პატარა ქვეყნების გამდიდრების 10 ყველაზე უცნაური  საშუალება

პატარა ქვეყნების გამდიდრების 10 ყველაზე უცნაური საშუალება

access_time2019-02-10 20:00:22

 

პატარა ქვეყნებს, რომელთა მოსახლეობაც არ აღემატება რამდენიმე ათეულ ათას ადამიანს, ძალიან უჭირთ თანამედრვე სამყაროში - მათ არ გააჩნიათ ძლიერი საექსპორტო ინდუსტრი და ხშირად იძულებულები არიან მიმართონ სხვადასხვა ხრიკს ვალუტის მოსაზიდად.

 

აი რამდენიმე მაგალითი.

 

1.სენ-კიტს და ნევისი, მოსახლეობა - 48 000 ადამიანი, მოქალაქეობით ვაჭრობა

2006 წელს ეს ქვეყანა განიცდიდა ეკონომიკის მთავარი დარგის - შაქრის წარმოების დრამატულ ვარდნას, რამაც გამოიწვია მოსახლეობის სწრაფი გაღარიბება. შექმნილ სიტუაციაში მთავრობამ დაამუშავა მოქალაქეობის გაყიდვის პროგრამა, რომლის თანახმადაც, ნებისმიერ უცხოელს შეეძლო პასპორტის ყიდვა 250 000 დოლარის ინვესტირების სანაცვლოდ. სენ-კიტს და ნევისს გააჩნია უვიზო მიმოსვლა 132 ქვეყანასთან, შესაბამისად, პროგრამამ გამოწვია დიდი ინტერესი. თანაც ქვეყანა ამავე დროს არის ოფშორი, რამაც შემატა მიმზიდველობა მის მოქალაქეობას.

 

2. კომორის კუნძულები, მოსახლეობა - 800 000 ადამიანი. მოქალაქეობის მიყიდვა ღარიბებისთვის

სხვადასხვა მონაცემებით, ამჟამად მსოფლიოში ცხოვრობს დაახლოებით 10 მლნ. ადამიანი მოქალაქეობის გარეშე, მათ შორის არიან ბედუინები კუვეიტში და ემირატებში. საერთაშორისო ზეწოლის მიუხედავად, ამ ქვეყნების მთავრობებს არ სურთ მათი ლეგალიზება და ამიტომაც, მათ გადაუხადეს კომორის კუნძულების ხელისუფლებას 200 მლნ. დოლარი 4000 ბედუინური ოჯახისთვის მოქალაქეობის მინიჭების სანაცვლოდ.

 

3. ნიუე, მოსახლეობა 1190 ადამიანი, კოდები სატელეფონო სექს-ინდუსტრიისთვის

წლების მანძილზე კუნძულოვანი სახელმწიფოს ეკონომიკის საფუძველს შეადგენდა სოფლის მეურნეობა და თევზჭერა, თუმცა, ყველაფერი შეიცვალა 80-იან წლებში, როდესაც დაიწყო პრემიუმ-კლასის სატელეფონო ხაზების გატარება ნიუეს კოდით. აღმოჩნდა, რომ ამ ხაზებით სარგებლობდნენ სატელეფონო სექსისთვის, რაც აღმოჩნდა ძალიან მომგებიანი მაღალი ტარიფების გამო. 1997 წელს ქვეყნის პრემიერ მინისტრმა გააბათილა შეთანხმება და ნიუე უკვე არ არის სატელეფონი სექსის ცენტრი.


 

4. ტუვალუ, მოსახლეობა 11 000 ადამიანი, მედია-საიტების განთავსება

წლების მანძილზე ტუვალუ, ისევე როგორც ნიუე, ჩართული იყო სატელეფონო სექს-ინდუსტრიაში, თუმცა, ეს იწვევდა მოსახლეობის უკმაყოფილებას. 1999 წელს ტუვალუმ მიიღო გაფართოება “.tv” ინტერნეტ-საიტებისთვის, რამაც გამოიწვია დიდი ინტერესი მსხვილი მედია-კორპორაციების მხრიდან. 2011 წლიდან ტუვალუ იღებს 1 მლნ. დოლარს წელიწადში ამ სერვისის სარგებლობისთვის გადასახადების სახით.

