„პასუხისმგებლობის 5 სტანდარტი“ – „სოკარმა“ 2019 წლის CSR ანგარიში წარადგინა

„პასუხისმგებლობის 5 სტანდარტი“ – „სოკარმა“ 2019 წლის CSR ანგარიში წარადგინა

access_time2020-02-22 10:55:18

კომპანია „სოკარმა“ CSR სტრატეგიის - „პასუხისმგებლობის 5 სტანდარტის“ 2019 წლის ანგარიში წარადგინა. „სოკარ ჯორჯია პეტროლეუმის“ დირექტორმა ლევან გიორგაძემ დამსწრეებს გასული წლის განმავლობაში განხორციელებული პროექტები და კორპორაციული პასუხისმგებლობის მიმართულებით სამომავლო გეგმები გააცნო. ღონისძიება პანელური დისკუსიის ფორმატში წარიმართა. კომპანიის CSR სტრატეგიის თითოეულ მიმართულებაზე სხვადასხვა პარტნიორი საზოგადოებრივი ორგანიზაციის და საინიციატივო ჯგუფის წარმომადგენელმა ისაუბრა.


განხორციელებული პროექტების შესახებ სტუმრებს ინფორმაცია მიაწოდეს საავტომობილო ფედერაციის ვიცე-პრეზიდენტმა მევლუდ მელაძემ, გაეროს ქალთა ორგანიზაციის წარმომადგენელმა ანა ფაშალიშვილმა, “ეკოხედვის” აღმასრულებელმა დირექტორმა გეგი სოფაძემ და პროექტის „აქტიური ცხოვრება ჩემი სტიქიაა“ ხელმძღვანელმა ხატია გავაშელმა.


ერთ-ერთი მნიშვნელოვანი პროექტი, რომელიც კომპანია „სოკარმა“ 2019 წელს განახორციელა, ქალთა გაძლიერებას უკავშირდება. გაეროს ქალთა გაძლიერების ფონდთან თანამშრომლობის შედეგად, „სოკარში“ სქესობრივი დისკრიმინაციისა და სექსუალური შევიწროვების პრევენციის მექანიზმი დაინერგა.


„პასუხისმგებლობის 5 სტანდარტის“ ერთ-ერთი პუნქტი გარემოს დაცვაა და „სოკარი“ ამ მიმართულებით რამდენიმე პროექტს ახორციელებს. პანელის ერთ-ერთი მნიშვნელოვანი საკითხი ეკოლოგიაზე ზრუნვა იყო. უახლესი კვლევების მიგნებებზე გეგი სოფაძემ ისაუბრა.


„სოკარის“ CSR პლატფორმის კიდევ ერთი მნიშვნელოვანი მიმართულება შშმ პირთა და ხანდაზმულთა მხარდაჭერაა, შესაბამისად, დისკუსიის ფარგლებში საუბარი შეეხო ამ სფეროში ბიზნესის ჩართულობის მნიშვნელობასაც.



„სოკარის“ კორპორაციული სოციალური პასუხისმგებლობის ერთ-ერთი პრინციპი გამჭვირვალობაა, რაც გულისხმობს ინფორმაციაზე ხელმისაწვდომობის უზრუნველყოფას. საზოგადოებას მიეწოდება ინფორმაცია „სოკარის“ მიერ წარმოებული CSR საქმიანობის მიზნებისა და იმ რესურსების თაობაზე, რასაც კომპანია გაიღებს ამა თუ იმ პროგრამის რეალიზაციისთვის. „სოკარი“ ყოველწლიურად მოამზადებს CSR ანგარიშს, სადაც იქნება ასახული ყველა მონაცემი და ინფორმაცია წლის აქტივობებისა და სამომავლო გეგმების შესახებ.


სოკარის CSR-ის პლატფორმა „პასუხისმგებლობის 5 სტანდარტს“ გულისხმობს, რომელიც შემდეგ მიმართულებებს მოიცავს:


გარემოს დაცვა: გარემოს დაცვის კუთხით, „სოკარი“, პარტნიორ კომპანიებთან ერთად, ცდილობს გარემოსთვის ნაკლებად საზიანო ელექტროტრანსპორტის განვითარების ხელშეწყობას. ამისათვის „სოკარის“ ავტოგასამართ სადგურებზე, საქართველოს მასშტაბით უნდა შეიქმნას ელექტროსატენების ქსელი, რაც უზრუნველყოფს ელექტრომობილების პოპულარიზაციასა და მეტად გავრცელებას. გარდა ამისა, „სოკარის“ ერთ-ერთ ავტოგასამართ სადგურზე დამონტაჟდა მზის პანელები. გამომუშავებული ენერგიით მარაგდება სადგურზე მდებარე მარკეტი „ვეიმარტი“. „სოკარი“ მზის პანელების დამონტაჟებას მომავალში სხვა ავტოგასამართ სადგურებზეც გეგმავს.


ახალგაზრდების მხარდაჭერა: ერთ-ერთი მნიშვნელოვანი პროექტი, რომელიც გასულ წელს „სოკარმა განახორციელა“ მევლუდ მელაძესთან ერთად ავტოსკოლის დაარსებაა. საავტომობილო ფედერაციის ვიცე-პრეზიდენტთან ერთად შექმნილ სკოლაში მსურველებს სკოლის ასაკიდანვე ასწავლიან თეორიულ ნაწილს. სწავლება ხდება არა მხოლოდ გამოცდის ჩაბარების მიზნით, არამედ, საფუძვლიანად, რათა მართვის მოწმობის აღებამდე მძღოლს სრულყოფილი ცოდნა ჰქონდეს.


უსაფრთხოება: კომპანია მნიშვნელოვან ყურადღებას უთმობს საგზაო უსაფრთხოების საკითხებს და სამუშაო ადგილებზე თანამშრომლების ჯანმრთელობისა და სიცოცხლის დაცვას. საქართველოში „სოკარის“ ჰოლდინგის ყველა კომპანია ნერგავს და მომავალშიც გააუმჯობესებს H&S სისტემებს იმისათვის, რომ მაქსიმალურად იყოს დაცული პერსონალის ჯანმრთელობა სამუშაო ადგილებზე.


ქალთა გაძლიერება: „სოკარი“ მიუერთდა გაეროს ქალთა გაძლიერების პრინციპებს, რაც გულისხმობს სამუშაო ადგილებზე ქალთა უფლებების მაქსიმალურად დაცვას, ქალების წახალისებას მაღალი რგოლის მენეჯმენტის პოზიციებსა და ქალების დასაქმებას ე.წ. არატრადიციულ თანამდებობებზე. ამასთან, ინერგება სამუშაო ადგილებზე სექსუალური შევიწროვების პრევენციის მექანიზმები, რომლებიც ასევე საერთაშორისო სტანდარტებისა და მოთხოვნების საფუძველზეა შექმნილი.


შშმ პირებისა და ხანდაზმულების მხარდაჭერა: შშმ პირების და ხანდაზმულების დასაქმება და მათი საზოგადოებაში სრულფასოვანი ინტეგრაცია „სოკარის“ ერთ-ერთი პრიორიტეტული მიმართულებაა. კომპანია მხარს უჭერს სპორტულ ბანაკს „აქტიური ცხოვრება ჩემი სტიქიაა“ და ჩართულია სპორტული ღონისძიებების დაორგანიზებაში. გარდა ამისა, „სოკარი“ ყოველწლიურად ეხმარება ზესტაფონის კათარზისსაც.


(R)


თეგები:
სოკარი



დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up