აზერბაიჯანის რესპუბლიკის მილი მეჯლისი გმობს ირანის ისლამურ რესპუბლიკაში აზერბაიჯანის რესპუბლიკის საელჩოს წინააღმდეგ 2023 წლის 27 იანვარს განხორციელებულ ტერორისტულ აქტს. ამის შესახებ ნათქვამია აზერბაიჯანის საკანონმდებლო ორგანოს განცხადებაში.



„პასუხისმგებლობა ამ მზაკვრულ თავდასხმაზე მთლიანად ეკისრება ირანულ მხარეს: ვენის 1961 წლის კონვენციის შესაბამისად, მასპინძელი ქვეყანა ვალდებულია უზრუნველყოს დიპლომატიური მისიების დაცვა და მათი თანამშრომლების უსაფრთხოება მის ტერიტორიაზე. სინანულით უნდა აღინიშნოს, რომ ბოლო დროს ირანის ისლამურ რესპუბლიკაში ჩვენი ქვეყნის წინააღმდეგ ცილისწამებისა და დაშინების კამპანია ფართოდ გავრცელდა. ამასთან დაკავშირებით, პრევენციული ზომების მიღება აზერბაიჯანის დიპლომატიურ წარმომადგენლობაზე შესაძლო თავდასხმის აღსაკვეთად, ირანული სამართალდამცავი ორგანოების ყურადღების ცენტრში უნდა ყოფილიყო. არადამაკმაყოფილებლად მივიჩნევთ ასეთი სასტიკი თავდასხმის მიზეზების შესახებ ირანის განცხადებებს. მოვითხოვთ ამ ტერორისტული აქტის დეტალურ და სიღრმისეულ გამოძიებას,“ - ნათქვამია ნათქვამია განცხადებაში.

ირანში აზერბაიჯანის საელჩოზე თავდასხმა შედეგად დაიღუპა ერთი და დაიჭრა ორი ადამიანი.