ჩეხეთის რესპუბლიკის ელჩის პეტერ მიკისკას საქართველოს საგარეო უწყებაში დაბარების საკითხს ჩეხეთის დიპლომატიური წარმომადგენლობა ეხმაურება.
ნაყოფიერი შეხვედრა შედგა ჩეხეთის რესპუბლიკის ელჩს პეტერ მიკისკასა და საქართველოს საგარეო საქმეთა მინისტრის მოადგილეს ალექსანდრე ხვთისიაშვილს შორის ქართულ მედიაში ახლახან გამოქვეყნებული ინფორმაციის შესახებ, რომელიც ჩეხეთსა და საქართველოს შორის ორმხრივ სავაჭრო ურთიერთობებს ეხება.
ელჩმა დეტალურად განმარტა, რომ მისი კომენტარი კონტექსტიდან ამოგლეჯილი სახით გავრცელდა, ის არ უკავშირდებოდა რუსეთის წინააღმდეგ დაწესებულ სანქციებს და ზოგადი ხასიათის იყო. ის აცნობიერებს და აფასებს საქართველოს ხელისუფლების პრინციპულ პოზიციას სანქციებთან დაკავშირებით.
შეხვედრის მონაწილეებმა განიხილეს ინფორმაციის შემდგომი გაცვლის საკითხები ამ და სხვა მგრძნობიარე საკითხებზე. ვვარაუდობთ, რომ საქართველოს ხელისუფლების ეჭვები გაქარწყლებულია და საკითხი დამატებით განხილვას აღარ იმსახურებს,"- ნათქვამია ჩეხეთის საელჩოს მიერ ფეისბუკზე გავრცელებულ განცხადებაში.
ჩეხეთი
