პენტაგონს ჯარში პრორუსული განწყობების ზრდა აშფოთებს

პენტაგონს ჯარში პრორუსული განწყობების ზრდა აშფოთებს

access_time2019-12-10 19:30:24

გამოკითხვის თანახმად, ამერიკელი ჯარისკაცების და მათი ოჯახების წევრთა 46% რუსეთს აშშ-ის მოკავშირედ მიიჩნევს.იმის მიუხედავად, რომ ამერიკელთა უმრავლესობა კვლავაც მოსკოვს ერთ-ერთ მთავარ მოწინაამღდეგედ თვლის თავს, ახალი სოციოლოგიური კვლევა აჩვენებს, რომ ეს აზრი უკვე ნელა-ნელა იცვლება, განსაკუთრებით კი - შეიარაღებულ ძალებში.


რეიგანის ფონდის ეროვნული თავდაცვის კვლევა, რომელიც ოქტომბერში ჩატარდა, მასში მონაწილე სამხედრო მოსამსახურეების და მათი ოჯახების წევრთა 46%-მა განაცხადა, რომ თავს რუსეთს შტატების მოკავშირედ თვლიან. ამ აზრს იზიარებს მხოლოდ 28%-ი, თუმცა, ეს ციფრია 9%-ით მეტია,2018 წლის მონაცემთან შედარებით მაშინ რუსეთს, როგორც მოკავშირეს ამერიკელთა 19% აღიქვამდა.


კვლევის ავტორებმა დაადგინეს, რომ პოზიტიური შეხედულებები რუსეთზე ძირითადად გაიზარდა რესპუბლიკელებს შორის და ეს ზრდა გამოწვეულია დონალდ ტრამპის დადებითი განცხადებებით რუსეთზე და პუტინზე.იმის მიუხედავად, რომ ამერიკელთა 71%, ხოლო ჯარისკაცების და ოფიცრების 54% დღესაც თვლის რუსეთს მოწინაამღდეგედ, პრორუსული შეხედულებების ეს მოულოდნელი ზრდა  პენტაგონს აშფოთებს.


„რუსეთი ცდილობს მედია-სივრცის გაჯერებას დეზინფორმაციით იმისთვის, რომ ეჭვები და დაბნეულობა დათესოს - განაცხადა თავდაცვის სამინისტროს ოფიციალურმა წარმომადგენელმა კარლა გლისონმა. მისი თქმით, ეს ხდება არა მხოლოდ წინაამღდეგობრივი და წამქეზებლური დიალოგებით, არამედ ყალბი ისტორიებით, რომელთა მიზანია რუსეთისადმი სიმპატიების ზრდა.„პენტაგონი აქტიურად მუშაობს რუსული დეზინფორმაციის გამოვლენაზე და უარყოფაზე, როდესაც ეს შესაძლებელია“ - განაცხადა მან.კვლევა  24-30 ოქტომბერს ჩატარდა, მასში მონაწილეობდა ათასზე მეტი აშშ-ს მოქალაქე.


ზოგადად, აშშ-ს ხელისუფლებას აწუხებს პრორუსული განწყობების ზრდა იმიტომ, რომ ეს არაა პირველი ასეთი შემთხვევა. მაგალითად, 2018 სექტემბერში კვლევითი ცენტრის Pew -ს მიერ ჩატარებული გამოკითხვის თანახმად, ამერიკელთა 35% სურს, რომ მათი ქვეყანა უფრო მჭიდროდ თანამშრომლობდეს რუსეთთან. თუმცა, ეს შეშფოთება არაა გამოწეული მხოლოდ გამოკითხვების შედეგებით.


სპეცსამსახურების წარმომადგენელთა თქმით, რუსეთი ცდილობს მოახდინოს გავლენა ამერიკელი ჯარისკაცების საარჩევნო განწყობებზე  და ამისთვის აქტიურ საინფრომაციო კამპანიას ახორციელებს.მოსკოვის მიზანია არა იმდენად კენჭისყრის შედეგების ცვლილება, არამედ ამერიკელი სამხედროების დეზინფორმირება და მათი მხრიდან რუსეთისადმი მეტი სიმპატიების გაჩენა.



„ჩვენ ვიცით, რომ ეს გრძელდება და ამიტომაც ვუყურებთ ძალიან დიდი ყურადღებით“ - განაცხადა აშშ-ს თავდაცვის მინისტრის ყოფილმა თანაშემწემ კიბერპოლიტიკის საკითხებში ედ უილსონმა.ამერიკულ საზოგადოებაზე რუსული გავლენის წინააღმდეგ ბრძოლა - საკმაოდ რთული ამოცანაა - ამბობენ ანალიტიკოსები.


მათი თქმით, სირთულეებს იწვევს პოლიტიკური კლიმატი და რიტორიკა, რომელიც ისმის თეთრი სახლიდან. „ეს ძალიან საშიში ტენდენციაა“ - ამბობს ატლანტიკური საბჭოს ანალიტიკოსი ხორხე ბენიტესი, რომლის სპეციალიზაციაა ურთიერთობები რუსეთთან. „ახალი კვლევები გვიჩვენებს რუსეთის წინაამღდეგ განწყობილი რესპუბლიკელების აზრის მკვეთრ ცვლილებას. სულ უფრო მეტი რესპუბლიკელი დადებითად უყურებს რუსეთს ტრამპის გამონათქვამების გამო“ - ამბობს ბენიტესი.


