პარლამენტის და მართველი პარტიის არაკვალიფიციური გადაწყვეტილებების გამო, უკვე დამტკიცებული  რეგულაციების გადავადება ან გაუქმება ხდება

პარლამენტის და მართველი პარტიის არაკვალიფიციური გადაწყვეტილებების გამო, უკვე დამტკიცებული რეგულაციების გადავადება ან გაუქმება ხდება

access_time2019-04-17 11:00:16

ქართული ოცნების მმართველობის პერიოდში ბევრი ახალი კანონი ამოქმედდა. მხოლოდ 2018  წელს საქართველოს პარლამენტმა 705 ახალი კანონი მიიღო. პარლამენტის თავმჯდომარე ირაკლი კობახიძე აცხადებდა, რომ თითოეული კანონი მოსახლეობაზე ზრუნვით იქმნებოდა.  თუმცა  ფაქტები სხვას აჩვენებენ - დეპუტატები კანონს ხშირად ისე იღებენ, რომ დოკუმენტი ბოლომდე წაკითხული და გააზრებულიც არ აქვთ. არავინ აკეთებს შედეგების პროგნოზირებას  და საბოლოოდ  დრო და ფინანსები იკარგება არასრულფასოვანი რეგულაციების მიღებაზე, გასწორებაზე და ისევ თავიდან მიღებაზე. არადა, პარლამენტარის პროფესიონალიზმი არის იმაში, რომ კანონმდებელმა მიიღოს წინასწარ გათვლილი, შედეგებზე ორიენტირებული საკანონმდებლო აქტი, რომელსაც რამდენიმე თვეში არ მოჰყვება შეცდომების აღიარება და გამოსწორების გზებზე ხელახალი  მსჯელობა.


ჩვენს რეალობაში კი სწორედ საკანონმდებლო და მთლიანად მმართველი გუნდის გაუაზრებელი გადაწყვეტილებები ხდება იმის მიზეზი, რომ ხშირად უკვე დამტკიცებული და ძალაში შესული კანონის გადავადება ან გაუქმება ხდება.


“კომერსანტი იმ რამდენიმე მნიშვნელოვანი ცვლილებისა და რეგულაციას შეგახსნებთ, რომელიც ქართული ოცნების მმართველობის პერიოდში ამოქმედდა, თუმცა გარკვეული მიზეზების გამო ან გადაიდო ან საერთოდ გაუქმდა.



პოლიეთილენის პარკების აკრძალვა


2019 წლის 1-ლი აპრილიდან ნებისმიერი სისქის პლასტიკის პარკების წარმოება, იმპორტი და რეალიზაცია აიკრძალა. წესის დარღვევა გამოიწვევს მეწარმე სუბიექტის დაჯარიმებას 500 ლარის ოდენობით, შესაბამისი პროდუქციის კონფისკაციით. განმეორებით ჩადენილი ქმედება კი მეწარმე სუბიექტის დაჯარიმებას 1 000 ლარით გამოიწვევს, ამ შემთხვევაშიც შესაბამისი პროდუქციის კონფისკაციით.


რეგულაციის ამოქმედებიდან 16 დღის გასვლის შემდეგ პარლამენტის გარემოს დაცვის კომიტეტის ხელმძღვანელი კახა კუჭავა აცხადებს, რომ პოლიეთილენის პარკების აკრძალვასთან დაკავშირებით მიღებული გადაწყვეტილება, შესაძლოა გადაიხედოს. მისი თქმით, მწარმოებლებისთვის მიცემული დრო გადაიარაღებისთვის საკმარისი არ აღმოჩნდა.


„მიუხედავად არსებული რისკებისა, „სხვა გზა არ არსებობდა“, -ასე აფასებს გარემოს დაცვისა და სოფლის მეურნეობის მინისტრი ლევან დავითაშვილი პირველ აპრილს ამოქმედებულ რეგულაციას. დავითაშვილმა აღნიშნა, რომ ახალი რეგულაცია პრაქტიკაში გამოიცდება, გამოვლენილი ხარვეზების შემთხვევაში კი, დოკუმენტში შესაბამისი ცვლილებებიც განხორციელდება.


