ქვეყანაში საგანგებო მდგომარეობის ამოქმედება პარფიუმერულ კომპანიებსაც შეეხოთ, კორონავირუსის გავრცელებით გამოწვეულ პრობლემებს პარფიუმერიის სახლები თავიანთი პროდუქტის რეალიზაციის თანამედროვე ხერხს მიმართავენ და მომხმარებელებს თავიათ ონლაინ მაღაზიაში სტუმრობისკენ მოუწოდებენ. 

მათი დისტანციური მუშაობის პრინციპი  მოსახლეობის უსაფრთხოებასა და სილამაზეზე ზრუნვაა.

პარფიუმერული მაღაზია „ვულევუს“ პიარ მენეჯერი ნინო ნოდია, „კომერსანტთან“  საუბრისას აცხადებს, რომ მათი ონლაინ მაღაზია ბოლო ერთი კვირის განმავლობაში მკვეთრად გააქტირუებულია, თუმცა ონლაინ გაყიდვის მაჩევენებელი მაღაზიის გაყიდვებთან შედარებით გაცილებით ნაკლებია.

 „მომხმარებლები ონლაინ გვიკვეთავენ ნივთებს და  ყიდულობენ, თუმცა გაყიდვის ეს მაჩვენებელი, რა თქმა უნდა, მაღაზიების მაჩვენებლის შესაბამისი არ არის.

ახლა ის მომხმარებელი გვიკავშირდება,  რომელმაც ზუსტად იცის რა პროდუქტი სჭირდება და რეგულარულად იყენებდა მას.

ჩვენ ისეთ პროდუქციას ვყიდით, რასაც ადგილზე დატესტვა სჭირდება , თუნდაც სუნამო რომლის სუნიც უნდა იგრძნოს მყიდველმა, ან სახის კრემი, კოსმტეტიკური საშუალებები, რომლის ფაქტურასაც ადგილზე ამოწმებდნენ და იცოდნენ რას იძენდნენ.  სწორედ ამის გამო, 2 დღეში  დავამატებთ  ონლაინ კონსულტაციას, სადაც მყიდველი შეძლებს  ვიზაჟისტთან გაიაროს კონსულტაცია კონკრეტულ პროდუქტზე და ამის შემდეგ შეიძინოს ის.“-ამბობს ნინო ნოდია.

რაც შეეხება სამოქმედო გეგმას, თუ რას აპირებს კომპანია, რომ ეს კრიზისული პერიოდი დაძლიოს  „ვულევუს“ წარმომადგენლის თქმით,  არსებული მდგომარეობის სწრაფად განვითარების გამო, მსგავსი გეგმა ამ ეტაპზე შემუშავებული არ აქვთ, თუმცა დღეს კომპანია  ამ მიმართულებით ონლაინ რეჟიმში მუშაობს.

სატელეფონო შეკვეთებზე მუშაობს პარფიუმერული კომპანია „ისი პარი“.  როგორც მისი პიარმენეჯერი ხატია შამუგია ამბობს, მაღაზია ამ რეჟიმით მანამ იმუშავებს, სანამ ქვეყანაში საგანგებო მდგომარეობაა გამოცხადებული.

 „ისი პარის“ არ აქვს ონლაინ მაღაზია და მის შექმნაზე ვმუშაობთ, მანამ კი სატელეფონო შეკვეთებს ვიღებთ და ამ გზით ვყიდით პროდუქციას.  გვიკავშირდებიან ტელეფონის საშუალებით და მათი შეკვეთა მძღოლს დანიშნულების ადგილზე მიაქვს სრულიად უსაფრთხოდ და წესების დაცვით.

ფილიალების დროებით დახურვისა და ამ შეფერხებით გამოწვეული ზარალი,  ჯერ  კომპანიას  არ დაუთვლია.  ამ ეტაპზე  ამაზე საუბარი ნაადრევია, რადგან ჯერ ერთი თვეც არ გასულა, რომ დაზუსტებით ვიცოდეთ რა თანხებზე და პროცენტულ მაჩვენებელზეა საუბარი.   ქვეყანაში იმდენად სწრაფად შეიქმნა ფორსმაჟორული სიტუაცია, ამითვის არავინ არ ვიყავით მზად და ჯერ სამოქმედო გეგმაც არ გავქვს.“-ამბობს ხატია შამუგია.

შეგახსენებთ, რომ ქვეყანაში საგანგებო ვითარება 21 მარტს გამოცხადდა და 21 აპრილის ჩთვლით გაგრძელდება, სწორედ ამის გამო ქვეყნის მასშტაბით დახურულია ყველა დაწესებულება გარდა საავადმყოფოების, სასუსათო მაღაზიებისა და აფთიაქების.

ნათია ლომიძე