რეგიონის სოციალურ-ეკონომიკურ კეთილდღეობას ზრდის არა შენობა-ნაგებობი, არამედ აღმასრულებელი და საკანონმდებლო ორგანოს რესურსი

რეგიონის სოციალურ-ეკონომიკურ კეთილდღეობას ზრდის არა შენობა-ნაგებობი, არამედ აღმასრულებელი და საკანონმდებლო ორგანოს რესურსი

access_time2018-09-25 09:00:25

ეკონომიკის დოქტორი, რატი აბულაძე „კომერსანტთან“ განმარტავს, რომ პარლამენტი არის ხელისუფლების უმაღლესი წარმომადგენლობითი და საკანონმდებლო ორგანო, რომელიც სახელმწიფოს ფორმირების ძირითადი პლატფორმაა. შესაბამისად, თავის მნიშვნელობიდან გამომდინარე დედაქალაქში უნდა იყოს დაფუძნებული.



„მისასალმებელია, რომ პარლამენტი, რომელიც დედაქალაქიდან ქუთაისში გადავიდა 2012 წელს, კვლავ დედაქალაქში დაფუძნდება 2019 წლის პირველი იანვრიდან. ხაზგასმით აღვნიშნავ, რომ სუბიექტური თვალსაზრისით, პარლამენტს იმერეთის რეგიონისთვის გააჩნდა ეკონომიკური, სოციალური და პოლიტიკური ფასეულობა.



ქუთაისში პარლამენტის არსებობით, გაიზარდა:


რეგიონის პრობლემების შესახებ ინფორმირების დონე. პარლამენტარები თბილისი-ქუთაისში სიარულით კარგად ეცნობიან საზოგადოების პრობლემებს, მათ მძიმე სოციალურ-ეკონომიკურ მდგომარეობას, ხალხის ხმას და საჭიროებას (პრობლემები კი ყველა რეგიონში ერთნაირია);

ინვესტორების ინტერესი ქალაქისადმი;

ქალაქის იმიჯი;


-  ქალაქის კონკურენტული უპირატესობა;


რეგიონის როლი და მნიშვნელობა. მე, მხოლოდ სუბიექტური თვალსაზრისით მივესალმები პარლამენტის იმერეთში არსებობას;




ობიექტურობა მოითხოვს აღინიშნოს, რომ სახელმწიფოს ძლიერებისა და განვითარებისათვის მნიშვნელოვანია აღმასრულებელი და საკანონმდებლო ორგანო (პარლამენტი და მთავრობა) იყოს დედაქალაქში. სახელმწიფოს სხვა ინსტიტუტები კი უფრო უმჯობესია თუ რეგიონებში იქნება განთავსებული.



უნდა აღინიშნოს, რომ რეგიონის სოციალურ-ეკონომიკურ კეთილდღეობას ზრდის არა შენობა-ნაგებობი არამედ აღმასრულებელი და საკანონმდებლო ორგანოს რესურსი . არსებითია ითქვას, რომ რეგიონის სოციალურ-ეკონომიკურ გარემოზე გავლენას ახდენს სახელმწიფო ინსტიტუტების მუშაობა, სამთავრობო პროგრამები, საინვესტიციო შესაძლებლობები, ადგილობრივი საზოგადოების აქტივიზაცია და მათი რესურსის აქტიურად გამოყენება.



მნიშვნელოვანია ითქვას, რომ 2012-2017 წლებში იმერეთის რეგიონში განხორციელებული ინვესტიციების მოცულობა მერყეობდა მხოლოდ 26 მლნ-დან 60 მლნ-მდე. იმერეთი, რაჭა-ლეჩხუმსა და ქვემო სვანეთში განხორციელებული ინვესტიციების მოცულობამ 2012 წელს შეადგინა 40 მლნ დოლარი, 2013 წელს - 59 მლნ, 2014 წელს - 28 მლნ, 2015 წელს -26 მლნ , 2016 წელს - 28 მლნ, ხოლო 2017 წელს 60 მლნ დოლარი. მცირეა მთლიანი დამატებული ღირებულების მოცულობის ზრდაც, რომელიც 2012 წელს იყო 2 660,4 მლნ ლარი, 2013 წელს - 2 670,4 მლნ, 2014 წელს - 2 685,2 მლნ, 2015 წელს - 2 940,05 მლნ, 2016 წელს - 3 074,1 მლნ ლარი.



მთავარი არ არის პარლამენტარების მიერ მხოლოდ ხალხში სიარული და პრობლემების მოსმენა, მთავარია მათ მიერ წარმოდგენილი პრობლემების გადაჭრის გზები და შესაძლებლობები. განსაკუთრებით მიკრო და მაკროეკონომიკური თვალსაზრისით.



მხედველობაში უნდა მივიღოთ ის გარემოებაც, რომ პარლამენტის ადგილმდებარეობაზე მეტად უფრო უმჯობესია აქცენტები გაკეთდეს :



საპარლამენტო საქმიანობის ძირითადი სუბიექტების მუშაობაზე;
-  ინიცირებულ თუ უკან გაწვეულ კანონებზე;
-  საშინაო და საგარეო პოლიტიკის ძირითად შედეგებზე;
-  საზოგადოებაში, ხელისუფლების წარმომადგენლებზე გაჩენილ კითხვებზე ადეკვატურ რეაგირებაზე (პარლამენტის პრეროგატივაა საქართველოს მთავრობის საქმიანობის კონტროლი).



პარლამენტი მართვის ფორმირებისა და კონტროლის ძირითადი პლატფორმაა. თუმცა, საპარლამენტო საქმიანობის ძირითადი სუბიექტები, რომელიც თავის უფლებამოსილებას ეფექტიანად ვერ ახორციელებენ, არსებითად მნიშვნელობა არ აქვს სად იჯდება ქუთაისში თუ თბილისში.



ჯამში აღვნიშნავ, რომ პოლიტიკურ და ეკონომიკურ ძალაუფლებას ასახავს არა ადმინისტრაციული შენობები, არამედ პოლიტიკური არქიტექტურა, ეკონომიკური პოლიტიკა, მმართველობითი რესურსი და შედეგებზე ორიენტირებული სახელმწიფო პროგრამები,“-განმარტავს აბულაძე. 


ავტორი: სოფო ქსოვრელი 





„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-05 21:30:02
დღის Top 10 საინტერესო ამბავი: 1.„რეგულაცია ხარჯების გაზრდას და საეჭვო გარიგებების შემცირებას გამოიწვევს“ - ლომბარდებს შსს-ისთვის ინფორმაციის მიწოდება დაევალათ ლომბარდებს, ანუ „სესხის გამცემ სუბიექტებს“ აქვთ ვალდებულება 1-ელი აპრილისთვის უკვე...


მსგავსი სიახლეები

up