პანდემიის პერიოდში დადებული 2 მილიონიანი კონტრაქტი - „მტევინო“ ჩინეთში ექსპორტზე გადის

პანდემიის პერიოდში დადებული 2 მილიონიანი კონტრაქტი - „მტევინო“ ჩინეთში ექსპორტზე გადის

access_time2020-09-14 11:00:45

პანდემიის პერიოდში დაწყებული მოლაპარაკებები და 2 მილიონი დოლარის ინვესტიცია - ქართული ღვინის კომპანია „მტევინო“ 2020 წლის ბოლომდე ჩინეთში 500 000 - მდე ბოთლით 7 სახეობის ღვინოს გაიტანს.


კომპანია „მტევინოს“ ღვინო, რომელიც უმაღლესი ხარისხის მაკომპლექტებელი მასალებითაა შექმნილი, რამდენიმე თვეა, რაც ბაზარზე გამოჩნდა. მიუხედავად ოპერირების მცირე დროისა, კომპანიას ექსპორტთან დაკავშირებული მოლაპარაკებები ჩინეთის გარდა უკვე სხვადასხვა ქვეყანასთან აქვს დაწყებული.


ამ ეტაპზე, ჩინეთის მიმართულებით ღვინის რეალიზაცია უკვე დაწყებულია. გაფორმდა ხუთწლიანი ხელშეკრულება,რომლის მიხეედვითაც ახალ წლამდე, 400 ათასიდან 500 ათასამდე ბოთლის გატანა უნდა მოხდეს, ახალი წლის შემდეგ კი დაგეგმილია რაოდენობის გაზრდა.   ჩინეთის მხრიდან დაინტერესება დიდია, განსაკუთრებით წითელ ღვინოებზე. ჩვენი მომხმარებელი დააგემოვნებს საფერავს, მუკუზანს, ხაშმის საფერავს, ქვევრში დაძველებულ ხაშმის საფერავს, ნახევრად ტკბილ ღვინოებს, ქინძმარაულს, ალაზნის ველს, რქაწითელს. აღსანიშნავია, რომ ჩვენი ღვინო სხვადასხვა საფასო კატეგორიის დახლებზე მოხვდება.  გვაქვს როგორც მაღალ ფასიანი ასევე დაბალფასიანი ღვინო, რომელიც არის ძალიან მაღალი კლასის და მიგვაჩნია, რომ თავის საფასო სეგმენტში ყველას ღირსეულ კონკურენციას გაუწევს ,- გვიყვება კომპანიის ბრენდ ამბასადორი სულიკო ნემსაძე.


მას შემდეგ, რაც საქართველოსა და ჩინეთს შორის თავისუფალი ვაჭრობის ხელშეკრულება გაფორმდა, ჩინეთის  მხრიდან  ქართული ღვინოებისადმი ინტერესი საგრძნობლად  გაიზარდა. შესაბამისად გაზრდილია კონკურენციაც. სულიკო ნემსაძის თქმით, კომპანია „მტევინოს“ ღვინით დაინტერესება ღვინის მაღალმა ხარისხმა გამოიწვია, რის შემდეგაც ჩინეთში ლაბორატორიული ნიმუშები გადაიგზავნა.


ჩვენმა ღვინომ დიდი მოწონება დაიმსახურა. ამის მიზეზი მაღალი ხარისხია, ჩვენ ორიენტირებულები ვართ მაღალი ხარისხისა და კლასის ღვინოების წარმოებაზე და არა რაოდენობაზე. საქართველოდან დაბალი ხარისხის ღვინოებიც გადის ჩინეთის მიმართულებით, ჩვენი მთავარი ამოცანა კი ის არის, რომ ვაწარმოოთ მაღალი ხარისხის ღვინო, ავწიოთ კლასი და სახელი გავუთქვათ ქართულ ღვინოს, რომელიც არ ჩამოუვარდება უკვე აღიარებულ ევროპულ, ფრანგულ, იტალიურ ღვინოებს. ამ ყველაფრისთვის საჭიროა,რომ ორიენტირი ხარისხზე შევინარჩუნოთ. მოგეხსენებათ, რომ პოსტპანდემიური პერიოდი, მეღვინეობისა და ზოგადად, ბიზნესისთვის ხელისშემშლელი აღმოჩნდა, ამიტომ თანამშრომლობა მცირე დროით გაგვეწელა. მოლოდინი გვაქვს, რომ როგორც რაოდენობრივად, ისე სეგმენტის თვალსაზრისით მათი მხრიდან დაინტერესებ აგაიზარდება. ნებისმიერ შემთხვევაში ტექნიკურად მზად ვართ და შეგვიძლია ვუზრუნველყოთ ეს შეკვეთები. მზადყოფნაში ვართ, რომ ახალი რთველი, ახალი გამოწვევებით მივიღოთ , გაიზარდოს ურთიერთთანამშრომლობა და საინტერესო გახდეს ორივე მხარისთვის. - აღნიშნავს სულიკო ნემსაძე.



