მსოფლიოში წამყვანი ბიზნესაქსელერატორი, 500 Startups-ი, კვლავ განაგრძობსრეგიონის მასშტაბით აქსელერაციის პროგრამას. პროექტი საქართველოს ბანკის მხარდაჭერით და ინოვაციებისა და ტექნოლოგიების სააგენტოს ინიციატივით ხორციელდება, მისი მთავარი მიზანი კი საქართველოს სტარტაპ ეკოსისტემის გაძლიერება და კომპანიების გლობალურ ბაზარზე მასშტაბირებაა.

Activechat, Agrolabs, B2C.GE, Corebook, Kernel, Kvalifika, My Nanny, PAYZE, Simpolium, YouTravel.me - ეს ის სტარტაპებია, რომლებიც ამჟამად აქსელერაციის 6 კვირიან ინტენსიურ ეტაპს გადიან.კურსისფარგლებში კომპანიები საკუთარი იდეების დახვეწაზე მსოფლიოში წამყვან მენტორებთან ერთად მუშაობენ, რათა საბოლოოდ ინვესტორების წინაშე “Demo Day”-ზე წარდგენენ.

აღსანიშნავია, რომ საქართველოს ბანკის მხარდაჭერით,5 სტარტაპი, PAYZE, Agrolabs, YouTravel.me, Kvalifika, Corebook,დამატებით ინვესტიციას მიიღებენ, პროექტის ფინალურ ეტაპზე კი მათგან ორი საგზურს კალიფორნიაში, Silicon Valley Immersion-ში მონაწილეობისთვის მოიგებს.
ჩვენ უკვე გაგაცანით ხუთეულიდან 3 სტარტაპი, დღეს კი კიდევ ორს,PAYZE-ს და Kvalifika-ს გაგაცნობთ.

PAYZEსაგადახდო სერვისის პროვაიდერი სტარტაპია, რომელიც იმ ახალი პლატფორმების და marketplace-ების მოთხოვნების დასაკმაყოფილებლად შეიქმნა, რომლებიც ბოლო წლებში წარმოიქმნა და პანდემიამ კიდევ უფრო აქტუალური გახადა.

„პროექტებზე მუშაობის დროს დავინახეთ უამრავი პრობლემა, რომელსაც ონლაინ ვაჭრობაში ჩართული მერჩანტები გადახდების დროს აწყდებოდნენ“,- ამბობს PAYZE-ს თანადამფუძნებლი გეგა თოფაძე. „Marketplace მყიდველს და გამყიდველს ერთმანეთთან აკავშირებს, რაშიც გარკვეულ საკომისიო გადასახადს იღებს. დღეს ასეთ პლატფორმებს ხელით უწევთ მიღებული თანხის გაყოფა და მხარეებზე განაწილება; სიტუაცია უფრო რთულდება თუ პროცესში საკურიერო მომსახურებაცაა ჩართული. ჩვენ სოწრედ ამ ყველაფერის გაციფრულებით ვამარტივებთ საგადახდო პროცესებს და ვამცირებთ ბიუროკრატიას. PAYZEმსხვილ, მცირე თუ საშუალო კომპანიებს საკუთარ მოდელზე აგებულ სისტემასსთავაზობს, რისი მეშვეობითაც თანხა ნებისმიერი რაოდენობის მხარეზე ავტომატურად ნაწილდება. ყოველი ნაბიჯი, რასაც კლიენტთან ურთიერთობის პირველი მომენტიდან მის PAYZE-ში ჩართვამდე გავდივართ, 500 Startups-ისმენტორების დახმარებით შევიმუშავეთ. აქსელერაციის პროგრამაში ჩართულობა დამატებითი ინვესტიციის მოძიებაში გვეხმარება, რაც ძალიან მნიშვნელოვანია PAYZE-ს სამომავლო განვითარებისთის“.

Kvalifikaკი მომხმარებლის დისტანციური ვერიფიკაციის სისტემაა, რომელიც პანდემიით დაჩქარებული გაციფრულებით შექმნილ გამოწვევებს პასუხობს. „ჩვენ კომპანიებს რამდენიმე სერვისს ვთავაზობთ: პირველი პიროვნების ამოცნობაა. პროგრამა ხვდება კამერის უკან ნამდვილად დგას თუ არა ადამიანი, ხომ არ არის ნაჩვენები ფოტო ან ვიდეო მასალა; მეორე დოკუმენტების წაკითხვა და ავთენტურობის დადგენაა, მესამე კი ამ ყველაფრის რეპორტინგი, ანალიზი და მონაცემების თავმოყრაა“, - ამბობს “Kvalifika”-ს თანადამფუძნებელი, გაბრიელ მელივა. „Kvalifika-ს მთავარი იდეა პროცესების გამარტივებაა. ჩვენ უკვე ვემსახურებით ბანკებს და ფინანსურ ინსტიტუტებს და ვმუშაობთ, რომ ჩვენი სერვისი მცირე კომპანიებისთვისაც ხელმისაწვდომი გავხადოთ. ამ ყველაფერში500 Startups-ი გვეხმარება. აქსელერატორის როლიც სწორედ ეს არის, რომ გზა გაუკვალოს იმ სტარტაპებს, რომლებსაც გლობალური გეზი აქვთ აღებული, შესაბამისად პროექტი არა მარტო ჩვენთვის, არამედ მრავალი სხვა სტარტაპისთვისაც უმნიშვნელოვანესია“.

ინფორმაციისთვის, 500 startups საქართველოში ინოვაციებისა და ტექნოლოგიების სააგენტოსა და საქართველოს ბანკის პარტნიორობით შემოვიდა. აქსელერაციის პროგრამის მეორე ნაკადის აქსელერაციის პროგრამა აქტიურ რეჟიმში მიმდინარეობს.
პროგრამის მეორე ნაკადისთვის როგორც საქართველოს, ასევე მთელი მსოფლიოს მასშტაბით წარმოდგენილი 140 აპლიკაციიდან 14 სტარტაპი შეარჩია. 2020 წლის ნოემბრიდან 2021 წლის იანვრამდე, შერჩეულმა კომპანიებმა Foundations Bootcamp და Remote Experimentation პროგრამები გაიარეს. 2,5 თვის პერიოდის მანძილზე სტარტაპ დამფუძნებლებთან მუშაობის საფუძველზე, 500 Startups-მა შეაფასა კომპანიების საბაზრო პოტენციალი, ზრდის მაჩვენებლები და გუნდის პროგრამაში ჩართულობის ხარისხი. კომპანიების უმრავლესობამ შთამბეჭდავი პროგრესი აჩვენა, თუმცა საბოლოო ჯამში 14-დან 10 სტარტაპი გადავიდა შემდეგ ეტაპზე.

(R)