პინჩუკებმა საკულტო სკულპტურა უკრაინის დასახმარებლად Christie's-ის აუქციონზე გაყიდეს

პინჩუკებმა საკულტო სკულპტურა უკრაინის დასახმარებლად Christie's-ის აუქციონზე გაყიდეს

access_time2022-06-29 18:10:00

ჯეფ კუნსის საკულტო სკულპტურა Balloon Monkey (Magenta), რომელიც უკრაინელ მილიარდერებს, ვიქტორ და ელენა პინჩუკებს ეკუთვნოდა, Christie's-ის აუქციონზე, დაახლოებით, 11,5 მლნ დოლარად გაიყიდა. ამის შესახებ აუქციონის სახლმა განცხადება Instagram-ზე, ხოლო ვიქტორ პინჩუკის ფონდმა ოფიციალურ ვებგვერდზე გაავრცელა.


მასში, ასევე, ნათქვამია, რომ გაყიდული ქანდაკებიდან მიღებულ მთელ შემოსავალს პინჩუკების ფონდი უკრაინის ჰუმანიტარულ საჭიროებებს მოახმარს. კერძოდ, თანხა მოხმარდება ომის დროს მძიმედ დაჭრილ სამხედრო და სამოქალაქო პირებს, ვისაც პროთეზირება, მკურნალობა და რეაბილიტაცია ცხოვრების ხარისხის აღსადგენად სასწრაფოდ სჭირდება.


ორგანიზატორმა აღნიშნა, რომ ქანდაკება აუქციონის, „XX/XXI საუკუნე: საღამოს ლონდონური ვაჭრობის“ ტოპ ლოტი გახდა.


ვიქტორ პინჩუკმა და მისმა მეუღლემ, ელენამ უკრაინის ჰუმანიტარული დახმარებისთვის თანხის მისაზიდად Balloon Monkey-ის აუქციონზე გატანა 7 ივნისს დააანონსეს. ხელოვნების ნიმუშის სავარაუდო ღირებულება 6 მილიონიდან 10 მლნ ფუნტ სტერლინგამდე მერყეობდა, ხოლო საბოლოო გასაყიდი ფასი ბრიტანულ ვალუტაში 10,136 მლნ ფუნტს შეადგენდა.



24 თებერვალს, უკრაინაზე რუსეთის თავდასხმიდან დღემდე ვიქტორ და ელენა პინჩუკებს თავიანთი სახსრებითა და სხვა სტრუქტურებით 35 მლნ დოლარზე მეტი ოდენობის ჰუმანიტარული და სამხედრო დახმარება აქვთ გაწეული. ფონდის მიერ დაბომბვისა და აფეთქებების შედეგად დაშავებული სამხედრო და სამოქალაქო პირებისთვის, სხვა საჭიროებებთან ერთად, მოხდა პირველადი სამედიცინო დახმარების ნაკრების, ასევე, სასწრაფო დახმარების ჯავშანმანქანების მიწოდება, მომარაგდა 40 საავადმყოფო და გაიცა სხვა სახის ჰუმანიტარული დახმარება.


Forbes 2022-ის რეიტინგში ვიქტორ პინჩუკი 1,9 მლრდ დოლარის ქონების მფლობელია. ის უკრაინის ყოფილი პრეზიდენტის, ლეონიდ კუჩმას სიძე და კომპანია Interpipe-ის დამფუძნებელია. პინჩუკმა თებერვლის ბოლოდან 700 მლნ დოლარი დაკარგა. Interpipe-ის ცნობით, კომპანია სამხედრო და ტერიტორიული თავდაცვის ძალებისთვის პერსონალურ დამცავ აღჭურვილობას ყიდულობს და ტერიტორიული თავდაცვის ნაწილების აღჭურვისთვის ჯავშანჟილეტების მიმწოდებლებს ეძებს. Interpipe-ის საწარმოები ორ დღეში 96 ე.წ. ტანკსაწინააღმდეგო ზღარბს ანუ ლითონის ზღუდეს ამზადებს. კომპანია რეგიონული სამხედრო ნაწილების, ტერიტორიული თავდაცვის ქვედანაყოფებისა და მოხალისეთა ორგანიზაციების გადაუდებელ საჭიროებებს უზრუნველყოფს. მოთხოვნის შემთხვევაში, აგზავნის საწვავს, მილებს, ლითონს, ბეტონის ბლოკებს, ფილებს, ლურსმნებს, ჭურჭელს, სამშენებლო მასალას, საკანცელარიო ნივთებს, თერმო საცვლებს და სხვა. საქველმოქმედო ფონდ „რეგიონის აღორძინების“ თანხები, ასევე, უკრაინის შეიარაღებულ ძალებს, ტერიტორიული თავდაცვის ნაწილებსა და დაჭრილებს ხმარდება.


დნიპროს, ნოვომოსკოვსკსა და ნიკოპოლში საწარმოების ტერიტორიაზე 18 დროებითი თავშესაფარი მოეწყო. დაბომბვის ან საჰაერო თავდასხმის საფრთხის დროს მას 8500-ზე მეტი ადამიანი აფარებს თავს.