ხარისხის შესანარჩუნებლად და გასაუმჯობესებლად კომპანიას უმაღლესი ტექნოლოგიებით აღჭურვილი ლაბორატორია აქვს, სადაც ყოველდღიურად ტარდება ღვინის ანალიზები. ძალიან მოკლე დროში მიღწეული წარმატებები ჩინეთთან ერთად, აშშ-საც უკავშირდება. სულ მალე აშშ-ში კომპანია მტევინო 5 დასახელების ღვინოს შეიტანს.


გვაქვს მოლაპარაკება აშშ-სთან, უკვე ხელშეკრულების გაფორმების ფაზაში ვართ და აშშ-შიც ძალიან მალე შევიტანთ ჩვენს ღვინოს. აშშ-სთან მოლაპარაკებები დაწყებულია,როგორც  ქვევრის, ისე კლასიკური მეთოდით შექმნილ ღვინოებზე. შევიტანთ 5 დასახელების ღვინოს , ჯამში ათ პალეტზეა საუბარი. როგორც კი პანდემიის თემა აღმოიფხვრება და ჰორეკა უფრო გააქტიურდება, რაოდენობრივად შეკვეთებიც გაიზრდება. გვაქვს სხვა შემოთავაზებებიც და ახლა ვიწყებთ ამ მიმართულებით აქტიურ მუშაობას,- აღნიშნავს სულიკო ნემსაძე.


კომპანია მტევინოს მოლაპარაკებები აქვს დაწყებული გერმანიასთან და დიდ ბრიტანეთთან. გერმანიაში, თავდაპირველად, მცირე რაოდენობის პროდუქციის რეალიზაციაა დაგეგმილი;  დიდ ბრიტანეთთან  კი, სადაც  ონლაინ გაყიდვებია გააქტიურებული, თანამშრომლობაც ამ მიმართულებით იგეგმება.


მიუხედავად რთული პერიოდისა, მთელი გუნდის ძალისხმევამ და მონდომებამ შედეგი გამოიღო და საინტერესო თანამშრომლობა გაფორმდა. უნდა ითქვას,რომ როგორც საერთაშორისო, ისე შიდა ბაზრის მიმართულებით, საინტერესო ობიექტებზე ვართ განთავსებული. სულ რამდენიმე თვეა,რაც ბაზარზე ვართ და ეს მეტ სტიმულს გვაძლევს,რომ მეტი ვიმუშაოთ და სახელი გავითქვათ ჩვენი პროდუქციით,- ამბობს სულიკო ნემსაძე.


