პიელ ნატურალსი - ნატურალური კოსმეტიკა საქართველოდან

პიელ ნატურალსი - ნატურალური კოსმეტიკა საქართველოდან

access_time2019-11-13 19:30:29

„პიელ ნატურალსი“ ნატურალური კოსმეტიკის მწარმოებელი ქართული ბრენდია, რომელიც თავის მოვლის სრულიად ორგანულ საშუალებებს სთავაზობს მომხმარებლებს. ბრენდის მიზანი უმაღლესი ხარისხის პროდუქციისა და მომსახურების შეთავაზებაა მსურველებისთვის, თანაც მოქნილ ფასად. კომპანიას სურს, რომ რაც შეიძლება მეტი ადამიანისთვის იყო ხელმისაწვდომი ბიოლოგიურად სუფთა თავის მოვლის საშუალებები, რომლებიც პარაბინებისა და ქიმიური დანამატებისგან სრულიად თავისუფალი იქნება.


ბრენდის პროდუქცია საკმაოდ მრავალფეროვანია. კომპანია 60-მდე დასახელების პროდუქტს აწარმოებს. თბილისში „პიელ ნატურალსის“ მაღაზია აბაშიძის 33 ნომერში მდებარეობს. ბრენდის სტენდები წარმოდგენილია ქავთარაძის „სითი მოლსა“ და ბათუმის სავაჭრო ცენტრ „მეტრო სითიში“. საქართველოს მასშტაბით კი „პიელ ნატურალსის“ პროდუქციას 20-მდე სალონსა და სავაჭრო ცენტრში შეხვდებით.


ბრენდის დამფუძნებელი თათუკა ლომაძეა. პროფესიით ბიზნესადმინისტრირების მაგისტრი და ახლა უკვე დოქტორანტიცაა. მაინორ-პროფესიით კი ინგლისური ენის სპეციალისტი, რომელიც პედაგოგიურ საქმიანობას ევროპული სკოლის ბაღსა და ნიუტონის სკოლაში აქტიურად ეწეოდა. მიუხედავად აკადემიური საქმიანობისა, ბავშვობიდან მისი დიდი სურვილი მეუღლესთან ერთად საკუთარი ბიზნესის წარმოება იყო. თუმცა, კონკრეტულად რა იქნებოდა ეს ბიზნესი, სრულიად ექსტრემალურ სიტუაციაში გადაწყდა.


თათუკა ლომაძე Entrepreneur-ს ბრენდის იდეის გაჩენისა და წამოწყების საკმაოდ საინტერესო ისტორიას უზიარებს:



„ყველაფერი იმით დაიწყო, რომ საქორწინო მოგზაურობაში მე და ჩემს მეუღლეს, თორნიკე ლომიძეს თვითმფრინავი გაგვიცდა. ამას ახლა სიცილით ვიხსენებ, მაშინ კი ეს წუთები ჩემთვის ძალიან ტრაგიკული იყო. ბარსელონაში გაფიცვა ყოფილა დღისით. არც ტაქსი იყო. ჩვენ და აეროპორტი ქალაქის ორ უკიდურეს წერტილში ვიყავით. გავიგეთ თუ არა გაფიცვის შესახებ, 2-2 ჩემოდნით ხელში თავქუდმოგლეჯილები მივრბოდით. გადავრბოდით მეტროში ხაზიდან ხაზზე, მაგრამ ეს ის მომენტია, როცა წუთები გადამწყვეტია. აქოშინებულები მივვარდით ტურინისაკენ მიმავალ გეითთან, მაგრამ 3 წუთით დააგვიანეთო, აღარ შეგვიშვეს. ჯაჭვური რეაქციით კიდევ სხვა მატარებლებზე დაგვაგვიანდა, ტურინში საერთოდ ვეღარ წავედით. ბარსელონადან მილანამდე, მილანიდან ბოლონიამდე, ბოლონიიდან ვენეციამდე ძლივს ჩავაღწიეთ 2 დღეში და ასეთი გაწამებულები. ჩვენი მეგობრები რომ არ დაგვხმარებოდნენ ფულის ტრანსფერებით თბილისიდან, მარტოები ვერაფერს გავხდებოთ. ბოლო ორი დღე მაინც ვისიამოვნეთ კომოს ტბასთან. ჩვენს იტალიელ მეგობრებს − მარკოს და მანუელას, იახტაზე კაკაოს კარაქი ჰქონდათ წამოღებული და იმით ირუჯებოდნენ. ორ დღეში ამ კაკაომ საოცარი რუჯი მიგვაღებინა. კოსმეტიკური იდეაც სწორედ აქ დაიბადა...“


