პეტრიაშვილი – კონგრესმენების ანგარიშზე: „რაღაც შეიცვალა, რაღაც მნიშვნელოვანი ხდება“

პეტრიაშვილი – კონგრესმენების ანგარიშზე: „რაღაც შეიცვალა, რაღაც მნიშვნელოვანი ხდება“

access_time2020-06-11 20:48:52

13 ამერიკელი კონგრესმენის ანგარიშს, რომელშიც ქართული მმართველი პოლიტიკური ძალის ლიდერის ბიძინა ივანიშვილისა და რუსეთის პრეზიდენტის ვლადიმირ პუტინის კავშირზეა საუბარი, ქართულ პოლიტიკურ სპექტრში ტრადიციულად არაერთგვაროვანი შეფასება მოჰყვა: ოპოზიციამ ანგარიში ბიძინა ივანიშვილისა და „ქართული ოცნების“ „განაჩენად“ შეაფასა, მმართველი გუნდი კი საზოგადოებისთვის მისი მნიშვნელობის დაკნინებას ლობისტებზე აპელირებით შეეცადა.


ყოფილი სახელმწიფო მინისტრი ალექსი პეტრიაშვილი განმარტავს, რომ ამ ეტაპზე დოკუმენტი რომელიმე პოლიტიკური ძალისა თუ ორაგნიზაციის ვერდიქტი არაა, არაა კანონის ძალის მქონე, თუმცა არც ისე დაბალი დონისაა, როგორც მის წარმოჩენას მმართველი გუნდი ცდილობს.


პეტრიაშვილი დარწმუნებულია, რომ რეალურად როგორც „ქართულ ოცნებაში“, ისე თავად ბიძინა ივანიშვილიც აცნობიერებს მის მნიშვნელობას, უბრალოდ „მესიჯბოქსი“ შიდა აუდიტორიისთვის შემუშავდა.


„ეს არც კანონის ძალის მქონე დოკუმენტია, მაგრამ არც უმნიშვნელო. ეს დოკუმენტი შეიცავს რეკომენდაციებს ჩინეთთან, ირანთან, რუსეთის ხელისუფლებასთან მიმართებაში, სირიაზეა საუბარი და მათ შორის არც თუ ისე სახარბიელო კამპანიაა [ივანიშვილის მიმართ]. ვიღაცას შესაძლოა, არადამაჯერებლად მოეჩვენოს, მაგრამ ნამდვილად არ ვისურვებდი, საქართველოს არც ერთი პოლიტიკური ხელმძღვანელის იმ შემადგენლობაში მოხვედრას, როგორიც არის მედვედჩუკი, რომელსაც ადანაშაულებენ სამხედრო კონფლიქტსა და დაქირავებული მებრძოლების მხარდაჭერაში; ენტუშევკოვი... შემდგომ კონგრესის გადასაწყვეტია, ამ რეკომენდაციიდან რომელი გაითვალისწინოს ან პირიქით. იქ [კონგრესში] არ ხდება ისე, როგორც საქართველოს პარლამენტში, რომ რაღაც დოკუმენტი მომზადდა, პრეზენტაცია გაკეთდა და შემდეგ თაროზე შემოიდო. ეს არის დოკუმენტი, რომელიც შემდგომ განვითარებას და განხილვას კონგრესში აუცულებლად ჰპოვებს.



უშუალოდ სანქციების შემოღებამდე ჯერ კიდევ გზაა“,– განაცხადა პეტრიაშვილმა და დასძინა, რომ „პირველადაა საქართველოს ისტორიაში, როდესაც მმართველი ძალის ხელმძღვანელი მსგავსი ტიპის დოკუმენტშია წარმოდგენილი“.


„ენმ ხელისუფლებაში იყო, ლობისტებიც ჰყავდათ, მეგობრებიც, პირდაპირი სატელეფონო კომუნიკაციაც ჰქონდათ, მაგრამ მსგავსი ჩანაწერი 2011 წლის ოქტომბრიდან 2012 წლის ოქტომბრამდე არც ერთ დოკუმენტში არ მოხვედრილა. ესე იგი, რაღაც შეიცვალა, რაღაც მნიშვნელოვანი ხდება“,– ამბობს პეტრიაშვილი.


რაც შეეხება ლობისტებზე აპელირებას, საქმე ისე პრიმიტიულად არაა, როგორც მმართველი გუნდი ცდილობს წარმოჩენას:


„შეიძლება, პიარული თვალსაზრისით [ადგილობრივი აუდიტორიისთვის] ეს სწორი ტაქტიკა იყოს – „არაფერი დოკუმენტი არ არისო“... ამ დოკუმენტში არის ძალიან მნიშვნელოვანი აბზაცი, რომელიც საქართველო–აშშ–ის სტრატეგიულ თანამშრომლობას ეძღვნება და მართლაც აღმავალი გზით მიდის საქართველო–აშშ–ის თანამშრომლობა. ვისაც ეს აღმავლობა არ უხარია, ის საქართვლოს გულშემატკივარი არ არის. აქ ერთი მნიშვნელოვანი მომენტია – სწორედ ასეთი ტიპის დოკუმენტებიდან შემდგომ "გამოიდნობა" საბოლოო გადაწყვეტილებები. ამიტომ, ამას მხოლოდ ლობისტების დონეზე ნუ დაიყვანენ და ნუ მიაყენებენ შეურაცხყოფას თავად კონგრესმენებს, რადგან დოკუმენტი მათი შემუშავებულია. თუ ლობისტებმა მოახერხეს, რომ ეს წინადადება [ივანიშვილთან დაკავშირებული] დოკუმენტში მოხვდა და ივანიშვილი საკმაოდ ცუდ კამპანიაში მოყვა...რატომ არ დახარჯეს ძალისხმევა, რატომ არ აჯობეს ივანიშვილის ლობისტებმა და სახელისუფლებო მანქანამ?!“,– განაცხადა პეტრიაშვილმა „ტვ პირველის“ ეთერში.