საბანკო რეგულაციები გადამხდელუნარიანობის ანალიზის გარეშე სესხის გაცემა აიკრძალა


სებ-ის ახალი რეგულაციების მიხედვით, შეიცვალა სესხის მოცულობის ლიმიტები და კოეფიციენტები. თითოეული მოქალაქისთვის დაწესდა ის ჰიპოთეტური ჭერი, რაც მან სესხის სახით შეიძლება აიღოს.


მაგალითად, თუ თქვენი შემოსავალია თვეში 2000 ლარი, თქვენ არ შეგიძლიათ აიღოთ სესხი, რომლის მომსახურებაც თვიურად 900 ლარს აჭარბებს.



4 საშემოსავლო კატეგორია და მათთვის განსაზღვრული ჭერი ასეთია:


  1. თვეში 1000 ლარამდე შემოსავლის პირობებში, შეგეძლებათ აიღოთ სესხი, რომლის ყოველთვიური გადახდებიც არ აღემატება 35%-ს (მაქსიმალური შემოსავლის შემთხვევაში 350 ლარს);



2) თვეში 1000-2000 ლარამდე, შეგეძლებათ აიღოთ სესხი, რომლის ყოველთვიური გადახდებიც არ აღემატება 45%-ს (მაქსიმალური შემოსავლის შემთხვევაში 900 ლარს);


3) თვეში 2000-4000 ლარამდე, შეგეძლებათ აიღოთ სესხი, რომლის ყოველთვიური გადახდებიც არ აღემატება 55%- (მაქსიმალური შემოსავლის შემთხვევაში 2200 ლარს);


4) თვეში 4000 ლარზე მეტი, შეგეძლებათ აიღოთ სესხი, რომლის ყოველთვიური გადახდებიც, თქვენი შემოსავლის 60%-ს არ აღემატება.


საბანკო რეგულაციების ამოქმედებიდან 2 თვეში მთავრობა მათ შერბილებაზე ალაპარაკდა. ეკონომიკის მინისტრის გიორგი ქობულიას განცხადებით, შეიძლება მოხდეს კოეფიციენტის კორექტირება, სხვადასხვა ელემენტის კორექტირება, მაგრამ ვექტორები და მიმართულებები არ შეიცვლება


სასოფლო-სამეურნეო დანიშნულების მიწების უცხოელების მიერ საკუთრება აკრძალვა


2017 წლის 26 ივნისს პარლამენტმა სასოფლო-სამეურნეო მიწების უცხოეთის მოქალაქეებისთვის მიყიდვაზე მორატორიუმი გამოაცხადა. თუმცა, 9 თვის შემდეგ სოფლის მეურნეობის ყოფილი მინისტრი, ,,ქართული ოცნების” დეპუტატი ოთარ დანელია აღიარებს, რომ მიწის მორატორიუმმა სოფლის მეურნეობაში ინვესტიციები მნიშვნელოვნად შეაფერხა. მისი თქმით, ამ მორატორიუმის გამო სოფლის მეურნეობაში 200 მილიონი ლარი ვერ შევიდა. შედეგად დანელიამ პარლამენტს  „სასოფლო-სამეურნეო მიწის საკუთრების შესახებ“ ახალი კანონი  წარუდგინა.


ახალი სავიზო რეგულაციები


იუსტიციის სამინისტროს ინიციატივით, 2014 წელს 24 ქვეყანას გაუუქმდა უვიზო რეჟიმი და გართულდა უცხოელების საქართველოში შემოსვლის პროცედურები. შედეგად, ახალმა რეგულაციებმა ტურისტული ნაკადი შეამცირა. ქვეყანამ კი, დაახლოებით, 100 მლნ აშშ დოლარით იზარალა. ამ ტენდენციის შესაჩერებლად მთავრობა იძულებული გახდა, კვლავ შეეცვალა კანონი.