 

5. ნაურუ, მოსახლეობა 7000 ადამიანი, მიგრანტების დროებითი განთავსების ცენტრები

ფოსფატებს მოპოვების წყალობით ერთ დროს ნაურუ იყო საკმაოდ მდიდარი ქვეყანა, თუმცა მარაგები ამოიწურა და მთავრობას მოუწია შემოსავლების სხვა წყაროებით მოძიება. ამჟამად ნაურუ ძირითადად არსებობს მიგრანტების განთავსების ცენტრის ხარჯზე - ამ ცენტრებში ცხოვრობენ უცხოელები, რომლებიც არ შეუშვეს მეზობელ ავსტრალიაში. ამ ცენტრს აფინანსებს ავსტრალიის მთავრობა, რომელიც უხდის ნაურუს სერიოზულ თანხებს.


6. ასენსიონი, მოსახლეობა 700 ადამიანი, საფოსტო მარკების გამოშვება

1920 წელს კუნძულმა მიიღო დამოუკიდებლობა და ამის აღსანიშნავად გამოუშვა საზეიმო საფოსტო მარკა, რომელმაც, მოულოდნელად, გამოიწვია ფილატელისტების დიდი ინტერესი. დღეს ეს არის ქვეყნის შემოსავლის ძირითადი წყარო - წლიურად ასენსიონი უშვებს 400-მდე დასახელების საფოსტო მარკას.

 

7. ტონგა, მოსახლეობა 107000 ადამიანი, მოქალაქეობის გაყიდვა

კუნძულოვანი სახელმწიფოს მთავრობამ დაიწყო მოქალაქეობის მიყიდვა ჰონკონგელებისთივს, რომლებიც შეწუხდნენ ჩინეთის შემადგენლობაში შესვლის გამო. ამან მოუტანა ქვეყანას დიდი ფული, რომელიც განთავსდა „Bank of America”-ში. ამის შემდეგ ტონგას მეფემ დაიწყო დიდი თანხების ინვესტირება სხვადსხვა ქვეყანაში. დასაწყისში ყველაფერი კარგად მიდიოდა, თუმცა ერთ-ერთი წარუმატებელი კაპიტალდაბანდების გამო, მთელი მოგება გაქრა, რამაც გამოიწვია ფინანსური და პოლიტიკური კრიზისი კუნძულზე.

    

8.სენტ-ლუსიამოსახლეობა 178 000, ვაჭრობა პოლიტიკური აღიარებით

ჩინეთსა და ტაივანს შორის არსებულმა დაძაბულობამ შექმნა ფულის შოვნის შესაძლებლობები რეგიონში პატარა ქვეყნებისთვის, რომლებიც აღიარებდნენ, ან პირიქით, არ სცნობდნენ ტაივანის დამოუკიდებლობას ქრთამის სანაცვლოდ. პოლიტიკური ვაჭრობით გარკვეული მოგება მიიღეს დომინიკამ, ნაურუმ, კირიბატიმ, ვანუატუმ, ტონგამ და გრენადამ. თუმცა, ყველაზე შორს წავიდა სენტ-ლუსია, რომელიც წლების მანძილზე მერყეობდა ჩინეთსა და ტაივანს შორის.  1984 წელს მან აღიარა ტაივანის დამოუკიდებლობა, 1997 წელს, ქრთამის სანაცვლოდ უკან წაიღო აღიარება, 2007 წელს კი საბოლოოდ დაიჭირა ტაივანის მხარე.