სხვა ექსპერტები შიშობენ, რომ რუსეთისადმი სიმპატიების ზრდა არის გაცილებით უფრო სერიოზული პრობლემის სიმპტომი.„ადამიანების აზრები უფრო მეტად იცვლება მათი ლიდერების გამონათქვამების, ვიდრე ისტორიის ან იდეოლოგიური ფაქტორების გამო“ - თვლის ჯორჯტაუნის უნივერსიტეტის პროფესორი პოლ პილარი.მისი თქმით, ამერიკელების დამოკიდებულების ცვლილება რუსეთისადმი ნაკლებად მოქმედებს ზოგად სიტუაციაზე.


„ბევრი ამერიკელი მზადაა დაუჯეროს ტრამპს, რომ პუტინის რუსეთი კარგია, მაგრამ ამავე დროს უჭერს მხარს თავდაცვითი ხარჯების ზრდას, რომელიც დიდწილად გამოწვეულია რუსეთთან ურთიერთობების გაუარესებით“ - თვლის პილარი.


ის ასევე ამახვილებს ყურადღებას იმაზეც, რომ ყველაფრის მიუხედავად, ამერიკული სანქციები რუსეთის წინაამღდეგ კვლავ ძალაშია  და არავინ არ აპირებს მათ გაუქმებას ან შერბილებას. აშშ-ს ეროვნული თავდაცვის სტრატეგიაში, რომელიც 2 წლის წინ განახლდა, სწორედ რუსეთი და ჩინეთია აშშ-ს მთავარი მოწინაამღდეგეები.


რეიგანის ფონდის კვლევამ დაადასტურა, რომ ამერიკელთა უმრავლესობა  ამ მიდგომას იზიარებს .„როდესაც ჩვენ ვკითხეთ მათ, რომელი ქვეყნები წარმოადგენენ ყველაზე დიდ საფრთხეს ამერიკისთვის, 28%-მა დაასახელა ჩინეთი, ხოლო 25%-მა -რუსეთი“ - ამბობს რეიგანის ფონდის დირექტორი რეჩელ ჰოფი.


მისი თქმით, ამერიკელების უმრავლესობა ასევე თვლის, რომ ვაშინგტონმა არ უნდა დაუთმოს თავისი საგარეო პოზიციები არავის, მათ შორის არც რუსეთს.


Ekhokavkaza.com

თენგიზ აბლოთია





პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“
access_time2020-01-24 18:30:53
„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“- პარლამენტის წევრი, ლევან კობერიძე ტვ პირველის გადაცემაში „რეაქცია“ პოლიტიკურ და ელიტურ კორუფციაზე საუბრობს. ის აღნიშნავს,რომ არსებობენ „მსხვილი ჯგუფები“, რომლებიც ქვეყანაში არსებულ პროცესებს მართავენ. „ეს ის ჯგუფებია,რომლებმაც თავის დროზე არაერთი ფინანსთა მინისტრი და პრემიერ მინისტრიც კი...

„კომერსანტის“ 24 იანვრის TOP 10 თემა

„კომერსანტის“ 24 იანვრის TOP 10 თემა
access_time2020-01-24 21:30:35
„კომერსანტის“ 24 იანვრის TOP 10 თემა 1.მმართველი გუნდის წევრები კორუფციის აღქმის ინდექსის შედეგებს არ იცნობენ 2.„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად...

„უკრაინაში ფრინველის გრიპის მიუხედავად, საქართველოს ბაზარს საფრთხე არ ემუქრება“

„უკრაინაში ფრინველის გრიპის მიუხედავად,  საქართველოს  ბაზარს საფრთხე არ ემუქრება“
access_time2020-01-24 18:00:33
„ევროპას მიზეზი უნდა, რომ უკრაინას და საქართველოს გზა  ჩაუკეტონ. ხელოვნურად იწვევენ პრობლემას.“-ასე გამოეხმაურა ევროკავშირის  მიერ  უკრაინიდან ფრინველის ხორცის იმპორტის დროებით შეზღუდვას  „მეფრინველეობის ასოციაციის“ თავმჯდომარე ზურაბ უჩუმბეგაშვილი.   უკრაინული მხარის ინფორმაციით, ევროკავშირის გადაწვეტილება ვინიცკის ოლქში ფრინველის გრიპისგან დახოცვის ფაქტს უკავშირდება, რომელიც 18 იანვარს დაფიქსირდა. შესაბამისად, ევროკავშირმა ფრინველის...

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი
access_time2020-01-24 16:30:13
„ჩვენ ყველამ ერთად უნდა ვიმუშაოთ პრობლემების გამოსასწორებლად,  რადგან მსოფლიოში ბევრი ადგილია, სადაც ინვესტორები ინვესტიციას ჩადებენ.“ - ასე გამოეხმაურა ჟურნალისტებთან საუბრისას აშშ-ს სავაჭრო პალატის თავმჯდომარე მაიკლ ქაუგილი ამერიკელი კონგრესმენების მიერ გიორგი გახარიასთვის გამოგზავნილი წერილის შინაარსს. ოთხი ამერიკელი კონგრესმენის მიერ წერილში გამოხატური შეშფოთება  „დაპირებულ დემოკრატიულ რეფორმებზე უარისა და  ანაკლიის ღრმაწყლოვანი პორტის პროექტის...


მსგავსი სიახლეები

up