შეგახსენებთ, რომ ქართულ სტუმარ-მასპინძლობის ტრადიციებზე დაფუძნებულ თანამედროვე კონცეპტუალური სივრცე მტევინო ბიზნესმენმა ნიკა ზაუტაშვილმა შექმნა. ყველაფერი უბრალო გატაცებით, ვენახის და ღვინის სიყვარულით დაიწყო. მეღვინეობა „მტევინოს“ დამფუძნებელს ბავშობიდან ესმოდა ხაშმის საფერავი, რამაც სურვილი გაუჩინა საკუთარი ხაშმის საფერავის ვენახი ჰქონდა. თავიდან ეს მხოლოდ და მხოლოდ მისი ჰობი იყო, მაგრამ გატაცებამ ძალიან მალე სერიოზული სახე მიიღო და ჰობი ბიზნესად იქცა. ინვესტიციის ოდენობამ 6 მილიონი ლარი შეადგინა. დიდი მუშაობის შემდეგ​ კომპანიამ მოახერხა ის, რომ კახეთში ცნობილი საღვინე ვაზის ჯიშის ხაშმის საფერავის ზონა წარმოქმნა. კომპანიის მიზანია ქართველებს და უცხოელებს რაც შეიძლება მეტი ხარისხიანი ღვინო დაალევინოს. მტევინოს“ წარმოების 80% გადანაწილებული ექსპორტის მიმართულებით ხოლო, 20% საქართველოს ბაზრისთვისაა განკუთვნილი.

 

კომერსანტი


თეგები:
მტევინო



შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“

შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“
access_time2021-04-19 22:30:00
შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი რამდენიმე წუთის წინ, ორბელიანის სასახლეში მოეწერა. კერძოდ, შეთანხმების ტექსტს ოპოზიციური სპექტრიდან ხელი მოაწერეს „სტრატეგია აღმაშენებლის“ თავმჯდომარე გიორგი ვაშაძემ, „ლელოს“ ლიდერებმა - ბადრი ჯაფარიძემ და მამუკა ხაზარაძემ, „რესპუბლიკური პარტიის“ თავმჯდომარე ხათუნა სამნიძემ, „მოქალაქეების“ თავმჯდომარე ალეკო ელისაშვილმა და „გირჩის“...

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ
access_time2021-04-19 19:00:59
სუპერლიგის შექმნა ასეთი რეალური არავის ეგონა. თუმცა გუშინ ღამით ოფიციალურად შექმნეს ახალი ტურნირი და მაშინვე დაიწყო ვარაუდები, პრეტენზიები და მუქარები. მივყვეთ მოვლენებს.   12-მა კლუბმა გადაწყვიტა, რომ უეფასა და ღარიბი გუნდებისთვის ფულის გაყოფა არ სურთ და ახალი ტურნირის შექმნა მოიფიქრეს. ინიციატორები ფლორენტინო პერესი და ანდრეა ანიელი იყვნენ. რეალის ბოსი პრეზიდენტი იქნება, იუვეს ხელმძღვანელი და მანჩესტერის მფლობელი ჯოელ გლეიზერი - ვიცე-პრეზიდენტები.   ლა...

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!
access_time2021-04-19 20:00:01
გასულ წელს ჩინეთმა  საკუთარი ციფრული ვალუტის გატესტვა დაიწყო, რომლის გამოყენებისთვისაც საჭირო არ იქნება ბანკში ანგარიშის ქონა და არც ინტერნეტი. ხელისუფლება აცხადებს, რომ ეს გადახდის სისტემას უფრო ხელისაწვდომს გახდის, ხოლო ეკონომიკას დოლარისგან დამოუკიდებელს. ექსპერტები კი ეჭვობენ, რომ ამ გზით მთავრობა მოსახლეობის კონტროლის კიდევ ერთ მექანიზმს ქმნის. რისთვის სჭირდება ჩინეთს ციფრული ვალუტა,  რომელიც გამოსაცდელად უკვე რამდენიმე მილიონობით გადაეცა...

დღის top 10 საინტერესო ამბავი

დღის top 10 საინტერესო ამბავი
access_time2021-04-19 21:00:13
დღის top 10 საინტერესო ამბავი: რეფინანსირების ისტრუმენტი , რომელსაც ეროვნული ბანკი იყენებს ლარის კურსზე დამატებითი წნეხია ლარის კურსზე გავლენას ეროვნული ბანკის ქმედებები, ბიუჯეტის ხარჯვის გრაფიკი და მოლოდინებიც ახდენს, მთგან...

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2021-04-19 18:00:59
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 19 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 19 აპრილის ვაჭრობის შედეგად (რომლის ოფიციალური კურსი 20 აპრილისთვისაა) ეროვნული...


მსგავსი სიახლეები

up