ვიქტორ და ელენა პინჩუკებმა და პინჩუკის ფონდმა, ასევე, მისმა პარტნიორებმა, Schmidt Futures-მა, Vista Equity Partners-მა, Minderoo Foundation-მა და Atlantic Foundation-მა უკრაინის დახმარების ფონდი დააფუძნეს, რაც 6 მლნ დოლარის ერთობლივი საქველმოქმედო ინიციატივაა. ფონდის სახსრები უკრაინელების გადაუდებელ საჭიროებებს, განსაკუთრებით სამედიცინო აღჭურვილობას ხმარდება.


bpn.ge



თეგები:
სკულპტურა



დოლარისა და ევროს გატანა Visa/Mastercard-ზე, ასევე უკრაინული გრივნის გატანა IBAN ანგარიშის ნომერზე - WhiteBIT კრიპტოვალუტის ბირჟა აფართოებს თავისი სერვისების ფუნქციონალს.

დოლარისა და ევროს გატანა Visa/Mastercard-ზე, ასევე უკრაინული გრივნის გატანა IBAN ანგარიშის ნომერზე - WhiteBIT კრიპტოვალუტის ბირჟა აფართოებს თავისი სერვისების ფუნქციონალს.
access_time2022-09-29 13:55:25
უკრაინული წარმოშობის, ევროპაში ყველაზე დიდი კრიპტოვალუტის ბირჟა WhiteBIT, აგრძელებს თავისი სერვისების ფუნქციონალისა და შესაძლებლობების გაფართოებას. ამიერიდან WhiteBIT-ის მომხმარებლებს შეუძლიათ გაიტანონ დოლარი (USD) და ევრო (EUR) Visa/Mastercard საბანკო ბარათზე, ასევე გრივნა (UAH) საერთაშორისო საბანკო ანგარიშის ნომერზე - IBAN. ანუ, ახლა მომხმარებლებს აღარ სჭირდებათ დამატებითი სერვისები ან შუამავლები ამ ოპერაციების განსახორციელებლად - ამ ტრანზაქციის...

საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა

საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა
access_time2022-09-29 14:00:08
„საქართველოს რკინიგზამ“ 2021 წელს ლარში შემოსავლის 11,95%-იანი ზრდა აჩვენა,  8,04%-იანი წლიური ზრდა დაფიქსირდა  დოლარის კუთხითაც, ოღონდ ლარის კურსის რყევების გამო, ოდნავ შენელებული ტემპით - ამის შესახებ ინფორმაცია TBC Capital -  ის კვლევაშია მოცემული. მათივე ინფორმაციით, პოზიტიური დინამიკა 2022 წლის პირველ ნახევარშიც გაგრძელდა, როდესაც შემოსავალი წინა წლის ანალოგიურ პერიოდთან შედარებით ლარში 12,06%-ით გაიზარდა, ხოლო 21,81% -ით...

უძრავი ქონების პლატფორმას - Georgia Real Estate ახალი გენერალური დირექტორი ჰყავს

უძრავი ქონების პლატფორმას - Georgia Real Estate ახალი გენერალური დირექტორი ჰყავს
access_time2022-09-29 12:55:22
უძრავი ქონების პლატფორმას - Georgia Real Estate (დეველოპერული კომპანია m2-ის მფლობელი კომპანია) ახალი გენერალური დირექტორი, გურამ ახვლედიანი უხელმძღვანელებს. გურამ ახვლედიანი Georgia Capital-ის ჯგუფში, რომელიც Georgia Real Estate-ის დედა კომპანიაა, შვიდი წლის განმავლობაში სხვადასხვა პოზიციას იკავებდა. 2021 წლიდან დღემდე,  ის  Georgia Real Estate -ის ტექნიკური დირექტორი იყო.   გიორგი ვახტანგიშვილი, რომელიც Georgia Real Estate-ის გენერალური დირექტორის...

ქართული საწარმოების ვებ-გაყიდვები ქვეყნის ფარგლებს გარეთ გაიზარდა - ლიდერი ევროკავშირია

ქართული საწარმოების ვებ-გაყიდვები ქვეყნის ფარგლებს გარეთ გაიზარდა - ლიდერი ევროკავშირია
access_time2022-09-29 15:00:19
საქართველოს სტატისტიკის ეროვნული სამსახურის მიერ 2021 წელს გამოკითხულ ქართულ საწარმოებზე დაყრდნობით, საქართველოს შემდეგ (49.2%), მის ფარგლებს გარეთ საწარმოების ონლაინ გაყიდვების უდიდესი წილი ევროპაზე მოდის (17.2%), რომელსაც მოსდევს დსთ-ს ქვეყნები (15%) და აშშ (5.8%). აღსანიშნავია, რომ ვებ-გაყიდვები 2020 წლის მაჩვენებელთან შედარებით ქვეყნების მიხედვით, შემცირებულია საქართველოში და გაზრდილია ყველა ძირითად ქვეყანაში. 2020 წელს საწარმოთა ვებ-გაყიდვების განაწილება...

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“
access_time2022-09-29 12:37:21
ტელეკომპანია „ფორმულას“ დამფუძნებელი, დავით კეზერაშვილი განცხადებას ავრცელებს, სადაც აღნიშნულია, რომ არასოდეს ჩარეულა და არც მომავალში ვაპირებს ჩარევას ცალკეული ოპოზიციური პარტიების დღის წესრიგის განსაზღვრაში. ბოლო პერიოდში განვითარებული მოვლენების გამო საქართველოში, ჩავთვალე, რომ ვალდებული ვარ, როგორც ჩვენ ქვეყანაში, ასევე რეგიონში განვითარებულ მოვლენებს გამოვეხმაურო, ჩემი პოზიცია დავაფიქსირო და საზოგადოებამდე ჩემი სათქმელი მივიტანო. დღეს...


მსგავსი სიახლეები

up