პატრიარქი წყლის ექსპორტის ხელშეწყობის აუცილებლობაზე საუბრობს

პატრიარქი წყლის ექსპორტის ხელშეწყობის აუცილებლობაზე საუბრობს

person access_time2016-05-03 16:30:47

წყლის ადგილობრივი მწარმოებლები მთავრობას დარგის მეტად პოპულარიზაციას სთხოვენ. წყლის ექსპორტის მიმართულებით გააქტიურებაზე ილია მეორემ სააღდგომო ეპისტოლეში ისაუბრა, რომელშიც, ტრადიციულად, ქვეყნის აქტუალური სოციალურ-ეკონომიკური თემები მოხვდა. მის სააღდგომო ეპისტოლეს ამ ნაწილში ნათქვამია:

 

"მეტი გასაქანი უნდა მიეცეს მინანქრის, ოქროსა და ვერცხლის დამუშავებას, მზისა და ქარის ენერგიის გამოყენებას, წყლის ექსპორტს, კერამიკის, შუშისა და თიხის წარმოებას, მცირე ჰესების მშენებლობას, ტურიზმს და სხვა.


როგორ შეიძლება საქართველოდან წყლის ექსპორტის გაზრდა და რა ნაბიჯებია ამისთვის საჭირო, ამის გარკვევა „კომერსანტმა" ადგილობრივ მწარმოებლებთან სცადა.


"ნაბეღლავის" მწარმოებელი კომპანია „წყალი მარგებელის" დამფუძნებელი ავთანდილ სვიმონიშვილი ამბობს, რომ აუცილებელია სახელმწიფო გააქტიურდეს მარკეტინგული თვალსაზრისით და საქართველოში წარმოებულ პროდუქციას უფრო მეტი პოპულარიზაცია გაუწიოს. მისი თქმით, აუცილებელია და დიდი შედეგის მომტანია საერთაშორისო გამოფენებში მონაწილეობა. კერძოდ, გამოფენების ფარგლებში ძალიან ადვილად არის ხოლმე შესაძლებელი კონკრეტული პარტნიორის ან დისტრიბუტორის ნახვა და შემდეგ მათთან თანამშრომლობა.



სვიმონიშვილი აცხადებს, რომ სავაჭრო პალატები პერიოდულად აწყობენ მსგავს ღონისძიებებს, თუმცა ეს საკმარისი არ არის. „აუცილებელია სახელმწიფო ამ მიმართულებით გააქტიურდეს, ამას ვთხოვთ მთავრობას, რომ დაგვეხმაროს, გაწიოს უფრო მეტი რეკლამირება, ეს ჩვენს ძალებს აღემატება"-აცხადებს სვიმონიშვილი. 

 

მისი განმარტებით, იმისთვის, რომ საქართველოდან წყლის ექსპორტი გაიზარდოს, ასევე აუცილებელია კერძო სექტორის გააქტიურებაც. მაგალითად, მოხდეს საწარმოების თანამედროვე სტანდარტებით გადაიარაღება, რაც მსოფლიო ბაზარზე კონკურენტუნარიანობას გაზრდის.


„ამ დროისთვის „ნაბეღლავი" 25 ქვეყანაში გადის. აქედან გაყიდვების უდიდესი წილი დსთ-ს და ბალტიის ქვეყნებზე მოდის. მიმდინარე წელს კომპანია გააქტიურებას აზიის მიმართულებითაც გეგმავს. გარდა ამისა, „ევროპის რეკონსტრუქციისა და განვითარების ბანკმა" კომპანიას ახალი საწარმოს მშენებლობისთვის 10 მილიონი ევროს სესხი დაუმტკიცა. ახალი ქარხანა საშუალებას მისცემს კომპანიას, პროდუქცია გაამრავალფეროვნოს. ქარხნის მშენებლობა მიმდინარე წელს დასრულდება"-აცხადებს სვიმონიშვილი.