წყარო: accentnews.ge






დღის Top 10 საინტერესო ამბავი

დღის Top 10 საინტერესო ამბავი
access_time2020-08-07 21:00:06
დღის Top 10 საინტერესო ამბავი 1.ფიზიკური პირების დაკრედიტებიდან „საქართველოს ბანკმა“ „თიბისისთან“ შედარებით 17 მილიონ ლარზე მეტი შემოსავალი მიიღო კომერციული ბანკების ფინანსური ანგარიშგებების 2020 წლის II კვარტლის მონაცემების მიხედვით, მათ სასესხო პორტფელში უდიდესი წილით ფიზიკურ...

„ლიდერფუდის“ უსაფრთხოების უფროსი მერაბ ბაღათურია ადვოკატ ავთანდილ თეთრაშვილს პასუხობს

„ლიდერფუდის“ უსაფრთხოების უფროსი მერაბ ბაღათურია ადვოკატ ავთანდილ თეთრაშვილს პასუხობს
access_time2020-08-07 13:00:18
„ლიდერფუდის“ გარშემო მიმდინარე დავის კონტექსტში ირაკლი დუმბაძის ადვოკატის ავთანდილ თეთრაშვილის მიერ გავრცელებულ განცხადებაში გაიჟღერა კომპანიის უსაფრთხოების უფროსის მერაბ ბაღათურიას სახელმა. კერძოდ, თეთრაშვილი წერს, რომ დავით ზეიკიძე და არჩილ კბილაშვილი მერაბ ბაღათურიას სასამართლოში სხდომის მიმდინარეობის დღესვე დაკითხვის კატეგორიული წინააღმდეგები იყვნენ და ეს უარი კი იმით აიხსნება, რომ ბაღათურია იმავე დღეს არ იყო მზად სარჩელის მიუღებლობის ვერსიის დასადასტურებლად და მის მოსამზადებლად ზეიკიძეს...

როგორი იყო ქართული ტურიზმი 61 წლის წინ

როგორი იყო ქართული ტურიზმი 61 წლის წინ
access_time2020-08-07 19:15:27
61 წლის წინათ საქართველოს კურორტების პოპულარიზაციისათვის რეჟისორ შალვა ჩაგუნავას გადაღებულ ფერად ფილმს ფერები, ფაქტობრივად, დაკარგული ჰქონდა. საქართველოს ეროვნული არქივის 4K გარჩევადობის სკანერზე ფილმის მაღალი ხარისხის ციფრული ასლი შეიქმნა. ამან ფილმის რესტავრატორებს საშუალება მისცა მოეხდინათ ფერისა და სინათლის კორექცია, დაზიანებების ციფრული გაწმენდა, ასევე, ხმის გასუფთავება და სინქრონიზაცია. რესტავრაციის პროცესი 6 თვეს გრძელდებოდა. 20-წუთიან ფილმში...

სვანეთში „გრაპა მესტია“ მაღალი კლასის სასტუმროს 2023 წელს გახსნის

სვანეთში „გრაპა მესტია“ მაღალი კლასის სასტუმროს 2023 წელს გახსნის
access_time2020-08-07 18:10:39
სვანეთში მაღალი კლასის ბრენდული სასტუმრო 2023 წელს გაიხსნება. პროექტის განმახორციელებელი კომპანია „გრაპა მესტიას“ დამფუძნებელი მინდია გურგენიძე „ბიზნესპარტნიორთან“ აცხადებს, რომ სასტუმრო 4 ვარსკვლავიანი იქნება. კითხვაზე, იგეგმება თუ არა პროექტში საერთაშორისო ბრენდის შემოყვანა, გურგენიძე ამაზე არ საუბრობს და აცხადებს, რომ მსგავსი საკითხები მას შემდეგ გადაწყდება, რაც პროექტის განხორციელება დაიწყება. თუმცა, დიდი ალბათობით სასტუმროს ოპერირებას ქართული...

საქართველოში დაბრუნებულ ქართველ ბიზნესვიზიტორებს კარანტინის გავლა მოუწევთ

საქართველოში დაბრუნებულ ქართველ ბიზნესვიზიტორებს კარანტინის გავლა მოუწევთ
access_time2020-08-07 17:00:56
რამდენიმე დღის წინ ეკონომიკის მინისტრი ნათია თურნავა ბიზნესვიზიტორების პლატფორმაზე საუბრობდა, მისი განცხადებით პლატფორმა წარმატებით მუშაობს და უკვე 2700-მდე ვიზიტორია დარეგისტრირებული, ეკონომიკის მინისტრმა განაცხადა, რომ საქართველოში ჩამოსულ ბიზნესვიზიტორებს სავალდებულო კარანტინის გავლა არ მოუწევთ და გარკვეული პერიოდულობით PCR ტესტს ჩაიტარებენ. „წარმატებით ამოქმედდა ბიზნესვიზიტორების პლატფორმა, ერთი თვე გაიტესტა და სრულფასოვნად ამოქმედდა. გვაქვს შთამბეჭდავი ...


მსგავსი სიახლეები

up