თბილისში დაბრუნებისთანავე, Facebook-გვერდი შექმნა და ონლაინ გაყიდვებიც დაიწყო. საკუთარი ხელით შინ სხვადასხვა ორგანულ მასალას ადნობდა, ფუთავდა, აზავებდა და ყიდდა. მალე მის წამოწყებას საკმაოდ დიდი გამოხმაურება და დაინტერესება მოჰყვა. პირველ ეტაპზე თამარს ყველა მიმართულებით თავად უწევდა საქმიანობა: მასალების შეძენა, დამზადება, წერილებსა თუ ზარებზე პასუხი, საკურიერო მომსახურება. უამრავი საქმის შესამსუბუქებლად, როგორც თავად ამბობს, მალე საკუთარი მეუღლეც თავწაკრული ამოუდგა მხარში. საქმის მოცულობა კი იმდენად გაფართოვდა, რომ თამარს პედაგოგიური საქმიანობისთვის თავის დანებება მოუწია. „მივიჩნიე, რომ მზარდ მოთხოვნაზე მიწოდების შეჩერება დანაშაულის ტოლფასი იქნებოდა“, − გვეუბნება თათუკა.


თათუკასა და თორნიკესთან ერთად, გაიზარდა კომპანიის გუნდიც. თავის მოვლის ინდუსტრიის საჭიროებებისა და ყველა მახასიათებლის გულდასმით შესწავლის შემდეგ, ბაზარს პროდუქციის საკმაოდ მრავალფეროვანი და საჭირო სპექტრი შესთავზეს, როგორც ქალბატონებისთვის, ასევე მამაკაცებისთვის. მომხმარებლების მხრიდან გამოცხადებული ნდობის საპასუხოდ, ყოველდღე ხვდებოდნენ, რომ კიდევ უფრო მეტი უნდა გაეკეთებინათ და გაორმაგებული ძალებით აგრძელებდნენ მუშაობას. ასე გრძელდება დღესაც.


„ვფიქრობ, CUSTOMER IS THE KING მიდგომას ჩვენი მომხმარებლები გრძნობენ და ეს უფრო მეტ ერთგულებას და სითბოს იწვევს ჩვენს ურთიერთობაში. ყველაფერს ვაკეთებთ, რომ ჩვენი ნებისმიერი მომხმარებელი კმაყოფილი იყოს არა მხოლოდ პროდუქტით, არამედ მომსახურებით. საოცარი გუნდი გვყავს, ონლაინოპერატორების, კონსულტანტების თუ კურიერების სახით და მე მადლობელი ვარ მათი, რომ ასე თბილად და გულიანად ემსახურებიან ჩვენს მომხმარებლებს“, − ამბობს თათუკა ლომიძე.


„პიელ ნატურალსი“ და მისი გუნდი გაჩერებას არ აპირებს. ქართულ ბაზარზე მყარად დამკვიდრების შემდეგ, კომპანიის მიზანი ბრენდის პროდუქციის საზღვარგარეთ გატანაა. უახლოეს მომავალში „პიელ ნატურალსი“ დუბაიში წარდგება, როგორც ქართული ნატურალური კოსმეტიკის მწარმობელი ბრენდი. კომპანიის ვიზიტი კიდევ არაერთ ქვეყანაშია დაგეგმილი, იქამდე კი „პიელ ნატურალსი“ ქართველ მომხმარებლებს არაერთი სიურპრიზითა და სასიამოვნო სიახლით, სილამაზის საერთაშორისო გამოფენაზე, „ექსპო ჯორჯიაში“ ელოდება.