ავტოტრანსპორტით ხორბლის შემოტანის აკრძალვა


ხორბლის შემოტანის აკრძალვა 2018 წლის 15 სექტემბრიდან იყო დაგეგმილი, თუმცა პირველ ოქტომბრამდე გადავადდა. ამას ხორბლის ავტოტრანსპორტით გადამზიდავი მეწარმეების და მძღოლების საპროტესტო აქცია მოჰყვა, რის შემდეგაც ფინანსთა მინისტრმა ივანე მაჭავარიანმა განაცხადა, რომ  საქართველოს მთავრობამ მძღოლების მოსაზრება და მდგომარეობა გაითვალისწინა, ამიტომ ხორბლის იმპორტზე შეზღუდვები 2019 წლის პირველ ოქტომბრამდე გადავადდა.


ეტიკეტირების  ახალი რეგულაციები


2018 წლის სექტემბრიდან უნდა ამოქმედებულიყო ტექნიკური რეგლამენტი „მომხმარებლისათვის სურსათის შესახებ ინფორმაციის მიწოდების - სურსათის ეტიკეტირების წესის შესახებ“.ბიზნეს სექტორის ინფორმირების მიზნით, გაიმართა შეხვედრები, სადაც ბიზნესის წარმომადგენლებმა დამატებითი ვადა მოითხოვეს და კანონმდებლობის ამოქმედების თარიღის გადაწევის შესახებ მთავრობას მიმართეს.საქართველოს მთავრობამ ბიზნესსექტორის ინიციატივა გაითვალისწინა და ტექნიკური რეგლამენტის ამოქმედების ვადა 6 თვით, 2019 წლის მარტამდე გადასწია. მოგვიანებით კი გადაწყდა, რომ ახალი რეგულაცია მარტის ნაცვლად, სექტემბერში ამოქმედდება. 


სპირტიანი სასმელის საწარმოებლად ნეიტრალური სპირტის გამოყენების აკრძალვა


2024 წლის 1-ელ იანვრამდე გადაიწია აკრძალვამ, რომლის მიხედვით, სპირტიანი სასმელის საწარმოებლად ნეიტრალური სპირტის გამოყენება დაუშვებელი ხდება.ამასთან ერთად, გადავადდა ნორმა რომლის მიხედვით, ღვინისა და სპირტიანი სასმელის ეტიკეტებზე აღნიშვნა - “ქართული ბრენდი“ ნებადართულია, თუ ბრენდის საწარმოებლად გამოყენებული სპირტის არანაკლებ 85%-ს საქართველოში მოყვანილი ყურძნისგან დამზადებულ სპირტს შეადგენს.


ღვინის მწარმოებლებისთვის ეს შეზღუდვები ძალაში 2019 წლის 1 იანვრიდან უნდა შესულიყო, თუმცა პარლამენტის აგრარულ საკითხთა კომიტეტის თავმჯდომარის ოთარ დანელიას ინიციატივით, ინიცირებულია პროექტი, რომლის მიხედვით, “ვაზისა და ღვინის შესახებ“ კანონის შესაბამისი ნორმები 2019 წლის 1-ელი იანვრის ნაცვლად, 2024 წლის 1-ელი იანვრიდან შევა ძალაში.


მაშინ აგრარულ საკითხთა კომიტეტის თავმჯდომარემ განაცხადა, რომ რეგულაციები ბიზნესის წარმომადგენელთა თხოვნით გადავადდა. მისივე განმარტებით, კონსულტაციების შედეგად გამოვლინდა, რომ ბიზნესსექტორი დაგეგმილი ცვლილებებისთვის მზად არ იყო.