9. ერიტრეა, მოსახლეობა 5 მლნ., ლტოლვილების და ემიგრანტებისგან ფულის გამოძალვა

ერიტრეა არ არის კლასიკური პატარა ქვეყანა, რადგანაც იქ ცხოვრობს 5 მლნ. ადამიანი, თუმცა, მთავრობამ აირჩია ფულის შოვნის  უჩვეულო ხერხი, რომელიც აუცილებლად უნდა აღინიშნოს. ერიტრეა არის ძალიან ღარიბი ქვეყანა, სადაც დამყარებულია სასტიკი დიქტატურა. მთავრობა სწრაფად მიხვდა, რომ მიგრანტების ზრდადი რაოდენობა შეიძლება გახდეს ვალუტის მიღების წყარო - ამ მიზნით ხელისუფლებამ შემოიღო კანონი, რომელიც ავალდებულებს უცხოეთში მცხოვრებ მიგრანტებს შემოსავლის 2% გადახდას. როგორც წესი, ამ გადასახადის ადმინისტრირება ხდება ძალადობით, მუქარებით ქვეყანაში დარჩენილი ნათესავების მიმართ და პირდაპირი გამოძალვით.

 

 10.ანტიგუა, მოსახლეობა 69 000 ადამიანი, იარაღის გადაყიდვა

1989 წელს ანტიგუამ შეისყიდა ისრაელისგან იარაღის დიდი პარტია.მოგვიანებით ამ იარაღის ნაწილი აღმოაჩინეს კოლუმბიაში, ერთ-ერთი ნარკოკარტელის სამალავში. აღმოჩნდა, რომ წლების მანძილზე ანტიგუას მთავრობა შესყიდული იარაღის დიდ ნაწილს თავად ყიდდა, ხოლო მყიდველები ძირითადად იყვნენ კოლუმბიური ნარკოკარტელები. ამტყდარი სკანდალის გამო მთავრობა, პრემიერ-მინისტრის მეთაურობით, გადადგა.


თეგები:
ქვეყნები



ტურისტების რიცხვმა 9 მილიონს გადააჭარბა

ტურისტების რიცხვმა 9 მილიონს გადააჭარბა
access_time2020-01-22 19:00:34
პრემიერ-მინისტრ გიორგი გახარიას განცხადებით, ტურისტების რიცხვმა [2019 წელს] 9 მილიონს გადააჭარბა. დასახელებული რიცხვი საერთაშორისო მოგზაურების რაოდენობას შეესაბამება და არა ტურისტული ვიზიტების რაოდენობას. 2018 წელთან შედარებით, 2019 წელს ტურისტების რიცხვი 6.8%-ით გაიზარდა და 5 მლნ შეადგინა. ცხრილი 1: საერთაშორისო მოგზაურების სტატისტიკა საქართველოში წყარო: საქართველოს...

Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„კომერსანტის“ 22 იანვრის TOP 10 თემა

„კომერსანტის“ 22 იანვრის TOP 10 თემა
access_time2020-01-22 21:00:21
„კომერსანტის“ 22 იანვრის TOP 10 თემა 1.სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო 2.„სოფლის მეურნეობის დარგში სტაბილური განვითარების დინამიკა არ აღინიშნება„ 3.სამორინეების ინკოგნიტო...

Deutche welle: ამერიკა ჩინეთისთვის ენერგორესურსების მთავარი მიმწოდებელი გახდება

Deutche welle: ამერიკა  ჩინეთისთვის ენერგორესურსების მთავარი მიმწოდებელი გახდება
access_time2020-01-22 20:00:27
2021 წელს  აშშ-ს შეუძლია ჩინეთისთვის ენერგორესურსების მთავარი მიმწოდებელი გახდეს, და ჩაანაცვლოს რუსეთი, საუდის არაბეთი, ანგოლა, და ავსტრალია . ასეთი დასკვნამდე  გერმანიის ეკონომიკის ინსტიტუტი ამერიკულ-ჩინური სავაჭრო შეთანხმების შესწავლის შედეგად მივიდა.   როგორც ცნობილია, დოკუმენტს   ხელი 15 იანვარს ხანგძლივი სავაჭრო ომის შემდეგ მოეწერა.   კერძოდ, ჩინეთი იღებს თავის თავზე ვალდებულებას 2 წლის მანძილზე 200 მლრდ....

„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...


მსგავსი სიახლეები

up