წყარო: entrepreneur.com






შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი

შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი
access_time2020-09-19 14:49:13
ის, რომ დღეს საქართველოს საფონდო ბირჟა განვითარებული არ არის, არის თუ არა მეტწილად ბანკების ბრალი, როგორც ამას ფინანსისტთა ნაწილი მიიჩნევს და შეუშალეს თუ არა მათ ხელოვნურად ხელი ბირჟის განვითარებას, ამ კითხვით Forbes Talks-ში წამყვანის მიერ დასმულ კითხვას „ლელო საქართველოს“ თავმჯდომარემ მამუკა ხაზარაძემ უპასუხა. პოლიტიკაში წასული ბიზნესმენი კატეგორიულად ამბობს, რომ არა! მისი თქმით, აქ პრობლემა რეგულაციებშია. ხაზარაძე Forbes Georgia-ს მთავარ რედაქტორთან ინტერვიუში ეროვნული ბანკის...

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე
access_time2020-09-14 14:15:25
ცენტრალურმა საარჩევნო კომისიამ უკვე გამოაქვეყნა რეკომენდაციები, თუ რა წესების დაცვა იქნება სავალდებულო საარჩევნო უბნებზე 31 ოქტომბერს დაგეგმილ არჩევნებზე. შემუშავებული რეკომენდაციების თანახმად, აღსანიშნავია, რომ უბნებზე მისულ ამომრჩეველს თერმოსკრინინგი არ ჩაუტარდება და ამასთან, მათ ინდივიდუალური კალმების გამოყენების საშუალება ექნებათ. ცესკოს მიერ შემუშავებული რეკომენდაციები ასე გამოიყურება: კენჭისყრის შენობის შესასვლელთან უნდა განთავსდეს დეზობარიერი (კოლექტიური დაცვის...

პროგრამის - აწარმოე საქართველოში 17 ბენეფიციარს ქონება ჩამოერთვა

პროგრამის - აწარმოე საქართველოში 17 ბენეფიციარს ქონება ჩამოერთვა
access_time2020-09-19 13:45:14
“აწარმოე საქართველოში“ პროგრამის ფარგლებში აღებული ვალდებულებების შეუსრულებლობის გამო, პროგრამის ამოქმედებიდან დღემდე ქონება 17 კომპანიას ჩამოერთვა. აღნიშნული ინფორმაცია BM.GE-მ ქონების მართვის სააგენტოდან გამოითხოვა. ქონებაჩამორთმეულ კომპანიებს შორისა: შპს “იბერია ევრო პრო”შპს “აილამა”შპს “ენ-ეიჩ-ელ 43 “შპს “წალკის რძის პროდუქტები” ( ხელშეკრულება შეწყდა ვალდებულებების შესრულების ვადის დადგომამდე, მოსალოდნელი შეუსრულებლობით)შპს „ხევი“შპს “ნ.გ...

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია
access_time2020-09-19 14:45:19
„სააკაშვილმა მეკვიდრეობით მიიღო ფაქტიურად მომაკვდავი ქვეყანა თავისი ყველა მაჩვენებლით, არანაირი სახელმწიფოებრიობის ნიშნებით. ამავე დროს, არ იყო დრო, არ იყო კადრები, არც ფული, მაგრამ ჩვენ გვესმოდა, რომ უნდა გვემოქმედა ძალიან სწრაფად და შეუპოვრად. ქვეყნისთვის ყველაზე მთავარი საშიში პრობლემა იყო კორუფცია და დანაშაული. ამით დაინფიცირებული იყო საქართველოს სხეულის ყველა უჯრედი. საჭირო იყო გადაგვერჩინა მთლიანად სხეული და არა მისი ცალკეული ორგანოები და ჩვენ...

უნივერსიტეტებს უცხოელი სტუდენტების დაკარგვის ეშინიათ

უნივერსიტეტებს უცხოელი სტუდენტების დაკარგვის ეშინიათ
access_time2020-09-19 12:00:34
საქართველოს უმაღლეს სასწავლებლებში 13 000-ზე მეტი უცხოელი სტუდენტი სწავლობს. ახალი სასწავლო წელი მათთვის და მათი სასწავლებლებისთვის გამკაცრებული რეგულაციებით და გაზრდილი ხარჯით იწყება....


მსგავსი სიახლეები

up