ბაჩო ადამია






მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“

მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“
access_time2019-08-20 20:34:59
თიბისი ბანკის დამფუძნებელი მამუკა ხაზარაძე სოციალურ ქსელში პოსტს აქვეყნებს, რომელსაც „კომერსანტი“  უცვლელად გთავაზობთ: „დღეს პროკურატურის მოთხოვნით და სასამართლოს განჩინებით მოხდა ჩემი და ბადრი ჯაფარიძის ყველა საბანკო ანგარიშის დაყადაღება. ეს ქმედება ემსახურება მხოლოდ ერთ მიზანს, რომ მოხდეს ჩვენს მიერ დაანონსებული საზოგადოებრივი მოძრაობის და ყველა მიმდინარე დასაფინანსებელი საქველმოქმედო და ბიზნეს...

“ესტონეთი არის ყველაზე მდიდარი პოსტსაბჭოთა ქვეყანა“ - რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი

“ესტონეთი არის ყველაზე მდიდარი პოსტსაბჭოთა ქვეყანა“  -  რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი
access_time2019-08-20 19:30:07
1991 წლის 20 აგვისტოს, საღამოს 11 საათზე ესტონეთმა საბჭოთა კავშირისგან დამოუკიდებლობის აღდგენა გამოაცხადა — რა შეიცვალა 28 წლის შემდეგ —  ეროვნული ბანკის ყოფილი პრეზიდენტის გიორგი ქადაგიძის facebook  პოსტს უცვლელად გთავაზობთ: ესტონეთი არის ყველაზე მდიდარი პოსტსაბჭოთა ქვეყანა (საქართველოზე 3-ჯერ მდიდარი). 2. ესტონეთი არის...

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს
access_time2019-08-20 20:00:21
მოგესალმებით. დღეს მინდა ვისაუბრო კომპანიაზე, რომლის აქციებიც შევიძინეთ 2017 წლის 21 ნოემბერს. აქციების შეძენა მოხდა $38 დოლარად. ამ დროისთვის კომპანიის აქციის ფასია $131 დოლარი. რაც ინვესტირებული თანხის 240%-იან ზრდას შეადგენს. მე JDinvestment-ის პორტფელში ამ დროსითვის რამოდენიმე კომპანიის აქცია მაქვს მფლობელობაში. მათ შორის არის კომპანია...

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო
access_time2019-08-20 18:30:57
კომპანია China Railway 23rd Bureau Group Co, რომელსაც მსოფლიო ბანკმა ტენდერებში მონაწილეობა დროებით აუკრძალა, საქართველოში სხვადასხვა პროექტთან ერთად, ქვეშეთი-კობის საავტომობილო გზის 13 კმ-იან მონაკვეთს ააშენებს. გამარჯვებული კომპანია სწორედ ტენდერის შედეგად გამოვლინდა, თუმცა, როგორც საავტომობილო გზების დეპარტამენტის თავმჯდომარე აცხადებს, ეს იქამდე მოხდა, ვიდრე მას ტენდერებში მონაწილეობა აეკრძალებოდა. ცნობისათვის, მსოფლიო ბანკმა საქართველოს მთავრობის ერთ-ერთ უმსხვილეს...

სილქროუდ ჯგუფის განცხადება „ბათუმი რივიერასთან“ დაკავშირებით: ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად

სილქროუდ ჯგუფის განცხადება „ბათუმი რივიერასთან“ დაკავშირებით:  ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად
access_time2019-08-20 16:30:56
  პროექტ „ბათუმი რივიერასთან“ დაკავშირებით სილქროუდ ჯგუფი ავრცელებს საჯარო განცხადებას. “კომერსანტი გთავაზობთ ტექსტს უცვლელად: „რივიერას ტერიტორიაზე დაგეგმილ მშენებლობასთან დაკავშირებით უკვე ჩატარდა 8 საჯარო განხილვა, რაც უპრეცედენტო შემთხვევაა საქართველოში განხორციელებული თუ დაგეგმილი პროექტებისთვის. ჩვენ ყველა დაინტერესებულ მხარეს მივაწოდეთ ამომწურავი ინფორმაცია და მოვისმინეთ მათი პოზიცია. სამწუხაროდ, ბოლო რამდენიმე შეხვედრა...


მსგავსი სიახლეები

up