გამოყენების რეკომენდაცია ძნელად შესასრულებელი გახდა.

 

პანდემიის დაწყებამდე, 2020 წლისთვის სახელმწიფოს დაახლოებით მილიონ-ნახევარი პირბადის შეძენა ჰქონდა დაგეგმილი. ამისთვის კონსოლიდირებული ტენდერი 2019 წლის დეკემბერში ჩატარდა. გაიმარჯვა კომპანია “გოლდმედმა”, რომელსაც 1 ცალი ჩინური წარმოების სამშრიანი სამედიცინო პირბადე, 4,5 თეთრად უნდა მიეწოდებინა.


“გოლდმედს” პირბადეების მიწოდება 2020 წლის იანვრიდან უნდა დაეწყო და წლის ბოლომდე გაეგრძელებინა, თუმცა პანდემიამ მოუსწრო.

 

“გოლდმედის” წარმომადგენელმა რადიო თავისუფლებას უთხრა, რომ მხოლოდ 300 ათასი პირბადის მიწოდება შეძლო, ისიც წინა წელს მორჩენილი რეზერვიდან, წლევანდელი შეკვეთა კი ჩინურმა მომწოდებლებმა აღარ შეასრულეს, მიზეზად პანდემია დაუსახელეს.

 

ახლა “გოლდმედი” სახელმწიფო შესყიდვების სააგენტოსთვის იმის დამტკიცებას ცდილობს, რომ ტენდერით აღებულ ვალდებულებას ფორსმაჟორული მდგომარეობის გამო ვერ ასრულებს, ამისთვის ჩინეთიდან გამოგზავნილი წერილები სააგენტოს წარუდგინა და გადაწყვეტილებას ელოდება.

 

ამასობაში სახელმწიფო დაწესებულებებმა კონსოლიდირებული ტენდერის შეფერხებით გამოწვეული დეფიციტის შევსების გზების ძებნა დაიწყეს, მათ ცალ-ცალკე შეარჩიეს კომპანიები და ხელშეკრულებები გააფორმეს.


 

პანდემიამდე საქართველოში სტანდარტული, რამდენიმეშრიანი სამედიცინო პირბადე საცალო ქსელში 18-20 თეთრი ღირდა, მისი საბითუმო ფასი კი 4,5-დან 6 თეთრამდე მერყეობდა.

 

დეფიციტმა კი ფასი მნიშვნელოვნად გაზარდა, თუ კონსოლიდირებული ტენდერის შემთხვევაში 1 ცალ პირბადეში 4,5 თეთრი უნდა გადაეხადათ, ახლა ზოგიერთ შემთხვევაში 50-ჯერ ძვირს - 2 ლარს იხდიან. განსაკუთრებით მაღალია ე.წ. მრავალჯერადი პირბადის ფასი და 5 ლარსაც კი აღწევს.

 

ბოლო ერთ თვეში გადაუდებელი აუცილებლობის წესით სახელმწიფო დაწესებულებებმა დაახლოებით 3,7 მილიონი ლარი გადაიხადეს მხოლოდ პირბადეებში. 1 ცალი პირბადის ფასი უწყებების მიხედვით სხვადასხვაა და 30 თეთრიდან 5 ლარამდე მერყეობს.

 

ჩვენ შევისწავლეთ რომელი სახელმწიფო დაწესებულება როგორ პირბადეს ყიდულობს და რა ფასად:


მნიშვნელოვნად განსხვავდება სახელმწიფო დაწესებულებების მიერ შესყიდული ჩვეულებრივი პირბადეების ფასი და მახასიათებლები, ზოგიერთი უწყება ორშრიანს ყიდულობს, ზოგი სამშრიანს, ნაწილი ქართული წარმოებისას, ნაწილი კვლავ უცხოურს. მაგალითად, მთავარმა პროკურატურამ 2000 ცალი შავი ფერის სამედიცინო პირბადე შეიძინა და 1 ცალში 1,5 ლარი გადაიხადა.


პირბადეების დამზადება ქართულმა კომპანიებმაც დაიწყეს, საქართველოში მათ ხელით, სათითაოდ კერავენ, რაც მის ფასზე აისახება. ქართულ პირბადეში სახელმწიფო უწყებებმა 1 ცალში 1-დან 2 ლარამდე გადაიხადეს.

 

კომპანიების ინფორმაციით, ჩინეთშიც გაიზარდა პირბადეების ფასი, თუ პანდემიამდე 1 ცალი პირბადე საქართველომდე 4 თეთრზე ნაკლები უჯდებოდათ, ახლა ჩინეთში ადგილზე ღირს 1 ცალი დაახლოებით 20 ცენტი. სახელმწიფო დაწესებულებებს წელს დაახლოებით 3 მილიონამდე პირბადე აქვს შეძენილი და ყოველდღე ახალ-ახალი კონტრაქტები ფორმდება.


radiotavisupleba.ge




პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე

 პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე
access_time2020-09-26 11:28:24
პარტია „ქართული ოცნების“ აღმასრულებელმა მდივანმა და საარჩევნო შტაბის უფროსმა ირაკლი კობახიძემ „რუსთავი 2“-ის ეთერში ილაპარაკა კორონავირუსის პანდემიამდე საქართველოში მშპ-ს ზრდის შესახებ. პარლამენტის ყოფილმა თავმჯდომარემ ეკონომიკის ზრდის მაჩვენებელი არასწორად, მიმდინარე ფასებში დათვალა და თქვა, რომ...

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...


მსგავსი სიახლეები

up