სახელმწიფოს მხრიდან უფრო მეტ პოპულარიზაციასა და მეტ რეკლამირებაზე საუბრობენ მინერალური წყლის კომპანია „საირმეშიც". მათი თქმით, სახელმწიფო ნამდვილად ახდენს საერთაშორისო გამოფენების და მათში ქართული კომპანიების მონაწილეობის ორგანიზებას, თუმცა, ამ მიმართულებით უფრო მეტად გააქტიურება კომპანიებს დაეხმარება ახალი კონტაქტების მოძიებაში.


„საერთაშორისო გამოფენების დროს ხდება ახალი ურთიერთობების დამყარება, ამიტომ, გაზრდილი რეკლამა ნიშნავს გაზრდის საექსპორტო რაოდენობას"-აცხადებენ კომპანია „საირმეში".


მათივე განმარტებით, კომპანია ამ დროისთვის ექსპორტს 17 ქვეყანაში ახორციელებს. მათ შორისაა ევროპის ქვეყნები, ჩინეთი, რუსეთი,ყაზახეთი და ასე შემდეგ.




მარკ ცუკერბერგი ცენტი-მილიარდერების კლუბს შეუერთდა

მარკ ცუკერბერგი ცენტი-მილიარდერების კლუბს შეუერთდა
access_time2020-08-08 19:35:02
მარკ ცუკერბერგი ცენტი-მილიარდერების კლუბს შეუერთდა, რაც იმას ნიშნავს, რომ მისმა ქონებამ $100 მილიარდი შეადგინა. ამის შესახებ...

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა
access_time2020-08-08 18:00:38
„ამ კვირაში სრულდება 12 წელი რუსეთის მიერ საქართველოს ტერიტორიაზე შემოჭრის შემდეგ. მაშინ, როცა მსოფლიოს ყურადღება გადატანილი იყო პეკინის ზაფხულის ოლიმპიადაზე, ოკუპანტი ძალები: ასობით რუსული ტანკი და ჯავშანტრანსპორტიორი როკის გვირაბის გავლით მიადგა რუსეთ-საქართველოს საზღვარს“, - ამის შესახებ არაკომერციული და არაპარტიული ანალიტიკური ინსტიტუტის – „ახლო აღმოსავლეთის...

ევროპული თვალთახედვა დეზინფორმაციასთან საბრძოლველად

ევროპული თვალთახედვა დეზინფორმაციასთან საბრძოლველად
access_time2020-08-08 13:00:39
ლიეტუვას რადიოსა და ტელევიზიის კომისიის თავმჯდომარეს, ბატონ მანტას მარტისიუსს სოციალური სამართლის იურისტი ნინი შენგელია ესაუბრა. დიალოგი გაიმართა „სექტორი 3-ის, ჰაბი განვითარებისთვის“ პროექტის ფარგლებში. თემა შეეხებოდა დეზინფორმაციის საფრთხეს, ყალბ ახალ ამბებს, სოციალურ მედიაში სიძულვილის ენასა და სოციალური მედიის პლატფორმებთან მიმართებაში, როგორც ლიეტუვას, ასევე გლობალურ გამოცდილებას.რუსეთის დეზინფორმაცია ლიეტუვასა და მისი ბალტიელი მეზობლებისთვის, ესტონეთისა და ლატვიისთვის...

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან
access_time2020-08-08 16:30:43
აშშ-ის კონტრდაზვერვის და უსაფრთხოების ეროვნული ცენტრის ხელმძღვანელის,...

პირბადე 8 ენაზე თარგმნის ფუნქციით – იაპონური სტარტაპის გამოგონება

პირბადე 8 ენაზე თარგმნის ფუნქციით – იაპონური სტარტაპის გამოგონება
access_time2020-08-08 14:00:59
როდესაც COVID-19-ის პანდემიამ პირბადე ჩვენი ყოველდღიურობის ნაწილად აქცია, იაპონური სტარტაპი Donut Robotics ახალ შესაძლებლობებზე დაფიქრდა. მაშინ, როცა სხვადასხვა კომპანია სხვადასხვა დიზაინისა...


მსგავსი სიახლეები

up