პაშა ბანკი ფორუმის “ინოვაციები და ციფრული ეკონომიკა“ სპონსორია

პაშა ბანკი ფორუმის “ინოვაციები და ციფრული ეკონომიკა“ სპონსორია

access_time2016-04-11 11:01:02

პაშა ბანკმა 2016 წლის 8 აპრილს ტექნოპარკში გამართულ ბიზნეს ფორუმს „ინოვაციები და ციფრული ეკონომიკა“ გაუწია სპონსორობა. ღონისძიებაზე შეკრებილ საზოგადოებას ქართულმა კომპანიებმა ბოლო დროის საინტერესო და წარმატებით განხორციელებული პროექტები წარუდგინეს.

 

პაშა ბანკი რეგიონალურ კორპორატიულ და საინვესტიციო საბანკო მომსახურებას სთავაზობს მსხვილ და საშუალო საწარმოებს. კომპანია 2013 წლიდან ოპერირებს საქართველოში და ამ პერიოდის განმავლობაში არაერთ ისეთ ღონისძიებას დაუჭირა მხარი, რომელიც ხელს უწყობს ადგილობრივი ბიზნესის და ეკონომიკის განვითარებას.

 

ბიზნეს ფორუმი მსოფლიო ბანკის, ჟურნალ Business Georgia-სა და GITA-ს (Georgia's Innovation and Technology Agency) ერთობლივი ინიციატივით ჩატარდა და მოიცვა ისეთი საკითხები, როგორიცაა ინოვაციების ხელშეწყობა და მხარდაჭერა ბიზნესში, ამ მხრივ მიღწეული წარმატებები და გადასადგმელი ნაბიჯები. 

 

„მუდმივი ინოვაცია ბიზნეს გარემოს განვითარების აუცილებელი წინაპირობაა და მისი ხელშეწყობა, ბუნებრივია, მნიშვნელოვანია ქვეყნის ეკონომიკური წინსვლისთვის. მოხარული ვართ, რომ საშუალება მოგვეცა, როგორც ფორუმის სპონსორებს, წვლილი შეგვეტანა ამ პროცესში,“ - აღნიშნა პაშა ბანკის კომერციულმა დირექტორმა, გოგა ჯაფარიძემ. 

 

ფორუმზე მსოფლიო ბანკის სპეციალურად მოწვეულმა სტუმარმა, ბნ-მა უვე დეიჩმანმა აუდიტორიას 2016 წლის მსოფლიოს განვითარების ანგარიში წარუდგინა, რომელიც გლობალურ ეკონომიკურ ზრდაზე, ციფრული ტექნოლოგიების სფეროში ინოვაციების გავლენის შესახებ მსოფლიო ბანკის მიერ განხორციელებულ ანალიზს ემყარებოდა. 

 

ფორუმზე ინოვაციურ პროექტებსა და ინიციატივებზე ისაუბრეს  ვისოლ ჯგუფის, ჯეოსელის, ეი-სი-თის, თიბისი ბანკის და სხვა კომპანიების წარმომადგენლებმა.


ბიზნეს ფორუმს კომერციული, სახელმწიფო და დიპლომატიური სექტორების 200-მდე წარმომადგენელი დაესწრო.  

 

პაშა ბანკი ბაქოში სათაო ოფისის მქონე ფინანსური ინსტიტუტია, რომელიც ოპერირებს აზერბაიჯანში, საქართველოსა და თურქეთში. პაშა ბანკი მსხვილ და საშუალო ზომის საწარმოებს სთავაზობს კორპორატიული და საინვესტიციო საბანკო მომსახურების სრულ სპექტრს.

პაშა ბანკი არის პაშა ჯგუფის ნაწილი, რომელიც თავის მხრივ წარმოადგენს  აზერბაიჯანის წამყვან საინვესტიციო ჰოლდინგს და ფლობს აქტივებს ისეთ სფეროებში, როგორიც არის დაზღვევა, კორპორატიული და საცალო საბანკო საქმიანობა, ქონების მართვა, მშენებლობა და ტურიზმი. ჰოლდინგის კაპიტალი 2014 წლის დეკემბრის მდგომარეობით აღემატება 5 მილიარდ აშშ დოლარს. 

 

პაშა ბანკმა საქართველოში ფუნქციონირება 2013 წლის თებერვალში დაიწყო. მისი სააქციო კაპიტალი 103 მილიონ ლარს შეადგენს. 

 

პაშა ბანკი მდებარეობს თბილისში: შოთა რუსთაველის გამზირის 15. 



იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up